၁ ယိၤဟၣ်
၂ ယဖိဆံးသ့ၣ်ဧၢ, ယကွဲးန့ၢ်သု တၢ်ဂ့ၢ်တဖၣ်အံၤ ဒ်သိး သုသုတမၤဘၣ် တၢ်ဒဲးဘးတခါခါတဂ့ၤ အဂီၢ်လီၤ. ဘၣ်ဆၣ် ပှၤတဂၤဂၤ မ့ၢ်မၤဘၣ် တၢ်ဒဲးဘးတခါန့ၣ် ပအိၣ်ဒီး ပှၤမၤစၢၤတၢ်တဂၤ လၢအမ့ၢ် ပှၤတီပှၤလိၤ+ ယ့ၣ်ၡူးခရံာ်လၢ+ အအိၣ်ဒီးပၢ်လီၤ. ၂ ဒီးအဝဲမ့ၢ် တၢ်လုၢ်တၢ်ပာ်လၢ+ ပတၢ်ဒဲးဘးအဂီၢ်+ လၢအဒုးအိၣ်ဃူအိၣ်ဖိးပှၤဒီး ကစၢ်ယွၤလီၤ. ဘၣ်ဆၣ် တမ့ၢ်ထဲလၢ ပတၢ်ဒဲးဘးအဂီၢ်ဘၣ်, မ့ၢ်ဝဲလၢ ပှၤလၢအအိၣ်လၢ ဟီၣ်ခိၣ်ဒီဘ့ၣ်န့ၣ်+ အတၢ်ဒဲးဘးအဂီၢ် စ့ၢ်ကီးလီၤ. ၃ ဒီးပမ့ၢ်ဆဲးမၤထွဲ အတၢ်မၤလိာ်တဖၣ်န့ၣ် ပသ့ၣ်ညါလီၤပသးလၢ ပသ့ၣ်ညါအီၤလီၤ. ၄ ပှၤလၢအတဲဝဲ “ယသ့ၣ်ညါအီၤ” ဘၣ်ဆၣ် အမ့ၢ်တမၤထွဲ အတၢ်မၤလိာ်ဘၣ်န့ၣ် အမ့ၢ်ဝဲ ပှၤလံၣ်တၢ်လီတၢ် ဒီးတၢ်မ့ၢ်တၢ်တီ တအိၣ်လၢအသးပူၤဘၣ်. ၅ ဘၣ်ဆၣ် ပှၤလၢအမၤထွဲ အကလုၢ်ကထါန့ၣ် ပာ်ဖျါထီၣ်ဝဲလၢ အအဲၣ်ကစၢ်ယွၤ နီၢ်ကီၢ်လီၤ.+ လၢတၢ်ဂ့ၢ်အံၤအဃိ ပသ့ၣ်ညါလၢ ပလဲၤတၢ်ဒီးအီၤလီၤ.+ ၆ ပှၤလၢအတဲဝဲလၢ အဆဲးလဲၤတၢ်ဒီးအီၤဒံးန့ၣ် အနီၢ်ကစၢ် အိၣ်ဒီးမူဒါလၢ အကဘၣ် အိၣ်မူဒ်ယ့ၣ်ၡူး အိၣ်မူဝဲအသိးလီၤ.+
၇ ဒီပုၢ်ဝဲၢ်သးဘိသ့ၣ်ဧၢ, တၢ်မၤလိာ်လၢ ယကွဲးန့ၢ်သုအံၤ တမ့ၢ်တၢ်မၤလိာ် အသီဘၣ်. အမ့ၢ်ဝဲတၢ်မၤလိာ် အလီၢ်လံၤလၢ အအိၣ်ဒီးသုလၢ အခီၣ်ထံးလံ.+ တၢ်မၤလိာ် အလီၢ်လံၤန့ၣ် မ့ၢ်တၢ်ကတိၤလၢ သုနၢ်ဟူဘၣ်တ့ၢ်လံ. ၈ ဘၣ်ဆၣ် တၢ်မၤလိာ်လၢ ယကွဲးန့ၢ်သု ခဲအံၤန့ၣ် မ့ၢ်တၢ်လၢအသီလီၤ. ယ့ၣ်ၡူးမၤထွဲဝဲ တၢ်မၤလိာ်အံၤ ဒီးသုမၤထွဲအီၤစ့ၢ်ကီး မ့ၢ်လၢ ခဲအံၤန့ၣ် တၢ်ခံးဒံကွံာ်ဝဲ ဒီးတၢ်ကပီၤအနီၢ်ကီၢ်န့ၣ် ဟဲကပီၤထီၣ်လံ+ အဃိလီၤ.
