စံးထီၣ်ပတြၢၤ
စီၤဒၤဝံးအထါ.
၁၄၁ အိ ယဟိဝၤယွၤဧၢ, ယကိးထီၣ်နၤလီၤ.+
၂ လၢနမဲာ်ညါန့ၣ် မ်ယတၢ်ထုကဖၣ် လီၤဂာ်ဒ်သိးဒီး တၢ်နၢမူလၢ+ အဘၣ်တၢ်ကတဲာ်ကတီၤပာ်စၢၤအီၤ+
ဒီးယယူာ်ထီၣ်ယစု လၢနအိၣ် လၢတၢ်ထုကဖၣ်အပူၤန့ၣ် မ်အလီၤဂာ်ဒ်သိးဒီး ဟါခီတၢ်လုၢ်ဘုတက့ၢ်.+
၃ အိ ယဟိဝၤယွၤဧၢ, မၤစၢၤယၤလၢ ယကပၢၤ ယထးခိၣ်အဂီၢ်,
မၤစၢၤယၤဒ်သိး ယကပလီၢ်ယသး ဘၣ်ဃးဒီး တၢ်ကတိၤတဖၣ် ကသ့အဂီၢ်တက့ၢ်.+
၄ တဘၣ်ပျဲလၢ ယကဆၢမၤတၢ်အၢ+
ဒီးပၣ်ဃုာ်လၢ ပှၤအၢပှၤသီတဖၣ် အတၢ်မၤလၢ အအၢအသီ အပူၤတဂ့ၤ.
ယတအဲၣ်ဒိး အီၣ်အဝဲသ့ၣ် အတၢ်အီၣ်လၢ အဝံၣ်အဘဲ နီတဘျီဘၣ်.
၅ ပှၤတီပှၤလိၤ မ့ၢ်တီၢ်ယၤ သနာ်က့ အမၤဝဲဒ်န့ၣ် ခီဖျိလၢ အတၢ်အဲၣ်လၢအတီ အဃိလီၤ.+
ဒီးဖဲအဝဲသ့ၣ် ဘၣ်ကီဘၣ်ခဲအခါဒၣ်လဲာ် ယကဃ့ထုကဖၣ်လၢ အဝဲသ့ၣ် အဂီၢ်ဒံးလီၤ.
၆ ပှၤဂီၢ်မုၢ် အစံၣ်ညီၣ်ကွီၢ်တဖၣ် မ့ၢ်ဘၣ်တၢ်ကွံာ်လီၤအီၤလၢ လ့ဖးထီအကပၤ သနာ်က့
ပှၤဂီၢ်မုၢ် ကသးစၢၢ်ဆၢဒံး ယတၢ်ကတိၤတဖၣ်, မ့ၢ်လၢ ယတၢ်ကတိၤတဖၣ်န့ၣ် မုာ်ဝဲအဃိလီၤ.
၇ ပဃံပကွဲ လီၤပြံလီၤပြါလၢ တၢ်သွၣ်ခိၣ်* အခိၣ်ထိး
ဒ်ပှၤထဲၣ်တၢ်တဂၤ မၤလီၤဘျဲးဟီၣ်ခိၣ် အသိးလီၤ.
၈ အိ တၢ်ပၢကစၢ် ယဟိဝၤယွၤဧၢ, ယမဲာ်ကွၢ်တၢ်လၢ နအိၣ်လီၤ.+
ယဃုတၢ်အိၣ်သဒၢအလီၢ်လၢ နအိၣ်လီၤ.
တဘၣ်ထုးကွံာ် ယသးသမူတဂ့ၤ.
၉ ဒီသဒၢယၤလၢ ပှၤလၢအမၤတၢ်အၢတၢ်သီတဖၣ် အပျံၤသကွီၤ
ဒီးထုလၢ အဝဲသ့ၣ် ဒိးလီၤဝဲလၢ ယဂီၢ်န့ၣ်တက့ၢ်.