စံးထီၣ်ပတြၢၤ
၁၁၆ ယအဲၣ် ယဟိဝၤယွၤ
မ့ၢ်လၢအနၢ်ဟူ ယကလုၢ် ဒီးယတၢ်ဃ့ကညးလၢ တၢ်မၤစၢၤအဂီၢ် အဃိလီၤ.+
၄ ဘၣ်ဆၣ် ယဃ့ထုကဖၣ်လၢ ယဟိဝၤယွၤအအိၣ်, ယသူအမံၤ ဒီးတဲလၢ+
“အိ ယဟိဝၤယွၤဧၢ, မၤပူၤဖျဲးယၤတက့ၢ်.”
၅ ယဟိဝၤယွၤန့ၣ် မ့ၢ်ပှၤလၢအသးဂ့ၤ ဒီးအတီအလိၤလီၤ.+
ပကစၢ်ယွၤန့ၣ် အိၣ်ဒီးတၢ်သးကညီၤလီၤ.+
၆ ပှၤလၢ အတၢ်လဲၤခီဖျိစှၤတဖၣ်န့ၣ် ယဟိဝၤယွၤ ဒီသဒၢဝဲလီၤ.+
ယဂံၢ်ယဘါလီၤ သပှၢ်တၢၢ် ဒီးအဝဲမၤပူၤဖျဲးယၤလီၤ.
၇ မ့ၢ်လၢ ယဟိဝၤယွၤ သးဂ့ၤလၢ ယဖီခိၣ်အဃိ
ယကအိၣ်ဘှံးကဒီး မုာ်မုာ်လီၤ.
၈ ကစၢ်ယွၤ မၤပူၤဖျဲးယၤ လၢတၢ်သံ,
ထွါကွံာ် ယမဲာ်ထံမဲာ်နိတဖၣ် ဒီးဒီသဒၢယၤ ဒ်သိး ယခီၣ်သုတဘၣ်တိၢ်တဂ့ၤ အဂီၢ်လီၤ.+
၉ ယကဆဲးမူ ဒီးယကလဲၤတၢ်လၢ ယဟိဝၤယွၤ အမဲာ်ညါလီၤ.
၁၀ ယဘၣ်နးဘၣ်ဖှီၣ်ဒိၣ်မး သနာ်က့
ယအိၣ်ဒီး တၢ်နာ်အဃိ ယတဲတၢ်လီၤ.+
၁၁ ယပျံၤတၢ် ဒီးယတဲလၢ
“ပှၤကိးဂၤဒဲးန့ၣ် မ့ၢ်ပှၤလံၣ်တၢ်လီတၢ်လီၤ.”+
၁၂ ယဟိဝၤယွၤ မၤဂ့ၤတၢ်လၢယဂီၢ် အိၣ်ဝဲဒီဒူၣ်အဃိ
ယကဟ့ၣ်ဆၢက့ၤအီၤ မနုၤလဲၣ်.
၁၃ ယကအီတၢ်လၢ တၢ်အုၣ်က့ၤခီၣ်က့ၤအခွးပူၤ
ဒီးယကကိးထီၣ် ယဟိဝၤယွၤ အမံၤလီၤ.
၁၄ တၢ်လၢယအၢၣ်လီၤ ယဟိဝၤယွၤန့ၣ် ယကမၤလၢပှဲၤအီၤလၢ
အပှၤဂီၢ်မုၢ် ခဲလၢာ်အမဲာ်ညါလီၤ.+
၁၆ အိ ယဟိဝၤယွၤဧၢ, ယမ့ၢ်နခ့နပှၤအဃိ
ယဃ့ကညးနၤ သပှၢ်တၢၢ်.
ယမ့ၢ်နခ့နပှၤ ဒီးယမ့ၢ်နကုၢ်ပိာ်မုၣ် အဖိခွါလီၤ.
နမၤပူၤဖျဲးယၤလၢ တၢ်လၢအစၢဃာ်ယၤတဖၣ်လံ.+
၁၇ ယကဟ့ၣ်လုၢ်ထီၣ် ယဟိဝၤယွၤလၢ တၢ်လုၢ်စံးဘျုးစံးဖှိၣ်က့ၤ+
ဒီးယကကိးထီၣ် အမံၤလီၤ.