အ့းဖ့းစူး
၄ ယၤ, ယမ့ၢ်ပှၤဃိာ်ဖိတဂၤ+ လၢကစၢ်အဃိ ဒီးယဃ့ကညးသုလၢ သုကအိၣ်မူ ဒ်အကြၢးဝဲဘၣ်ဝဲဒီး+ တၢ်ကိးန့ၢ်သုအဂီၢ်လီၤ. ၂ အဃိ ပာ်ဖျါထီၣ်တၢ်ဆီၣ်လီၤသး+ ဒီးတၢ်သူၣ်စူၤသးစူၤထီဘိ, ပာ်ဖျါထီၣ် တၢ်ဝံသးစူၤ+ ဒီးဝံသးစူၤလိာ်သး တဂၤဒီးတဂၤလၢ တၢ်အဲၣ်တၢ်ကွံအပူၤတက့ၢ်.+ ၃ ဒီးဂုာ်ကျဲးစၢးလၢ အဂ့ၤကတၢၢ် ဒ်သိးသုကဆဲးအိၣ်ဒီး တၢ်သးတဖျၢၣ်ဃီ လၢသးစီဆှံ ဒုးအိၣ်ထီၣ်ဝဲ ဒီးတၢ်ဃူတၢ်ဖိးလၢ အစၢဃာ်သုန့ၣ်တက့ၢ်.+ ၄ ဒ်ကစၢ်ယွၤ ကိးန့ၢ်သုလၢ သုကအိၣ်ဒီးတၢ်မုၢ်လၢ်တမံၤဃီအသိး+ နီၢ်ခိအိၣ်တဂၤဃီ,+ သးစီဆှံတမံၤဃီ,+ ၅ ကစၢ်တဂၤဃီ,+ တၢ်နာ်တမံၤဃီ, တၢ်ဒိးဘျၢတမံၤဃီ ၆ ဒီးကစၢ်ယွၤတဂၤဃီ လၢအမ့ၢ် ပှၤခဲလၢာ်အပၢ်လီၤ. အဝဲအိၣ်လၢ ပှၤခဲလၢာ်အဖီခိၣ်, အဝဲသူပဝဲခဲလၢာ် လၢအကမၤတၢ် ဒီးအစိအကမီၤ မၤတၢ်လၢ ကျဲကိးမံၤဒဲးအပူၤလီၤ.
၇ ပဝဲတဂၤစုာ်စုာ် ပဒိးန့ၢ်ဘၣ် တၢ်သးကညီၤဒိၣ်ဒိၣ်မုၢ်မုၢ် လၢအမ့ၢ် တၢ်ဟ့ၣ်ကလီလၢ ခရံာ်ဟ့ၣ်နီၤလီၤပှၤလီၤ.+ ၈ တၢ်ကွဲးအသးတဲဝဲလၢ “ဖဲအဝဲက့ၤထီၣ်လၢ တၢ်လီၢ်လၢအထီၣ်ထီအခါန့ၣ် အဝဲဖီၣ်န့ၢ် ပှၤပိာ်ခွါတနီၤ ဒီးဟ့ၣ်လီၤ ပိာ်ခွါတဖၣ်အံၤ ဒ်တၢ်ဟ့ၣ်တဖၣ် အသိးလီၤ.”+ ၉ “အဝဲက့ၤထီၣ်” န့ၣ် အဲၣ်ဒိးတဲဝဲ အခီပညီဒ်လဲၣ်. အခီပညီမ့ၢ်ဝဲ အဝဲဟဲလီၤတ့ၢ်လၢလာ်ခီ လၢအမ့ၢ် ဟီၣ်ခိၣ်န့ၣ်လီၤ. ၁၀ ပှၤလၢအဟဲလီၤတဂၤန့ၣ် မ့ၢ်ပှၤလၢအက့ၤထီၣ်ဝဲ+ ထီန့ၢ်ဒံး ကယဲၢ်မူခိၣ်တဖၣ်အဖီခိၣ် စၢၢ်တလၢၢ်+ ဒ်သိး အကမၤလၢထီၣ်ပှဲၤထီၣ် တၢ်ခဲလၢာ်အဂီၢ်လီၤ.