၉ ပှၤလၢအတဲလၢ အအိၣ်လၢ တၢ်ကပီၤကျါ ဘၣ်ဆၣ် အဝဲမ့ၢ်သးဟ့+ အဒီပုၢ်ဝဲၢ်န့ၣ် မ့ၢ်ဒၣ်အအိၣ်ဒံးလၢ တၢ်ခံးကျါလီၤ.+ ၁၀ ပှၤလၢအအဲၣ် အဒီပုၢ်ဝဲၢ်န့ၣ် အဆဲးအိၣ်ဝဲလၢ တၢ်ကပီၤကျါ+ ဒီးတၢ်လၢ ကမၤလီၤဃံၢ်အီၤ တအိၣ်နီတမံၤဘၣ်. ၁၁ ဘၣ်ဆၣ် ပှၤလၢအသးဟ့ အဒီပုၢ်ဝဲၢ်န့ၣ် အအိၣ်ဝဲလၢ တၢ်ခံးကျါ ဒီးလဲၤတၢ်လၢ တၢ်ခံးကျါလီၤ.+ ဒီးမ့ၢ်လၢတၢ်ခံး မၤဘျီၣ်အမဲာ်ချံအဃိ အဝဲကလဲၤဖဲလဲၣ်န့ၣ် အတသ့ၣ်ညါဝဲဘၣ်.+
၁၂ ဖိဆံးသ့ၣ်ဧၢ, ယကွဲးန့ၢ်သု မ့ၢ်လၢ သုတၢ်ဒဲးဘးန့ၣ် ဘၣ်တၢ်ပျၢ်ကွံာ်အီၤ လၢအ* မံၤအဂီၢ်လီၤ.+ ၁၃ ပၢ်သ့ၣ်ဧၢ, ယကွဲးန့ၢ်သု မ့ၢ်လၢ သုသ့ၣ်ညါထီၣ် ပှၤလၢအအိၣ်လၢ တၢ်အခီၣ်ထံး လံၤလံၤတဂၤလံ အဃိလီၤ. ပိာ်ခွါသးစၢ်သ့ၣ်ဧၢ, ယကွဲးန့ၢ်သု မ့ၢ်လၢသုမၤနၢၤ မုၣ်ကီၤလံၢ်* လံအဃိလီၤ.+ ဖိသၣ်သ့ၣ်ဧၢ, ယကွဲးန့ၢ်သု မ့ၢ်လၢ သုသ့ၣ်ညါထီၣ်ပၢ်လံ အဃိလီၤ.+ ၁၄ ပၢ်သ့ၣ်ဧၢ, ယကွဲးန့ၢ်သု မ့ၢ်လၢ သုသ့ၣ်ညါထီၣ် ပှၤလၢအအိၣ်လၢ တၢ်အခီၣ်ထံး လံၤလံၤတဂၤလံ အဃိလီၤ. ပိာ်ခွါသးစၢ်သ့ၣ်ဧၢ, ယကွဲးန့ၢ်သု မ့ၢ်လၢသုဂံၢ်ဆူၣ်+ ဒီးကစၢ်ယွၤ အကလုၢ်ကထါ ဆဲးအိၣ်လၢသုသးပူၤ+ ဒီးသုမၤနၢၤ မုၣ်ကီၤလံၢ်* လံအဃိလီၤ.+
၁၅ ဟီၣ်ခိၣ်မ့ၢ်ဂ့ၤ, တၢ်အိၣ်လၢ ဟီၣ်ခိၣ်မ့ၢ်ဂ့ၤ+ အဲၣ်အီၤတဂ့ၤ. ပှၤတဂၤဂၤ မ့ၢ်အဲၣ်ဟီၣ်ခိၣ်န့ၣ် အတအဲၣ်ပၢ်ဘၣ်.