ရိမ့ၤ
၁၅ မ့မ့ၢ်ပဝဲလၢ အတၢ်နာ်ဆူၣ်န့ၣ် ပကြၢးဝံစၢၤ ပှၤလၢ အတၢ်နာ်တဆူၣ်ဘၣ်တဖၣ် အတၢ်ဂံၢ်စၢ်ဘါစၢ်+ ဒီးပတဘၣ် လူၤဘၣ်ထဲပသးဘၣ်.+ ၂ ပဝဲတဂၤစုာ်စုာ် မ်ပမၤတၢ်လၢ အကမၤသးခု ပှၤလၢပခိၣ်ပဃၢၤအသး ဒ်သိး ကဟ့ၣ်ဂံၢ်ဟ့ၣ်ဘါအီၤ အဂီၢ်တက့ၢ်.+ ၃ ခရံာ်ဒၣ်လဲာ် တလူၤဘၣ် အနီၢ်ကစၢ်အသးဘၣ်.+ ဒ်တၢ်ကွဲးအသး အိၣ်ဝဲအသိး “တၢ်ဒုၣ်ဒွဲၣ်တဖၣ်လၢ ပှၤဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.”+ ၄ တၢ်ကွဲးအသးလၢ အပူၤကွံာ်တဖၣ်ခဲလၢာ်န့ၣ် ဘၣ်တၢ်ကွဲးအီၤလၢ ကသိၣ်လိပှၤအဂီၢ်လီၤ.+ အဃိ ပအိၣ်ဒီးတၢ်မုၢ်လၢ် ခီဖျိလၢ ပတၢ်တူၢ်န့ၢ်ခီၣ်ကဲ+ ဒီးတၢ်မၤမုာ်ထီၣ်က့ၤလၢ ပဒိးန့ၢ်ဘၣ်အီၤလၢ တၢ်ကွဲးအသးတဖၣ်အပူၤ အဃိလီၤ.+ ၅ ဒီးကစၢ်ယွၤ လၢအမၤမုာ်ထီၣ်ပသး ဒီးမၤစၢၤပှၤဒ်သိး ပတူၢ်တၢ်ကန့ၢ် ခီၣ်တၢ်ကကဲအဂီၢ်န့ၣ် မ်အဝဲ ဟ့ၣ်လီၤသုကိးဂၤဒဲးလၢ တၢ်ပာ်သူၣ်ပာ်သး တမံၤဃီလၢ အအိၣ်ဒီးယ့ၣ်ၡူးခရံာ် န့ၣ်တက့ၢ်. ၆ အမ့ၢ်မၤဝဲဒ်န့ၣ်န့ၣ် သုကမၤလၤကပီၤ ပကစၢ်ယ့ၣ်ၡူးခရံာ် အကစၢ်လၢအမ့ၢ် အပၢ် လၢသုကလုၢ် တဖျၢၣ်ဃီ ဃူဃူဖိးဖိးလီၤ.+
၇ အဃိ ဒ်ခရံာ် တူၢ်လိာ်ပှၤအသိး+ တူၢ်လိာ်လိာ်သး တဂၤဒီးတဂၤလၢ+ ကစၢ်ယွၤ အလၤကပီၤ အဂီၢ်တက့ၢ်. ၈ ယကတဲဘၣ်သုလၢ လၢညါန့ၣ် ခရံာ်ကဲထီၣ်ဝဲ ပှၤယူဒၤဖိ* အခ့အပှၤ+ ဒ်သိးကပာ်ဖျါထီၣ်ဝဲလၢ ကစၢ်ယွၤန့ၣ် အကလုၢ်တီဝဲ ဒီးကစၢ်ယွၤအတၢ်အၢၣ်လီၤလၢ အမၤဝဲဒီးအဝဲသ့ၣ် အမိၢ်ပၢ်ဖံဖု လၢပျၢၤတဖၣ်န့ၣ် မ့ၢ်တၢ်မ့ၢ်တၢ်တီလီၤ.+ ၉ တကးဒံးဘၣ် ခရံာ်မၤဝဲဒ်န့ၣ် ဒ်သိးပှၤကလုာ်တဖၣ် ကမၤလၤကပီၤ ကစၢ်ယွၤ ခီဖျိလၢ အတၢ်သးကညီၤ အဃိလီၤ.