၁ ကွဲးနီၣ်တၢ်
၁၇ ဖဲစီၤဒၤဝံး အိၣ်ဝဲဆိးဝဲလၢ အနီၢ်ကစၢ်အဟံၣ်ပူၤအခါ အဝဲတဲဘၣ် ဝံနၤသၣ်လၢ+ “ယၤန့ၣ် ယအိၣ်လၢ ဟံၣ်လၢ အဘၣ်တၢ်တ့အီၤလၢ သ့ၣ်ဆှိအ့ရ့းအပူၤ+ မ့မ့ၢ် ယဟိဝၤယွၤ အတၢ်အၢၣ်လီၤအီလီၤ အတလါန့ၣ် ဘၣ်အိၣ်လၢ ဒဲပူၤလီၤ.”+ ၂ စီၤနၤသၣ် တဲဆၢက့ၤ စီၤဒၤဝံးလၢ “ယွၤလၢအမ့ၢ်အတီတဂၤ အိၣ်ဒီးနၤအဃိ တၢ်လၢအအိၣ်လၢ နသးပူၤ တမံၤဂ့ၤ တမံၤဂ့ၤန့ၣ် မၤဟီ.”
၃ ဖဲတၢ်တနၤန့ၣ် ကစၢ်ယွၤ တဲဘၣ် စီၤနၤသၣ်လၢ ၄ “လဲၤတဲဘၣ် ယခ့ယပှၤ စီၤဒၤဝံးလၢ ‘ယဟိဝၤယွၤ တဲဝဲဒ်အံၤ “နတမ့ၢ် ပှၤတဂၤလၢ အကတ့ထီၣ်န့ၢ်ယၤ ဟံၣ်လၢ ယကအိၣ်လၢ အပူၤဘၣ်.+ ၅ စးထီၣ်လၢ မုၢ်တနံၤလၢ ယဒုးဟးထီၣ် ပှၤအံၣ်စရ့လးဖိ တုၤလၢ မုၢ်မဆါတနံၤအံၤန့ၣ် ယတအိၣ်ဘၣ်လၢ ဟံၣ်ပူၤ နီတဘျီဘၣ်, ယအိၣ်ဘၣ်လၢ ဒဲတဖၣ်အပူၤ ဒီးယလဲၤလၢ တၢ်လီၢ်တတီၤဘၣ် တတီၤလီၤ.+ ၆ ဖဲယလဲၤတၢ်ဒီး ပှၤအံၣ်စရ့လးဖိ ဒီတကတီၢ်အခါ စံၣ်ညီၣ်ကွီၢ်တဖၣ် လၢအံၣ်စရ့လးအပူၤ လၢယပာ်ထီၣ်အီၤ ဒ်သိးကအံးထွဲကွၢ်ထွဲ ယပှၤဂီၢ်မုၢ်အဂီၢ်န့ၣ် မ့ၢ်ယတဲဘၣ် အဝဲသ့ၣ်လၢ ‘ဘၣ်မနုၤအဃိ သုတတ့ထီၣ်န့ၢ်ယၤ ဟံၣ်တဖျၢၣ်လၢ သ့ၣ်ဆှိအ့ရ့းဘၣ်လဲၣ်’ န့ၣ်အိၣ်တဘျီဘျီဧါ.”’
၇ “ဒီးတဲဘၣ် ယခ့ယပှၤ စီၤဒၤဝံးလၢ ‘တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲလၢ “ဖဲနအိၣ်ဒံးလၢ ပျီပူၤ ဒီးနကွၢ်ထွဲဒံး သိတဖၣ်အဆၢကတီၢ် ယကိးန့ၢ်နၤ ဒ်သိးနကကဲထီၣ် ယပှၤဂီၢ်မုၢ် အံၣ်စရ့လး အခိၣ်အဂီၢ်လီၤ.+ ၈ ဒီးဖဲနလဲၤတၢ် တပူၤဂ့ၤ တပူၤဂ့ၤန့ၣ် ယကအိၣ်ဒီးနၤ+ ဒီးယကမၤလီၤမၢ်ကွံာ် နဒုၣ်နဒါ ခဲလၢာ် လၢနမဲာ်ညါလီၤ.+ ဒီးယကမၤဒိၣ်ထီၣ် နမံၤ ဒ်ပှၤဖးဒိၣ်တဖၣ်လၢ ဟီၣ်ခိၣ်ချၢအမံၤ အသိးလီၤ.+ ၉ ယကဃုထၢ တၢ်လီၢ်တတီၤလၢ ယပှၤဂီၢ်မုၢ် အံၣ်စရ့လး အဂီၢ် ဒီးဒုးအိၣ်ဆိး အဝဲသ့ၣ်ဖဲန့ၣ်လီၤ. အဝဲသ့ၣ် ကအိၣ်ဝဲဖဲန့ၣ် ဒီးတၢ်လၢ အကမၤတံာ်တာ် အဝဲသ့ၣ်န့ၣ် တအိၣ်လၢၤဘၣ်. ဒီးပှၤအၢပှၤသီ တဆီၣ်တံၢ် မၤနၢၤကဒီး အဝဲသ့ၣ်ဒ်လၢညါ+ ၁၀ ဖဲယပာ်ထီၣ် စံၣ်ညီၣ်ကွီၢ်တဖၣ်လၢ အဝဲသ့ၣ်အဖီခိၣ် ဝံၤအလီၢ်ခံ အသိးလၢၤဘၣ်.