၁၁ ဒီးအဝဲဟ့ၣ်လီၤ ပှၤတနီၤ ဒ်တၢ်မၢဖိတဖၣ်,+ တနီၤဒ်ဝံတဖၣ်,+ တနီၤဒ် ပှၤစိာ်တၢ်သးခုကစီၣ်တဖၣ်,+ တနီၤဒ်ပှၤကွၢ်သိ ဒီးပှၤသိၣ်လိတၢ်တဖၣ်လီၤ.+ ၁၂ အဝဲမၤဝဲဒ်န့ၣ် ဒ်သိးပှၤတဖၣ်န့ၣ် ကဘှီဘၣ်ထီၣ်က့ၤ ပှၤစီဆှံတဖၣ်အဂီၢ်, ကမၤကစၢ်ယွၤ အတၢ်မၤအဂီၢ် ဒီးကမၤဆူၣ်ထီၣ် ခရံာ်အနီၢ်ခိအဂီၢ်လီၤ.+ ၁၃ ဒီးအဝဲသ့ၣ် ကမၤဝဲဒ်န့ၣ်တုၤလၢ ပဝဲခဲလၢာ် ကဲထီၣ်တၢ်တမံၤဃီလၢ တၢ်စူၢ်တၢ်နာ်အပူၤ ဒီးအိၣ်ဒီး တၢ်သ့ၣ်ညါကစၢ်ယွၤအဖိခွါ လီၤတံၢ်လီၤဆဲးလီၤ. အဃိ ပကကဲထီၣ် ပှၤဒိၣ်တုာ်ခိၣ်ပှဲၤ+ ဒီးတုၤထီၣ်ထီၣ်ဘးလၢ ခရံာ်အတၢ်ဒိၣ်တုာ်ခိၣ်ပှဲၤလီၤ. ၁၄ ပတကြၢးကဲ ဒ်သိးဒီး ပှၤဖိသၣ်တဖၣ်လၢၤဘၣ်. ပှၤလၢအမၤထွဲဒ် ပှၤဟီၣ်ခိၣ်ဖိ အတၢ်ကွဲန့ၢ်လွဲန့ၢ် ဒီးဒ်အဝဲသ့ၣ် အတၢ်ကူၣ်ထီၣ်ဖးလီၤ လၢအပှဲၤဒီး တၢ်လီတၢ်ဝ့ၤတဖၣ်အသိးန့ၣ် လီၤဂာ်ဒ် ကဘီလၢ အထီၣ်လီၤထီၣ်လီၤလၢ လပီတဖၣ်အကျါ ဒီးဘၣ်တၢ်ဆှၢကဒံ ဆှၢကဒါအီၤ ခီဖျိလၢ တၢ်သိၣ်လိ အကလုာ်ကလုာ် လၢအလီၤဂာ်ဒ် ကလံၤအသိးလီၤ.+ ၁၅ မ့မ့ၢ် ပဝဲဒၣ်အံၤ ပကဘၣ်တဲ တၢ်မ့ၢ်တၢ်တီလီၤ. မ်တၢ်အဲၣ်တၢ်ကွံ ထိၣ်ဟူးထိၣ်ဂဲၤထီၣ်ပှၤလၢ ပကဒိၣ်ထီၣ်ထီထီၣ် လၢတၢ်ခဲလၢာ်အပူၤ ဒ်သိးပကလီၤဂာ်ဒီးခရံာ် လၢအမ့ၢ် ပခိၣ်တက့ၢ်.+ ၁၆ ခီဖျိလၢခရံာ်အဃိ နီၢ်ခိဒီတဂၤ+ ဘုးတာ်လိာ်အသးဃူဃူ ဒီးမၤသကိးတၢ် ခီဖျိလၢ တၢ်အဆၢခဲလၢာ်လၢ အမၤလၢပှဲၤ တၢ်လိၣ်ဘၣ်တဖၣ်လီၤ. ဖဲက့ၢ်ဂီၤတခါစုာ်စုာ် မၤတၢ်ဂ့ၤဂ့ၤအခါ အကဲထီၣ်တၢ်မၤစၢၤ ဒ်သိးနီၢ်ခိအံၤ ကဒိၣ်ထီၣ်ထီထီၣ်ဝဲအဂီၢ် ဒီးနီၢ်ခိအံၤကမၤဒိၣ်ထီၣ် အနီၢ်ကစၢ်ခီဖျိလၢ တၢ်အဲၣ်တၢ်ကွံလီၤ.+
