၁ သ့းစၤလနံ
၅ ဒီပုၢ်ဝဲၢ်သ့ၣ်ဧၢ, ဘၣ်ဃးဒီး တၢ်ဆၢကတီၢ် ဒီးမုၢ်နံၤမုၢ်သီတဖၣ်န့ၣ် တလိၣ်လၢ ပှၤကကွဲးန့ၢ်သု တၢ်ဂ့ၢ်နီတမံၤဘၣ်. ၂ သုနီၢ်ကစၢ်ဒၣ်သုဝဲ သ့ၣ်ညါလီၤတံၢ်လီၤဆဲးလၢ ယဟိဝၤယွၤ* အမုၢ်နံၤန့ၣ်+ ကဟဲဒ် တၢ်ဟုၣ်တၢ်ဘျၣ်လၢ မုၢ်နၤခီအသိးလီၤ.+ ၃ ဆၢကတီၢ်ဖဲပှၤတဲဝဲလၢ “တၢ်မုာ်တၢ်ခုၣ် ဒီးတၢ်ဘံၣ်တၢ်ဘၢအိၣ်လံ” န့ၣ်သတူၢ်ကလာ် တၢ်ဟးဂူာ်ဟးဂီၤ ကဟဲဘၣ်အဝဲသ့ၣ် တဘျီဃီ,+ ဒီးကမၤအသးဒ်သိးဒီး ပှၤမိၢ်ဒၢတဂၤလၢ အဟုးဆါထီၣ်ဝဲလီၤ. ဒီးလ့ၤတက့ၤ အဝဲသ့ၣ်တပူၤဖျဲးဘၣ်. ၄ ဒီပုၢ်ဝဲၢ်သ့ၣ်ဧၢ, မ့မ့ၢ်သုဝဲန့ၣ် သုတအိၣ်လၢ တၢ်ခံးကျါဘၣ်အဃိ မုၢ်နံၤအဝဲအံၤ တဟဲဘၣ်သု ဒ်အကဟဲဘၣ် တၢ်ဟုၣ်တၢ်ဘျၣ်တဖၣ်လၢ တၢ်တပာ်သူၣ်ပာ်သး အပူၤအသိးဘၣ်. ၅ သုဝဲခဲလၢာ်သုမ့ၢ် တၢ်ကပီၤအဖိခွါတဖၣ် ဒီးမုၢ်ဆါအဖိခွါတဖၣ်လီၤ.+ ပတဘၣ်ဃးဒီးမုၢ်နၤ ဒီးတၢ်ခံးဘၣ်.+
၆ အဃိ ပတဘၣ်မံသပ့ၤ ဒ်သိးဒီး ပှၤအဂၤတဖၣ်ဘၣ်.+ မ်ပစီၣ်မဲာ်စီၣ်နါ+ ဒီးအိၣ်ဆၢပံၢ်ကလာ်တက့ၢ်.*+ ၇ ပှၤလၢအမံတဖၣ်န့ၣ် မံလၢမုၢ်နၤခီ ဒီးပှၤလၢအအီမူၤသံးတဖၣ်န့ၣ် အီမူၤသံး လၢမုၢ်နၤခီလီၤ.+ ၈ မ့မ့ၢ် ပဝဲလၢအဘၣ်ဃးဒီး မုၢ်ဆါန့ၣ် မ်ပအိၣ်ဆၢပံၢ်ကလာ် ဒီးသိးထီၣ်တၢ်နာ် ဒီးတၢ်အဲၣ်တၢ်ကွံ အသဃိး* တက့ၢ်. ဒီးမ်ပဖျီၣ်ထီၣ် တၢ်မုၢ်လၢ်ဘၣ်ဃးဒီး တၢ်အုၣ်က့ၤခီၣ်က့ၤ ဒ်ခိၣ်ဖျီၣ်ထးအသိးတက့ၢ်.+ ၉ ကစၢ်ယွၤတဃုထၢပှၤ ဒ်သိးအကစံၣ်ညီၣ်ပှၤအဂီၢ်ဘၣ်. လၢတၢ်န့ၣ်အလီၢ် အဝဲဃုထၢပှၤဒ်သိး ပကန့ၢ်ဘၣ် တၢ်အုၣ်က့ၤခီၣ်က့ၤ+ ခီဖျိပကစၢ် ယ့ၣ်ၡူးခရံာ်လီၤ. ၁၀ ယ့ၣ်ၡူး တူၢ်သံအသးလၢ ပဂီၢ်န့ၣ်+ မ့ၢ်ဒ်သိး ပမံမ့ၢ်ဂ့ၤ,* ပတမံဘၣ်မ့ၢ်ဂ့ၤ ပကအိၣ်မူ တပူၤဃီဒီးအီၤလီၤ.+ ၁၁ အဃိ ဆဲးဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤ ဒီးမၤမုာ်ထီၣ်လိာ်သး တဂၤဒီးတဂၤ+ ဒ်သုမၤခဲအံၤအသိးတက့ၢ်.