+ ၁၆ တၢ်ခဲလၢာ်လၢ အအိၣ်လၢ ဟီၣ်ခိၣ် လၢအမ့ၢ် တၢ်ဖံးတၢ်ညၣ် အတၢ်သူၣ်လီသးကွံ,+ မဲာ်ချံ အတၢ်သူၣ်လီသးကွံ+ ဒီးတၢ်ပာ်ဖျါထီၣ် တၢ်လၢအအိၣ်ဒီးပှၤလၢ တၢ်ပာ်ကဖၢလၢသးအပူၤန့ၣ် အတအိၣ်ဟဲလၢ ပၢ်အအိၣ်ဘၣ်. အအိၣ်ဟဲလၢ ဟီၣ်ခိၣ်လီၤ. ၁၇ ဟီၣ်ခိၣ်အံၤ ဒီးဟီၣ်ခိၣ် အတၢ်သူၣ်လီသးကွံန့ၣ်+ ကလီၤမၢ်ကွံာ်ဝဲလီၤ. ဘၣ်ဆၣ် ပှၤလၢအမၤတၢ်ဘၣ် ကစၢ်ယွၤအသးန့ၣ် ကအိၣ်ဝဲ လီၤထူလီၤယိာ်လီၤ.+
၁၈ ဖိသၣ်သ့ၣ်ဧၢ, တၢ်ဆၢကတီၢ်လၢ အလီၢ်ခံကတၢၢ်တုၤလံ. သုနၢ်ဟူဘၣ်လၢ ပှၤတဂၤလၢ အထီဒါခရံာ်န့ၣ် ကဟဲဝဲ+ ဒီးခဲအံၤန့ၣ် ပှၤလၢအထီဒါခရံာ် အိၣ်ဖျါထီၣ်ဝဲ အါဂၤလံ.+ လၢတၢ်ဂ့ၢ်အံၤအဃိ ပသ့ၣ်ညါလၢ တၢ်ဆၢကတီၢ်လၢ အလီၢ်ခံကတၢၢ် တုၤလံ. ၁၉ လၢညါ အဝဲသ့ၣ် အိၣ်လၢပကျါ ဘၣ်ဆၣ် အဝဲသ့ၣ် ဟးထီၣ်ကွံာ် မ့ၢ်လၢ အဝဲသ့ၣ် တဘၣ်ဃးဒီးပှၤဘၣ် အဃိလီၤ.+ အဝဲသ့ၣ် မ့ၢ်ဘၣ်ဃးဒီးပှၤန့ၣ် အဝဲသ့ၣ်ကဆဲးအိၣ်လၢ ပကျါလီၤ. ဘၣ်ဆၣ် အဝဲသ့ၣ်ဟးထီၣ်ကွံာ် ဒ်သိး တၢ်ကပာ်ဖျါထီၣ်လၢ ပှၤတဘၣ်ဃးဒီးပှၤ ကိးဂၤဒဲးဘၣ်.+ ၂၀ တၢ်ဒိးဖှူလၢ သုဒိးန့ၢ်ဘၣ်အီၤန့ၣ် ဟဲလၢ တၢ်စီဆှံတဂၤန့ၣ်အအိၣ်+ ဒီးသုဝဲခဲလၢာ် အိၣ်ဒီးတၢ်သ့ၣ်ညါလီၤ. ၂၁ ယကွဲးန့ၢ်သု မ့ၢ်လၢသုတသ့ၣ်ညါ တၢ်မ့ၢ်တၢ်တီဘၣ်အဃိန့ၣ်+ တမ့ၢ်ဘၣ်. ယကွဲးန့ၢ်သု မ့ၢ်လၢသုသ့ၣ်ညါ တၢ်မ့ၢ်တၢ်တီ ဒီးမ့ၢ်လၢ တၢ်လံၣ်တၢ်လီန့ၣ် တဟဲကဲထီၣ်အသး ခီဖျိလၢ တၢ်မ့ၢ်တၢ်တီ နီတမံၤဘၣ် အဃိလီၤ.+