၁၇ လၢတၢ်န့ၣ်အဃိ ယတဲဒီးယအုၣ်ယသးလၢ ကစၢ်အပူၤလၢ သုတဘၣ်အိၣ်မူဒ် ပှၤကလုာ်တဖၣ်လၢ အအိၣ်မူဒ်+ အတၢ်ကူၣ်လၢ အဘျုးတအိၣ်ဘၣ် အသိးလၢၤတဂ့ၤ.+ ၁၈ အဝဲသ့ၣ် အသူၣ်ခံးသးခံးဒီး အိၣ်ယံၤဒီးတၢ်မူလၢ အဟဲလၢ ကစၢ်ယွၤအအိၣ်, မ့ၢ်လၢအဝဲသ့ၣ် တအဲၣ်ဒိးသ့ၣ်ညါကစၢ်ယွၤဘၣ် ဒီးအဝဲသ့ၣ် အသးအတၢ်တူၢ်ဘၣ် တအိၣ်ဘၣ်အဃိလီၤ. ၁၉ အဝဲသ့ၣ် တသ့ၣ်ညါ တၢ်မဲာ်ဆှး နီတစဲးလၢၤဘၣ်. ဒီးဟ့ၣ်လီၤကွံာ်အသးလၢ ကမၤကမၣ်တၢ်လၢ တအိၣ်ဒီးတၢ်မဲာ်ဆှးဘၣ်*+ ဒီးလၢတၢ်သးကွံအပူၤန့ၣ် အဝဲသ့ၣ်မၤဝဲ တၢ်တကဆှီဘၣ်တဖၣ် ကိးကလုာ်ဒဲး တလီၢ်လီၢ်လီၤ.
၂၀ ဘၣ်ဆၣ် သုမၤလိဘၣ်လၢ ခရံာ်န့ၣ် တမ့ၢ်ပှၤဒ်န့ၣ်ဘၣ်. ၂၁ ယ့ၣ်ၡူးသိၣ်လိ တၢ်မ့ၢ်တၢ်တီလီၤ. ဒီးသုမ့ၢ်နၢ်ဟူ တၢ်လၢအအိၣ် ဒီးသုမ့ၢ်မၤလိတၢ်လၢအအိၣ်န့ၣ် သုသ့ၣ်ညါ တၢ်ဂ့ၢ်တဖၣ်အံၤ ဂ့ၤဂ့ၤလီၤ. ၂၂ တၢ်သိၣ်လိပာ်စၢၤသု ဒ်သိးသုကပတုာ်ကွံာ်* သုလုၢ်လၢ်သကဲာ်ပဝးလၢ အပူၤကွံာ် လၢအဘၣ်ထွဲဒီး သုတၢ်အိၣ်မူလီၢ်လံၤလီၤ.+ လုၢ်လၢ်သကဲာ်ပဝးလၢ အပူၤကွံာ်အံၤ အၢထီၣ်သီထီၣ်ထီဘိ ခီဖျိလၢ တၢ်သူၣ်လီသးကွံလၢ အလံၣ်န့ၢ်လီန့ၢ်တၢ်အဃိလီၤ.+ ၂၃ ဒီးသုကြၢး ဆီတလဲသုသးထီဘိ ဒ်သိးသုတၢ်ဆိကမိၣ် ဒီးတၢ်ပာ်သူၣ်ပာ်သး ကကဲထီၣ် တၢ်အသီအဂီၢ်လီၤ.+ ၂၄ ဒီးသုကြၢးဒုးအိၣ်ထီၣ်* လုၢ်လၢ်သကဲာ်ပဝးအသီ+ ဒ်ကစၢ်ယွၤအတၢ်ဘၣ်သး အိၣ်ဝဲအသိးလီၤ. လုၢ်လၢ်သကဲာ်ပဝးအသီအံၤ မ့ၢ်တၢ်လၢ အဘၣ် ဒီးအတီအလိၤ နီၢ်ကီၢ်လီၤ.