၁၂ ဒီပုၢ်ဝဲၢ်သ့ၣ်ဧၢ, ပှၤလၢ အမၤတၢ်ဆူၣ်ဆူၣ် လၢသုကျါ, တီခိၣ်ရိၤမဲတၢ်လၢ သုဖီခိၣ်လၢ ကစၢ်အတၢ်မၤအပူၤ ဒီးဟ့ၣ်ကူၣ်ဟ့ၣ်ဖးသုတဖၣ်န့ၣ် ပဃ့ကညးသုလၢ သုကပာ်ကဲအဝဲသ့ၣ် ၁၃ ဒီးပာ်ဒိၣ် အဝဲသ့ၣ်ဒိၣ်မးလၢ တၢ်အဲၣ်တၢ်ကွံအပူၤ လၢအဝဲသ့ၣ် အတၢ်မၤအဃိလီၤ. အိၣ်ဃူအိၣ်ဖိးလိာ်သုသး တဂၤဒီးတဂၤတက့ၢ်. ၁၄ ဒီပုၢ်ဝဲၢ်သ့ၣ်ဧၢ, ပဟ့ၣ်သဆၣ်ထီၣ်သုလၢ သုကဟ့ၣ်ပလီၢ် ပှၤလၢ အတဒိကနၣ်တၢ်ဘၣ်တဖၣ်,+ တဲမုာ်ထီၣ်က့ၤ ပှၤလၢ အသးအုးတဖၣ်အသး, ဆီၣ်ထွဲမၤစၢၤ ပှၤလၢ အဂံၢ်စၢ်ဘါစၢ် ဒီးပာ်ဖျါထီၣ် တၢ်ဝံသးစူၤလၢ ပှၤကိးဂၤဒဲးအဖီခိၣ်လီၤ.+ ၁၅ ပလီၢ်သုသး ဒ်သိးသုသုတမၤဆၢ တၢ်အၢလၢတၢ်အၢ လၢပှၤနီတဂၤတဂ့ၤ.+ ထီဘိန့ၣ် ဂုာ်ကျဲးစၢးမၤဂ့ၤတၢ်လၢ တဂၤဒီးတဂၤအဖီခိၣ် ဒီးလၢပှၤအဂၤခဲလၢာ် အဖီခိၣ်တက့ၢ်.+
၁၆ သူၣ်ဖှံသးညီ ထီဘိတက့ၢ်.+ ၁၇ ဃ့ထုကဖၣ်တၢ် ထီဘိတက့ၢ်.+ ၁၈ စံးဘျုးစံးဖှိၣ်တၢ်လၢ တၢ်ခဲလၢာ်အဂီၢ်တက့ၢ်.+ မ့ၢ်လၢ သုမ့ၢ် ယ့ၣ်ၡူးခရံာ် အပျဲၢ်အဘီၣ်တဖၣ်အဃိ ကစၢ်ယွၤ အဲၣ်ဒိးဝဲလၢ သုကမၤဒ်န့ၣ်လီၤ. ၁၉ တဘၣ်မၤလီၤပံာ် သးစီဆှံအမ့ၣ်အူတဂ့ၤ.+ ၂၀ တဘၣ်ဆိကမိၣ်ဆံး ဝံအတၢ်စံးပာ်တဖၣ်တဂ့ၤ.+ ၂၁ တၢ်တမံၤဂ့ၤ တမံၤဂ့ၤ မ့ၢ်အဘၣ်ဧါ တဘၣ်ဧါန့ၣ် ဃုသ့ၣ်ညါအီၤ လီၤတံၢ်လီၤဆဲးတက့ၢ်.+ ဒီးဟံးဃာ်တၢ်လၢ အဂ့ၤတက့ၢ်. ၂၂ ဟးဆှဲး တၢ်အၢတၢ်သီ ကိးကလုာ်ဒဲးတက့ၢ်.+
၂၃ ကစၢ်ယွၤလၢ အဟ့ၣ်လီၤ တၢ်သူၣ်မံသးမုာ်န့ၣ် မ်အပာ်စီဆှံသု လၢလၢပှဲၤပှဲၤတက့ၢ်. ဒီးသုဝဲဒီပုၢ်ဝဲၢ်ဒီတဖုန့ၣ် မ်သုသး, သုသးသမူ ဒီးသုနီၢ်ခိ လၢဝဲပှဲၤဝဲလၢ တၢ်ကိးမံၤဒဲးအပူၤ ဒီးစီဆှံဝဲ တုၤလၢ ပကစၢ်ယ့ၣ်ၡူးခရံာ် ဟဲက့ၤအိၣ်ဒီးပှၤ အဆၢကတီၢ်တက့ၢ်.+ ၂၄ ပှၤလၢ အကိးန့ၢ်သုတဂၤန့ၣ် အကလုၢ်တီ ဒီးအဝဲကမၤဝဲဒ်န့ၣ် အနီၢ်ကီၢ်လီၤ.
၂၅ ဒီပုၢ်ဝဲၢ်သ့ၣ်ဧၢ, ဆဲးဃ့ထုကဖၣ်တၢ်လၢ ပဂီၢ်တက့ၢ်.+
၂၆ ဆၢဂ့ၤဆၢဝါ ဒီပုၢ်ဝဲၢ်ခဲလၢာ်လၢ တၢ်အဲၣ်တၢ်ကွံ* အပူၤတက့ၢ်.
၂၇ ယမၤလိာ်သုလၢ ကစၢ်အမံၤအပူၤလၢ သုကဖးဖျါထီၣ် လံာ်ပရၢတဘ့ၣ်အံၤလၢ ဒီပုၢ်ဝဲၢ်ခဲလၢာ် အမဲာ်ညါလီၤ.+
၂၈ မ်သုဒိးန့ၢ်ဘၣ် ပကစၢ် ယ့ၣ်ၡူးခရံာ် အတၢ်သးကညီၤ ဒိၣ်ဒိၣ်မုၢ်မုၢ်တက့ၢ်.