+ ဒ်တၢ်ကွဲးအသး အိၣ်ဝဲအသိး “လၢတၢ်န့ၣ်အဃိ ယက စံးထီၣ်ပတြၢၤနၤလၢ ပှၤကလုာ်တဖၣ်အကျါ ပျီပျီ ဒီးယကသးဝံၣ် စံးထီၣ်ပတြၢၤ နမံၤလီၤ.”+ ၁၀ ဒီးကစၢ်ယွၤ တဲကဒီးဝဲလၢ “ပှၤကလုာ်တဖၣ်လၢအိၣ်ဒီး ကစၢ်ယွၤ အပှၤဂီၢ်မုၢ်သ့ၣ်ဧၢ, သးခုတက့ၢ်.”+ ၁၁ ဒီးတဲကဒီးဝဲလၢ “ပှၤကလုာ်ခဲလၢာ်သ့ၣ်ဧၢ, စံးထီၣ်ပတြၢၤ ယဟိဝၤယွၤ* တက့ၢ်. ဒီးမ်ပှၤခဲလၢာ် စံးထီၣ်ပတြၢၤ အီၤတက့ၢ်.”+ ၁၂ ဒီးဝံယၡါယၤ တဲကဒီးဝဲလၢ “စီၤယံးၡဲအဂံၢ် ကဟဲအိၣ်ထီၣ်ဝဲ+ ဒီးအဝဲ ကဟဲအိၣ်ထီၣ်ဝဲဒ်သိး ကပၢပှၤကလုာ်တဖၣ် အဂီၢ်လီၤ.+ ဒီးပှၤကလုာ်တဖၣ် ကမုၢ်လၢ်တၢ်လၢ အအိၣ်လီၤ.”+ ၁၃ ဒ်သိး သုကပှဲၤဒီးတၢ်မုၢ်လၢ် ခီဖျိသးစီဆှံ အတၢ်စိတၢ်ကမီၤအဂီၢ် မ်ကစၢ်ယွၤလၢ အဟ့ၣ်လီၤသု တၢ်မုၢ်လၢ်တဂၤအံၤ မၤပှဲၤသုသးဒီး ကယဲၢ်တၢ်သးခု ဒီးတၢ်ဃူတၢ်ဖိး ခီဖျိလၢ သုနာ်န့ၢ်အီၤ အဃိတက့ၢ်.+
၁၄ ယဒီပုၢ်ဝဲၢ်သ့ၣ်ဧၢ, ယနာ်သပှၢ်တၢၢ်လၢ သုဝဲသ့ၣ်တဖၣ်အံၤ ပှဲၤဒီးတၢ်ဂ့ၤတၢ်ဝါ ဒီးတၢ်သ့ၣ်ညါ တကးဒံးဘၣ် သုဟ့ၣ်ကူၣ်ဟ့ၣ်ဖးလိာ်သုသး ကဒဲကဒဲသ့ဝဲလီၤ. ၁၅ ဘၣ်ဆၣ် ဘၣ်ဃးဒီး တၢ်ဂ့ၢ်တနီၤန့ၣ် ယကွဲးဖျါထီၣ်န့ၢ်သုပျီပျီ ဒ်သိး ကဒုးသ့ၣ်နီၣ်ထီၣ်ကဒီးသု, မ့ၢ်လၢကစၢ်ယွၤ ပာ်ဖျါထီၣ် တၢ်သးကညီၤ ဒိၣ်ဒိၣ်မုၢ်မုၢ်လၢ ယဖီခိၣ်အဃိလီၤ. ၁၆ ယကဲယ့ၣ်ၡူးခရံာ် အခ့အပှၤလၢ ပှၤကလုာ်တဖၣ် အဂီၢ်လီၤ.+ ဒီးယမၤ ကစၢ်ယွၤ အတၢ်သးခုကစီၣ် လၢအမ့ၢ် တၢ်မၤလၢအစီဆှံန့ၣ်+ မ့ၢ်ဒ်သိး ပှၤကလုာ်တဖၣ်အံၤ ကကဲထီၣ် တၢ်လုၢ်တၢ်ပာ်လၢ အဘၣ်ကစၢ်ယွၤအသး ဒီးတၢ်လုၢ်တၢ်ပာ်လၢအဘၣ် တၢ်ပာ်စီဆှံအီၤခီဖျိလၢ သးစီဆှံလီၤ.
