မးသဲ

၁ လံာ်အံၤပာ်ဖျါထီၣ်ဝဲ ယ့ၣ်ၡူးခရံာ်* အဂ့ၢ်လီၤ. အဝဲဟဲလီၤစၢၤလီၤသွဲၣ်လၢ စီၤဒၤဝံး+ ဒီးစီၤအၤဘြၤဟၣ်လီၤ.+

 ၃ စီၤယူဒၤဒီးနီၢ်တၤမၢ် အဖိခွါမ့ၢ်ဝဲ စီၤဖ့ၤရ့း ဒီးစီၤစ့ရၤလီၤ.+

 ၅ စီၤစၤလမိၣ်ဒီးနီၢ်ရၤဃး+ အဖိခွါ မ့ၢ်ဝဲ စီၤဘိၤဧးလီၤ.

စီၤဘိၤဧးဒီးနီၢ်ရူၤသး+ အဖိခွါမ့ၢ်ဝဲ စီၤဧိၤဘ့းလီၤ.

စီၤဧိၤဘ့း အဖိခွါမ့ၢ်ဝဲ စီၤယံးၡဲလီၤ.+

 ၆ စီၤယံးၡဲ အဖိခွါမ့ၢ်ဝဲ စီၤပၤဒၤဝံးလီၤ.+

စီၤဒၤဝံးအဖိခွါ မ့ၢ်ဝဲစီၤၡလိၤမိၤ+ ဒီးစီၤၡလိၤမိၤအမိၢ်မ့ၢ်ဝဲ စီၤအူၤရံယၤအမါလီၤ.

၁၁ ဖဲပှၤက့ၤဖီၣ်​ ပှၤယူဒၤဖိလၢ ဘၤဘူၤလိၣ်အခါ+ စီၤယိၤၡံယၤ+ ထီၣ်ဖိဝဲ စီၤယံးကၤနံယၤ+ ဒီးအဒီပုၢ်ဝဲၢ်ခွါတဖၣ်လီၤ.

၁၆ စီၤယၤကိာ် အဖိခွါမ့ၢ်ဝဲ စီၤယိၤသးလီၤ. စီၤယိၤသးအမါ မ့ၢ်ဝဲ နီၢ်မၤရံလၢ အအိၣ်ဖျဲၣ်ထီၣ်​ ယ့ၣ်ၡူးန့ၣ်လီၤ.+ ဒီးယ့ၣ်ၡူးန့ၣ်​ ဘၣ်တၢ်ကိးအီၤလၢ ခရံာ်လီၤ.+

၁၇ စးထီၣ်လၢ စီၤအၤဘြၤဟၣ်​ တုၤလီၤလၢ စီၤဒၤဝံးအစိၤန့ၣ်​ အိၣ်ဝဲ ၁၄ စိၤလီၤ. ဒီးစးထီၣ်လၢ စီၤဒၤဝံးအစိၤ တုၤလီၤလၢ ပှၤက့ၤဖီၣ်​ ပှၤယူဒၤဖိလၢ ဘၤဘူၤလိၣ်န့ၣ်​ အိၣ်ဝဲ ၁၄ စိၤလီၤ. ဒီးစးထီၣ်လၢ ပှၤက့ၤဖီၣ်​ ပှၤယူဒၤဖိလၢ ဘၤဘူၤလိၣ်​ တုၤလီၤလၢ ခရံာ်အစိၤန့ၣ်​ အိၣ်ဝဲ ၁၄ စိၤလီၤ.