+ ဒီးယကမၤနၢၤ နဒုၣ်နဒါ ခဲလၢာ်လီၤ.+ တကးဒံးဘၣ် ယတဲနၤလၢ ‘ယၤ, ယဟိဝၤယွၤ ကဒုးကဲထီၣ် နစၢၤနသွဲၣ်တဖၣ်လၢ စီၤပၤတဖၣ်လီၤ.’*
၁၁ “‘“ဖဲနသံ ဒ်နမိၢ်ပၢ်ဖံဖု လၢပျၢၤတဖၣ် အသိးအခါ ယကပာ်ထီၣ် နချံနသၣ် လၢအမ့ၢ် နဖိခွါတဂၤ+ ဒီးယကဒုးအိၣ်ဂၢၢ်ဆိးကျၢၤ အဘီမုၢ်လီၤ.+ ၁၂ အဝဲကမ့ၢ် ပှၤတဂၤလၢ ကသူၣ်ထီၣ်ဟံၣ် လၢယဂီၢ်+ ဒီးယကဒုးအိၣ်ဂၢၢ်ဆိးကျၢၤ အဘီအမုၢ် အလီၢ်ပစိာ် လီၤထူလီၤယိာ်လီၤ.+ ၁၃ ယကကဲထီၣ်အပၢ် ဒီးအဝဲကကဲထီၣ် ယဖိခွါလီၤ.+ ယတထုးကွံာ် ယတၢ်အဲၣ်လၢအတီ လၢအအိၣ်+ ဒ်ယထုးကွံာ်အီၤလၢ ပှၤတဂၤ လၢအပၢတ့ၢ်တၢ် လၢနမဲာ်ညါ အသိးန့ၣ်ဘၣ်.+ ၁၄ ယကဒုးဆ့ၣ်နီၤအီၤလၢ ယလီၢ်ပစိာ် အဖီခိၣ် လီၤထူလီၤယိာ်+ ဒီးအတၢ်ပၢဒီး အစၢၤအသွဲၣ် ကအိၣ်ဝဲ လီၤထူလီၤယိာ်လီၤ.”’”+
၁၅ စီၤနၤသၣ် တဲဘၣ် စီၤဒၤဝံးလၢ တၢ်ကတိၤတဖၣ် ဒီးတၢ်ထံၣ်လၢညါခီန့ၣ် ခဲလၢာ်လီၤ.
၁၆ ဒီးစီၤပၤဒၤဝံး လဲၤနုာ်ဒီးဆ့ၣ်နီၤလၢ ယဟိဝၤယွၤ အမဲာ်ညါ ဒီးတဲဝဲလၢ “ကစၢ် ယဟိဝၤယွၤဧၢ, ယတမ့ၢ် တၢ်နီတမံၤဘၣ်. ဒီးနမၤတ့ၢ်န့ၢ်တၢ်လၢ ယစၢၤယသွဲၣ်တဖၣ်* အဂီၢ် ထဲထဲအံၤညါ သနာ်က့ ပတမ့ၢ် တၢ်နီတမံၤဘၣ်.+ ၁၇ အိ ကစၢ်ယွၤဧၢ, ထဲန့ၣ်မး တကးဒံးဘၣ် နတဲစ့ၢ်ကီးလၢ ယစၢၤယသွဲၣ်တဖၣ် ကဆဲးအိၣ်ဝဲတုၤလၢ ခါဆူညါ ဖးယံာ်ဒံးလီၤ.+ အိ ယဟိဝၤယွၤဧၢ, နထံၣ်ယၤဒ် ပှၤတဂၤလၢ အကြၢးဘၣ် တၢ်ပာ်ထီၣ်ထီဒံးအီၤ* အသိးလီၤ. ၁၈ နသ့ၣ်ညါ ယၤဂ့ၤဂ့ၤအဃိ ဘၣ်ဃးဒီး တၢ်လၤတၢ်ကပီၤလၢ နဟ့ၣ်ယၤန့ၣ် ယၤ, နခ့နပှၤ စီၤဒၤဝံးအံၤ တဲနၤ တၢ်မနုၤကသ့ဒံးလဲၣ်.+ ၁၉ အိ ယဟိဝၤယွၤဧၢ, နမၤ တၢ်အဒိၣ်အမုၢ်တဖၣ်အံၤခဲလၢာ် လၢယဃိ ဒီးနပာ်ဖျါထီၣ် တၢ်သ့ၣ်တဖၣ်အံၤလၢ ယၤ, နခ့နပှၤအံၤ အအိၣ် ခီဖျိလၢ အမ့ၢ်တၢ်လၢ အဘၣ်နသးအဃိလီၤ.