မံကၤ

၄ ဖဲမုၢ်နံၤခံကတၢၢ်တဖၣ်​ အတီၢ်ပူၤ

ယဟိဝၤယွၤအတၢ်လုၢ်ဟံၣ်​ အကစၢၢ်န့ၣ်+

ကဘၣ်တၢ်ပာ်အီၤဂၢၢ်ဂၢၢ်ကျၢၤကျၢၤ ဒီးကဘၣ်တၢ်ပာ်အီၤ ထီၣ်ထီန့ၢ်ဒံး ကစၢၢ်အဂၤတဖၣ်

ဒီးကထီန့ၢ်ဒံး တၢ်လူၢ်တဖၣ်

ဒီးပှၤဂီၢ်မုၢ်တဖၣ်​ ကလဲၤပာ်ဖှိၣ်ထီၣ်အသးဖဲန့ၣ်​ ဒ်ထံကျိဖိ ယွၤလီၤဝဲအသိးလီၤ.+

 ၂ ပှၤအါကလုာ် ကလဲၤဝဲ ဒီးကတဲဝဲလၢ

“ဟဲ, ပကလဲၤထီၣ်လၢ ယဟိဝၤယွၤ အကစၢၢ်လိၤ,

ဒီးပကလဲၤလၢ စီၤယၤကိာ် အကစၢ်ယွၤ အဟံၣ်လီၤ.+

အဝဲကသိၣ်လိပှၤ ဘၣ်ဃးဒီး အတၢ်ဘျၢတဖၣ်

ဒီးပကအိၣ်မူ ဒ်အတၢ်ဘၣ်သး အသိးလီၤ.”

လၢစံယိၣ်န့ၣ်​ တၢ်သိၣ်တၢ်သီ* ကဟဲအိၣ်ထီၣ်

ဒီးလၢဝ့ၢ်ယရူၤၡလ့ၣ်န့ၣ်​ ယဟိဝၤယွၤ အတၢ်ကတိၤ ကဟဲထီၣ်လီၤ.

 ၃ ကစၢ်ယွၤ ကကဲစံၣ်ညီၣ်ကွီၢ်လၢ ပှၤဂီၢ်မုၢ်တဖၣ်အဂီၢ်+

ဒီးအကဘှီဘၣ်ထီၣ်က့ၤ တၢ်ဂ့ၢ်ကီတဖၣ်လၢ အဝဲသ့ၣ်အကျါလီၤ.

အဝဲသ့ၣ်​ ကပိာ်က့ၤအနးလၢ ထဲၣ်ကနၣ်

ဒီးကပိာ်က့ၤ အဘီလၢ ထါဂဲာ်လီၤ.+

 ၆ ယဟိဝၤယွၤ တဲဝဲလၢ “ဖဲန့ၣ်အဆၢကတီၢ်

ယကပာ်ဖှိၣ်ထီၣ်​ ပှၤလၢအဟး တကျဲၢ်တကျဲၢ်

ဒီးယကပာ်ဖှိၣ်​ ပှၤလၢ အလီၤပြံလီၤပြါတဖၣ်+

ဃုာ်ဒီး ပှၤလၢ ယမၤဘၣ်ဒိအီၤ တဖၣ်လီၤ.

 ၇ ယကပာ်ဖှိၣ်ထီၣ်က့ၤ ပှၤလၢ အအိၣ်တ့ၢ်တဖၣ်လၢ အဟး တကျဲၢ်တကျဲၢ်+

ဒီးပှၤလၢ အဘၣ်တၢ်က့ၤဖီၣ်အီၤ လၢအယံၤတဖၣ်န့ၣ်​ ယကဒုးကဲထီၣ်အီၤလၢ ပှၤတကလုာ်လၢ အဂံၢ်ဆူၣ်ဘါဆူၣ်လီၤ.+

ဒီးလၢကစၢၢ်စံယိၣ်န့ၣ်​ ယၤ ယဟိဝၤယွၤ ကပၢအဝဲသ့ၣ်​ ဒ်စီၤပၤအသိး

စးထီၣ်ဖဲန့ၣ်​ ဒီးဆူညါ လီၤထူလီၤယိာ်လီၤ.

 ၈ တၢးထီခိးတၢ်လၢ အဒီသဒၢ သိတဖု

လၢအမ့ၢ် စံယိၣ်အဖိမုၣ်​ အကစၢၢ်ဧၢ,+

နၤန့ၣ်​ နကဒိးန့ၢ်ဘၣ်က့ၤ တၢ်ပၢ တၢ်ပြးလၢ အခီၣ်ထံးတခါ+

လၢအမ့ၢ် ယရူၤၡလ့ၣ်​ အဖိမုၣ်​ အဘီမုၢ်လီၤ.+

၁၀ အိ စံယိၣ်​ အဖိမုၣ်ဧၢ, ကအုကစွါ ဒီးဝံာ်ပကံးနသး

ဒ်သိးဒီး ပှၤပိာ်မုၣ်လၢ အကအိၣ်ဖျဲၣ်ထီၣ်အဖိတက့ၢ်.

နကဘၣ်ဟးထီၣ်​ လၢဝ့ၢ်ပူၤ ဒီးဟးအိၣ်လၢ တၢ်ပျီပူၤ

ဒီးနကဘၣ်လဲၤတုၤလၢ ဘၤဘူၤလိၣ်+

ဒီးနကပူၤဖျဲးထီၣ်က့ၤ ဖဲန့ၣ်လီၤ.+

၁၁ ပှၤအါကလုာ် ကပာ်ဖှိၣ်ထီၣ်အသး ဒီးကထီဒါနၤ

ဒီးအဝဲသ့ၣ်​ ကတဲဝဲလၢ ‘မ်စံယိၣ်​ ဘၣ်တၢ်မၤမဲာ်ဆှးအီၤ

ဒီးပကကွၢ် တၢ်မၤအသးဒီးအီၤ လၢပမဲာ်ချံလီၤ.’

၁၂ ဘၣ်ဆၣ်​ အဝဲသ့ၣ်​ တသ့ၣ်ညါ ယဟိဝၤယွၤ အတၢ်ဆိကမိၣ် တဖၣ်ဘၣ်

ဒီးတနၢ်ပၢၢ် အတၢ်တိာ်ပာ်ဘၣ်.

ယကဒုးကဲထီၣ်​ နနၢၤတဖၣ်​ ဒ်ထးအသိး

ဒီးနခီၣ်မ့ၣ်ဒ် တိၢ်ဘီအသိး

အဃိ နကမၤသဘှံးကွံာ် ပှၤအါဂၤလီၤ.+

တၢ်ထူးတၢ်တီၤလၢ အဝဲသ့ၣ်​ ဂုာ်န့ၢ်ဆူၣ်ဝဲန့ၣ်​ နကဟ့ၣ်လီၤက့ၤလၢ ယဟိဝၤယွၤအအိၣ်

ဒီးအဝဲသ့ၣ်​ အတၢ်ဖိတၢ်လံၤတဖၣ်န့ၣ်​ နကဟ့ၣ်လီၤက့ၤလၢ ဟီၣ်ခိၣ်ဒီဘ့ၣ်​ အကစၢ်လၢအမ့ၢ်အတီတဂၤ အအိၣ်လီၤ.”+