၂၂ ပှၤလၢအတတူၢ်လိာ်လၢ ယ့ၣ်ၡူးမ့ၢ်ခရံာ်ဘၣ်န့ၣ်+ မ့ၢ်ဝဲပှၤလၢ အလံၣ်တၢ်လီတၢ် တမ့ၢ်ဘၣ်ဧါ. ပှၤလၢအတတူၢ်လိာ် ပၢ်ဒီးဖိခွါဘၣ်န့ၣ် မ့ၢ်ဝဲ ပှၤတဂၤလၢ အထီဒါခရံာ်လီၤ.+ ၂၃ ပှၤကိးဂၤဒဲးလၢ အတတူၢ်လိာ်ဖိခွါဘၣ်န့ၣ် အတအိၣ်ဒီး တၢ်ရ့လိာ်သးဒီး ပၢ်စ့ၢ်ကီးဘၣ်.+ ဘၣ်ဆၣ်ပှၤလၢ အအၢၣ်လီၤတူၢ်လိာ် ဖိခွါန့ၣ်+ အအိၣ်ဒီး တၢ်ရ့လိာ်သးဒီး ပၢ်စ့ၢ်ကီးလီၤ.+ ၂၄ မ့မ့ၢ်သုန့ၣ် တၢ်လၢသုနၢ်ဟူလၢ အခီၣ်ထံးန့ၣ် ကဘၣ်ဆဲးအိၣ်လၢ သုသးပူၤလီၤ.+ တၢ်လၢသုနၢ်ဟူလၢ အခီၣ်ထံး မ့ၢ်ဆဲးအိၣ်လၢ သုသးပူၤန့ၣ် သုဝဲစ့ၢ်ကီး သုကဆဲးလဲၤတၢ်ဒီး ဖိခွါဒီးပၢ်လီၤ. ၂၅ ဒီးတၢ်လၢ ကစၢ်ယွၤ* အၢၣ်လီၤပှၤ လၢအနီၢ်ကစၢ်န့ၣ် မ့ၢ်ဝဲတၢ်မူအထူအယိာ်လီၤ.+
၂၆ တၢ်လၢယကွဲးန့ၢ်သုတဖၣ်အံၤ အဘၣ်ဃးဒီး ပှၤလၢအဂုာ်ကျဲးစၢး ဆှၢကမၣ်သုလီၤ. ၂၇ မ့မ့ၢ်သုန့ၣ် ကစၢ်ယွၤ ဒိးဖှူသုလၢသးစီဆှံ+ ဒီးသးစီဆှံ ဆဲးအိၣ်ဝဲဆိးဝဲလၢသုပူၤလီၤ. ဒီးသုတလိၣ်ဘၣ်လၢ ပှၤကသိၣ်လိသု နီတဂၤဘၣ်. လၢတၢ်န့ၣ်အလီၢ် တၢ်ဒိးဖှူသုလၢ သးစီဆှံလၢအဟဲလၢ ကစၢ်ယွၤအအိၣ်န့ၣ် သိၣ်လိသုဘၣ်ဃးတၢ်ခဲလၢာ်+ ဒီးအမ့ၢ်တၢ်လၢ အမ့ၢ်အတီ ဒီးအတမ့ၢ် တၢ်လံၣ်တၢ်လီဘၣ်. ဒ်တၢ်ဒိးဖှူအဝဲအံၤ သိၣ်လိသုအသိး ဆဲးလဲၤတၢ်ဒီးအီၤတက့ၢ်.+ ၂၈ အဃိ ခဲအံၤဖိဆံးသ့ၣ်ဧၢ, ဆဲးလဲၤတၢ်ဒီးအီၤ ဒ်သိးဖဲအဝဲ ပာ်ဖျါထီၣ်အသးအခါ ပတဲတၢ်ဒူဒူကဘူၣ်+ ဒီးဖဲအဟဲက့ၤအိၣ်ဒီးပှၤ အဆၢကတီၢ် ပသုတသုးယံၤထီၣ်ပသးဒီးအီၤလၢ တၢ်မဲာ်ဆှးအပူၤ တဂ့ၤအဂီၢ်လီၤ. ၂၉ သုမ့ၢ်သ့ၣ်ညါလၢ ယ့ၣ်ၡူး* မ့ၢ်ပှၤတီပှၤလိၤန့ၣ် သုသ့ၣ်ညါစ့ၢ်ကီးလၢ ပှၤလၢအဆဲးမၤ တၢ်တီတၢ်လိၤ ကိးဂၤဒဲးန့ၣ် ဟဲအိၣ်ဖျဲၣ်ထီၣ်ဝဲလၢ ကစၢ်ယွၤ အအိၣ်လီၤ.+