၂၅ ခဲအံၤ မ့ၢ်လၢသုပာ်တ့ၢ်ကွံာ် တၢ်လံၣ်တၢ်လီ ဒီးပမ့ၢ်က့ၢ်ဂီၤတဖၣ်လၢ အဘၣ်ထွဲလိာ်သးအဃိ+ တဲလိာ်သုသး တဂၤဒီးတဂၤလၢ တၢ်မ့ၢ်တၢ်တီတက့ၢ်.+ ၂၆ သုမ့ၢ်သးဒိၣ်ထီၣ်တၢ် သနာ်က့ တဘၣ်မၤ တၢ်ဒဲးဘးတဂ့ၤ.+ တဘၣ်ပျဲ သုတၢ်သးဒိၣ် အိၣ်ဒံးတုၤလၢ မုၢ်လီၤနုာ်တဂ့ၤ.+ ၂၇ တဘၣ်ဟ့ၣ် မုၣ်ကီၤလံၢ် တၢ်ခွဲးတၢ်ယာ်တဂ့ၤ.+ ၂၈ ပှၤလၢအဟုၣ်တၢ်န့ၣ် တဘၣ်ဟုၣ်တၢ် လၢၤတဂ့ၤ. မ်အမၤတၢ်ဆူၣ်ဆူၣ် ဒီးမၤတၢ်ဂ့ၤဂ့ၤလၢ အနီၢ်ကစၢ်အစု+ ဒ်သိး အကအိၣ်ဒီးတၢ်တမံၤမံၤလၢ ကဟ့ၣ်လီၤပှၤလၢ အလိၣ်ဘၣ် တၢ်မၤစၢၤအဂီၢ်တက့ၢ်.+ ၂၉ တဘၣ်ဒုးဟဲထီၣ် တၢ်ကတိၤ အအၢအသီ* လၢသုကိာ်ပူၤတဂ့ၤ.+ တဲထဲတၢ်ကတိၤလၢအဂ့ၤ လၢအကဲထီၣ်တၢ်ဟ့ၣ်ဂံၢ်ဟ့ၣ်ဘါ ဒ်တၢ်လိၣ်အိၣ်ဝဲအသိး ဒ်သိး အဘျုးကအိၣ်လၢ ပှၤလၢအနၢ်ဟူတၢ်တဖၣ် အဂီၢ်တက့ၢ်.+ ၃၀ ဒီးတဘၣ်မၤသးအုး ကစၢ်ယွၤ အသးစီဆှံတဂ့ၤ.+ ကစၢ်ယွၤ စဲပနီၣ်သုလၢ+ သးစီဆှံတုၤလၢ မုၢ်တနံၤလၢ သုကထူၣ်ဖျဲးထီၣ်ကွံာ် ခီဖျိတၢ်ပှ့ၤက့ၤလီၤ.+
၃၁ ပာ်တ့ၢ်ကွံာ် ကယဲၢ် တၢ်သူၣ်ဟ့သးဟ့ လၢအခၣ်,+ တၢ်သးထီၣ်, တၢ်သူၣ်ဒိၣ်သးဖျိး, တၢ်ကိးဃါတၢ်, တၢ်ဒုၣ်ဒွဲၣ်စံးအၢ ကိးကလုာ်ဒဲး+ ဒီးကယဲၢ်တၢ်လၢ အမၤဘၣ်ဒိပှၤဂၤတဖၣ်တက့ၢ်.+ ၃၂ ဒီးပာ်ဖျါထီၣ် တၢ်သူၣ်ဂ့ၤသးဝါ ဒီးတၢ်သးကညီၤ လၢတဂၤဒီးတဂၤ အဖီခိၣ်တက့ၢ်.+ ဒီးပျၢ်လိာ်သးတၢ်ကမၣ် တဂၤဒီးတဂၤ လၢာ်လၢာ်ဆ့ဆ့ ဒ်သိးဒီးကစၢ်ယွၤ ပျၢ်သုတၢ်ကမၣ် လၢာ်လၢာ်ဆ့ဆ့ ခီဖျိလၢ ခရံာ်အဃိတက့ၢ်.+