ကတိၤဒိ

၄ ဖိခွါဧၢ, ပၢ်တဂၤ အတၢ်သိၣ်က့ၤသီက့ၤန့ၣ်​ ဒိကနၣ်တက့ၢ်.+

ဒ်သိး နကန့ၢ်ဘၣ်​ တၢ်သ့ၣ်ညါနၢ်ပၢၢ်အဂီၢ် ဒိကနၣ်တၢ်တက့ၢ်.

 ၅ မၤန့ၢ် တၢ်ကူၣ်သ့ ဒီးမၤန့ၢ် တၢ်သ့ၣ်ညါနၢ်ပၢၢ်တက့ၢ်.+

တၢ်လၢယတဲန့ၣ်​ တဘၣ်သးပ့ၤနီၣ်ကွံာ်အီၤ ဒီးဃၣ်ကွံာ်နသး လၢအီၤတဂ့ၤ.

 ၆ တၢ်ကူၣ်သ့ ကကွၢ်ထွဲနၤ အဃိ တဘၣ်ပာ်တ့ၢ်ကွံာ်အီၤတဂ့ၤ.

အဲၣ်တၢ်ကူၣ်သ့ ဒီးအကကဲထီၣ်​ တၢ်ဒီသဒၢလၢနဂီၢ်လီၤ.

 ၇ တၢ်ကူၣ်သ့န့ၣ်​ မ့ၢ်တၢ်လၢ အရ့ဒိၣ်ကတၢၢ်အဃိ+ မၤန့ၢ် တၢ်ကူၣ်သ့တက့ၢ်.

နမ့ၢ်မၤန့ၢ် တၢ်အဂၤတမံၤဂ့ၤ တမံၤဂ့ၤ သနာ်က့ တဘၣ်သးပ့ၤနီၣ်​ မၤန့ၢ် တၢ်သ့ၣ်ညါနၢ်ပၢၢ်တဂ့ၤ.+

 ၈ နပာ်လုၢ်ပာ်ပှ့ၤ တၢ်ကူၣ်သ့မ့ၢ်ဒိၣ်န့ၣ်​ အကပာ်ဒိၣ်ပာ်ထီနၤလီၤ.+

ဒီးခီဖျိလၢ နဖိးဟုအီၤအဃိ အကမၤလၤကပီၤနၤလီၤ.+

၁၀ ဖိခွါဧၢ, ဒိကနၣ်​ ဒီးတူၢ်လိာ် တၢ်လၢယတဲတဖၣ်တက့ၢ်.

နမ့ၢ်မၤဒ်န့ၣ်မး နကအိၣ်မူဘၣ်​ အနံၣ်ယံာ်ယံာ်လီၤ.+

၁၂ ဖဲနဟးအခါ တၢ်လၢအကတြီဃာ် နခီၣ်ခါန့ၣ်​ တအိၣ် နီတမံၤဘၣ်.

ဒီးနမ့ၢ်ဃ့ၢ်န့ၣ်​ နတလီၤဃံၢ်ဘၣ်.

၁၃ ဟံးဃာ် တၢ်သိၣ်က့ၤသီက့ၤ ဒီးတဘၣ်ပျၢ်ကွံာ်အီၤတဂ့ၤ.+

အကဟ့ၣ်နၤ တၢ်မူအဃိ ပၢၤဃာ်အီၤတက့ၢ်.+

၁၄ တဘၣ်လဲၤနုာ်လီၤလၢ ပှၤအၢပှၤသီ အကျဲတဂ့ၤ.

ဒီးတဘၣ်ဟးလၢ ပှၤမၤတၢ်အၢ တၢ်သီ အကျဲတဂ့ၤ.+

၁၅ လဲၤကျဲတဘိန့ၣ်တဂ့ၤ, ဟးဆှဲးအီၤတက့ၢ်.+

ဃၣ်ကွံာ်နသးဖဲန့ၣ်​ ဒီးလဲၤကျဲလၢ အဂၤတဘိတက့ၢ်.+

၁၆ ပှၤတဖၣ်န့ၣ်​ မ့ၢ်တမၤဘၣ်​ တၢ်အၢဘၣ်န့ၣ်​ အဝဲသ့ၣ်မံဝဲတန့ၢ်ဘၣ်.

ဒီးအဝဲသ့ၣ်​ မ့ၢ်တမၤလီၤဃံၢ်ဘၣ်​ ပှၤတဂၤဂၤဘၣ်န့ၣ်​ အဝဲသ့ၣ်​ တမံလၢၤဘၣ်.

၁၉ ပှၤအၢပှၤသီအကျဲန့ၣ်​ ခံးသူဝဲလီၤ.

တၢ်မနုၤ မၤလီၤဃံၢ် အဝဲသ့ၣ်လဲၣ်န့ၣ်​ အဝဲသ့ၣ်​ တသ့ၣ်ညါဘၣ်.

၂၁ တဘၣ်သးပ့ၤနီၣ်အီၤတဂ့ၤ.

ပာ်ဃာ်အီၤလၢ နသးပူၤ ဂ့ၤဂ့ၤတက့ၢ်.+

၂၇ လၢစုစ့ၣ်မ့ၢ်ဂ့ၤ လၢစုထွဲမ့ၢ်ဂ့ၤ တဘၣ်ဃၣ်နသးတဂ့ၤ.+

ဃၣ်ကွံာ်နသးလၢ တၢ်အၢတက့ၢ်.