၁၈ ယ့ၣ်ၡူးခရံာ် အိၣ်ဖျဲၣ်ထီၣ်ဝဲအဂ့ၢ်န့ၣ်​ အိၣ်ဝဲဒ်အံၤလီၤ. တၢ်အၢၣ်လီၤ အိၣ်ပာ်စၢၤလၢ အမိၢ်နီၢ်မၤရံန့ၣ်​ ကဖျီအသးဒီး စီၤယိၤသးလီၤ. ဘၣ်ဆၣ်​ တချုးလၢ နီၢ်မၤရံဖျီအသးဒီး စီၤယိၤသးဒံးဘၣ်န့ၣ်​ အဝဲဒၢထီၣ်ဝဲ ခီဖျိသးစီဆှံလီၤ.*+ ၁၉ ဒီးအဝၤစီၤယိၤသးန့ၣ်​ မ့ၢ်ပှၤလၢ အတီအလိၤတဂၤအဃိ အဝဲတအဲၣ်ဒိး မၤမဲာ်ဆှး နီၢ်မၤရံလၢ ပှၤအါဂၤအမဲာ်ညါဘၣ်. အဃိ အဝဲပာ်လီၤအသးလၢ ကမၤလီၤဖး အသးဒီးအီၤလၢ တၢ်ခူသူၣ်အပူၤလီၤ.+ ၂၀ ဖဲစီၤယိၤသး ဆိကမိၣ်ထီၣ်ဝဲ တၢ်ဂ့ၢ်တဖၣ်အံၤ ဝံၤအလီၢ်ခံ ယဟိဝၤယွၤ* အမူခိၣ်ကလူးတဂၤ လီၣ်ဖျါထီၣ်အသးလၢ အတၢ်မံမီၢ်အပူၤ ဒီးတဲဝဲလၢ “စီၤဒၤဝံး အဖိခွါစီၤယိၤသးဧၢ, နမါနီၢ်မၤရံ ဒၢထီၣ်ခီဖျိလၢ သးစီဆှံအဃိ+ တဘၣ်ဘၣ်ယိၣ်တၢ်လၢ နကက့ၤကိးအီၤ လၢနဟံၣ်တဂ့ၤ. ၂၁ အဝဲကအိၣ်ဖျဲၣ်ထီၣ်​ အဖိခွါတဂၤ ဒီးနဘၣ်ကိးန့ၢ်အမံၤလၢ ယ့ၣ်ၡူးလီၤ.*+ ယ့ၣ်ၡူးန့ၣ်​ ကမၤပူၤဖျဲးထီၣ်* အပှၤဂီၢ်မုၢ်တဖၣ်လၢ တၢ်ဒဲးဘးအပူၤလီၤ.”+ ၂၂ တၢ်ကဲထီၣ်အသး တဖၣ်န့ၣ်ခဲလၢာ် မၤလၢပှဲၤထီၣ်ဝဲတၢ်လၢ ယဟိဝၤယွၤ တဲဆိပာ်ဝဲ ခီဖျိလၢအဝံလီၤ. အတဲဝဲလၢ ၂၃ “ပှၤမုၣ်ကနီၤတဂၤ ကဒၢထီၣ်​ ဒီးကအိၣ်ဖျဲၣ်ထီၣ်​ အဖိခွါတဂၤ ဒီးအဝဲသ့ၣ်​ ကကိးန့ၢ်ဝဲအမံၤလၢ ဧံးမၤနူၤအ့လးလီၤ.”+ မံၤအံၤအခီပညီမ့ၢ်ဝဲ “ကစၢ်ယွၤအိၣ်ဒီးပှၤလီၤ.”+

၂၄ စီၤယိၤသး မံပၢၢ်ထီၣ်ဒီး မၤဝဲဒ်ယဟိဝၤယွၤ အမူခိၣ်ကလူးတဂၤ တဲအီၤအသိး ဒီးက့ၤကိးဝဲ အမါလၢ အဟံၣ်လီၤ. ၂၅ ဘၣ်ဆၣ်​ တချုးလၢ ဖိသၣ်အံၤ အိၣ်ဖျဲၣ်ထီၣ်ဒံးဘၣ်န့ၣ်+ စီၤယိၤသးတမံဃုာ်ဒီးနီၢ်မၤရံဘၣ်. ဒီးစီၤယိၤသးကိးန့ၢ်ဝဲ ဖိသၣ်တဂၤန့ၣ်​ အမံၤလၢယ့ၣ်ၡူးလီၤ.+