စံးထီၣ်ပတြၢၤ
တၢ်လဲၤထီၣ် အတၢ်သးဝံၣ်.
၁၃၀ အိ ယဟိဝၤယွၤဧၢ, လၢတၢ်ယိာ်ပူၤန့ၣ် ယကိးထီၣ်နၤလီၤ.+
၂ အိ ယဟိဝၤယွၤဧၢ, ဒိကနၣ်ယၤတက့ၢ်.
ယတၢ်ဃ့ကညးလၢ တၢ်မၤစၢၤအဂီၢ်န့ၣ် မ်နဒိကနၣ်အီၤတက့ၢ်.
၃ အိ ယဟိဝၤယွၤဧၢ, နမ့ၢ်ဃု ပတၢ်ကမၣ်န့ၣ်*
အိ ယဟိဝၤယွၤဧၢ, မတဂၤ ပူၤဖျဲးလၢ တၢ်စံၣ်ညီၣ် ကသ့တဂၤလဲၣ်.+
၄ ဘၣ်ဆၣ် နပျၢ်တၢ်ကမၣ် နီၢ်ကီၢ်ကီၢ်+
၅ ယမုၢ်လၢ်တၢ်လၢ ယဟိဝၤယွၤ အအိၣ်လၢ ယသးဒီဖျၢၣ်ညါ,
ယမုၢ်လၢ်တၢ်လၢ အကလုၢ်ကထါ အပူၤလီၤ.
၆ ယခိးကွၢ်လၢ် ယဟိဝၤယွၤ+ အိၣ်ဒီး တၢ်သူၣ်ဆူၣ်သးဆူၣ်
ဒိၣ်န့ၢ်ဒံး ပှၤခိးတၢ်ဖိတဖၣ် အိၣ်ခိးကွၢ်လၢ်လၢ မုၢ်ကဆ့ၣ်ဝါထီၣ်လီၤ.+
မ့ၢ်လီၤ, ယအိၣ်ဒီး တၢ်သူၣ်ဆူၣ်သးဆူၣ် ဒိၣ်န့ၢ်ဒံး ပှၤခိးတၢ်ဖိတဖၣ် အိၣ်ခိးကွၢ်လၢ်လၢ မုၢ်ကဆ့ၣ်ဝါထီၣ်လီၤ.
၇ ယဟိဝၤယွၤ အတၢ်အဲၣ်န့ၣ် ဂၢၢ်ကျၢၤဝဲ+
ဒီးအအိၣ်ဒီး တၢ်စိတၢ်ကမီၤဒိၣ်မးလၢ ကပှ့ၤက့ၤတၢ် အဃိ
မ်ပှၤအံၣ်စရ့လးဖိ ဆဲးခိးကွၢ်လၢ် ယဟိဝၤယွၤတက့ၢ်.
၈ အဝဲကမၤပူၤဖျဲး အံၣ်စရ့လးလၢ အဝဲသ့ၣ် အတၢ်ကမၣ်ခဲလၢာ် အပူၤလီၤ.