+ ၂၀ အိ ယဟိဝၤယွၤဧၢ, တၢ်လၢ ပနၢ်ဟူတ့ၢ် ကိးမံၤဒဲးန့ၣ် ပာ်ဂၢၢ်ပာ်ကျၢၤဝဲလၢ နမ့ၢ် ယွၤလၢအမ့ၢ်အတီ ထဲတဂၤ+ ဒီးပှၤဒ်သိးဒီးနၤ တအိၣ်ဘၣ်.+ ၂၁ နၤ, ယွၤလၢအမ့ၢ်အတီတဂၤ နလဲၤမၤပူၤဖျဲး ပှၤအံၣ်စရ့လးဖိ ဒ်သိး အဝဲသ့ၣ် ကကဲထီၣ် နပှၤဂီၢ်မုၢ် အဂီၢ်လီၤ.+ ဒီးနမၤဒိၣ်ထီၣ်နမံၤ ခီဖျိလၢ နမၤတၢ်လၢ အဒိၣ်အမုၢ် ဒီးတၢ်လၢ အလီၤကမၢကမၣ်လၢ အဝဲသ့ၣ် အဂီၢ်လီၤ.+ နနီဟးထီၣ်ကွံာ် ပှၤကလုာ်တဖၣ်လၢ နပှၤဂီၢ်မုၢ်လၢ နမၤပူၤဖျဲးထီၣ်အီၤလၢ+ ကီၢ်အဲၤကူပတူးအပူၤန့ၣ် အမဲာ်ညါလီၤ. အဃိ လၢဟီၣ်ခိၣ်ချၢန့ၣ် ပှၤအဂၤ တကလုာ်လၢ အလီၤဂာ်ဒီး နပှၤဂီၢ်မုၢ် အံၣ်စရ့လးန့ၣ် ကအိၣ်ဧါ.+ ၂၂ အိ ယဟိဝၤယွၤဧၢ, နဒုးကဲထီၣ် အံၣ်စရ့လးလၢ နနီၢ်ကစၢ် အပှၤဂီၢ်မုၢ်+ လီၤထူလီၤယိာ် ဒီးနကဲထီၣ် အဝဲသ့ၣ် အကစၢ်ယွၤလီၤ.+ ၂၃ အိ ယဟိဝၤယွၤဧၢ, ခဲအံၤ မၤလၢပှဲၤနတၢ်အၢၣ်လီၤ လၢနအၢၣ်လီၤ ဘၣ်ဃးဒီး ယၤ, နခ့နပှၤအံၤ ဒီးယစၢၤယသွဲၣ်တဖၣ် လီၤထူလီၤယိာ်တက့ၢ်. မ်နမၤဒ် နအၢၣ်လီၤအသိးတက့ၢ်.+ ၂၄ မ်နမံၤ အိၣ်ဂၢၢ်ဆိးကျၢၤ ဒီးဘၣ်တၢ်ပာ်ထီၣ်ထီအီၤ+ လီၤထူလီၤယိာ် ဒ်သိး ပှၤဂီၢ်မုၢ်တဖၣ် ကတဲဝဲလၢ ‘တၢ်သုးမုၢ်ဂီၢ်မုၢ် အကစၢ် ယဟိဝၤယွၤ လၢအမ့ၢ် အံၣ်စရ့လး အယွၤန့ၣ် မ့ၢ်ဝဲ ယွၤလၢ အံၣ်စရ့လးအဂီၢ်’ ဒီးမ်နခ့နပှၤ ယၤ, စီၤဒၤဝံးအံၤ အစၢၤအသွဲၣ် အိၣ်ဂၢၢ်ဆိးကျၢၤ လၢနမဲာ်ညါတက့ၢ်.+ ၂၅ ကစၢ်ယွၤဧၢ, နလီၣ်ဖျါထီၣ်န့ၢ်ယၤ နတၢ်တိာ်ပာ်လၢ နကဒုးကဲထီၣ် ယစၢၤယသွဲၣ်တဖၣ်လၢ စီၤပၤတဖၣ်လီၤ. လၢတၢ်န့ၣ်အဃိ တၢ်ထုကဖၣ်တခါအံၤ ယဃ့အီၤလၢ နအိၣ်ဘူၣ်ဝဲလီၤ. ၂၆ အိ ယဟိဝၤယွၤဧၢ, နမ့ၢ်ယွၤလၢ အမ့ၢ်အတီ ဒီးနအၢၣ်လီၤပာ်စၢၤယၤ တၢ်လၢအဂ့ၤတဖၣ်အံၤလီၤ. ၂၇ အိ ယဟိဝၤယွၤဧၢ, မ်အဘၣ်နသးလၢ နကဆိၣ်ဂ့ၤ ယစၢၤယသွဲၣ် ဒီးမ်အဝဲသ့ၣ် အိၣ်လၢ နမဲာ်ညါ လီၤထူလီၤယိာ် မ့ၢ်လၢ နဆိၣ်ဂ့ၤ အဝဲသ့ၣ် ဝံၤလံ ဒီးအဝဲသ့ၣ် ကဘၣ်ဆိၣ်ဂ့ၤ လီၤထူလီၤယိာ် အဃိ န့ၣ်တက့ၢ်.”