၁၇ ယကဲထီၣ်ဘၣ် ယ့ၣ်ၡူးခရံာ်အပျဲၢ်အဘီၣ် ဒီးမၤဘၣ် ကစၢ်ယွၤအတၢ်မၤအဃိ ယသးခုလီၤ. ၁၈ ယတတဲဘၣ်ဃးဒီး တၢ်လၢယမၤသ့ၣ်တဖၣ်ဘၣ်. ယကတဲထဲ တၢ်လၢခရံာ် တဲဝဲဒီးမၤဝဲ ခီဖျိလၢ ယၤတဆီ ဒ်သိးကမၤစၢၤ ပှၤကလုာ်တဖၣ်လၢ အဝဲသ့ၣ် ကအိၣ်ဒီး တၢ်ဒိကနၣ်အဂီၢ်လီၤ. ၁၉ အဝဲသ့ၣ်အိၣ်ဒီး တၢ်ဒိကနၣ် ခီဖျိလၢ တၢ်ပနီၣ်လီၤလးတဖၣ် ဒီးတၢ်လီၤလိၢ်လီၤလးတဖၣ်+ လၢကစၢ်ယွၤအသးစီဆှံ အတၢ်စိတၢ်ကမီၤ အဃိလီၤ. လၢတၢ်န့ၣ်အဃိ စးထီၣ်လၢ ဝ့ၢ်ယရူၤၡလ့ၣ် ဒီးတုၤလီၤလၢ အံးလူၤရံကူး အကီၢ်ရ့ၣ်န့ၣ် ယစံၣ်တဲၤတဲလီၤ တၢ်သးခုကစီၣ်လၢ အဘၣ်ဃးဒီးခရံာ် လၢာ်လၢာ်ဆ့ဆ့လီၤ.+ ၂၀ ဒ်သိးယသု တဆဲးသူၣ်ထီၣ်တၢ်လၢ တၢ်အခီၣ်ထံးလၢ ပှၤဂၤသူၣ်ထီၣ်ပာ်စၢၤဝဲ အဖီခိၣ်တဂ့ၤအဂီၢ် ယတၢ်တိာ်ပာ်အိၣ်လၢ ယကစံၣ်တဲၤတဲလီၤ တၢ်သးခုကစီၣ် ဖဲတၢ်လီၢ်လၢ ပှၤတနၢ်ဟူဘၣ် ခရံာ်အမံၤဒံးဘၣ်လီၤ. ၂၁ ဒ်တၢ်ကွဲးအသး အိၣ်ဝဲအသိး “ပှၤလၢ တၢ်တဒုးသ့ၣ်ညါအီၤလၢ အဝဲအဂ့ၢ်ဘၣ်န့ၣ် ကထံၣ်ဘၣ်အီၤ ဒီးပှၤလၢ အတနၢ်ဟူဘၣ်ဝဲတဖၣ်န့ၣ် ကနၢ်ပၢၢ်ထီၣ်တၢ်လီၤ.”+
၂၂ ယအဲၣ်ဒိး လဲၤလၢသုအိၣ်အါဘျီလံ ဘၣ်ဆၣ် လၢတၢ်ဂ့ၢ်အဝဲန့ၣ်အဃိ ယလဲၤတချုးဒံးဘၣ်. ၂၃ နီၢ်ကီၢ်န့ၣ် ယအဲၣ်ဒိး လဲၤလၢသုအိၣ် တဘျုးနံၣ်လံ. ဒီးခဲအံၤ ဟီၣ်ကဝီၤလၢ တၢ်လီၢ်ဖဲန့ၣ်တဖၣ် လၢယလဲၤတတုၤဒံးဘၣ်န့ၣ် တအိၣ်လၢၤဘၣ်. ၂၄ အဃိ ဖဲယလဲၤလၢ ကီၢ်စပၤနံအခါ ယဆၢမုၢ်လၢ်လၢ ယကထံၣ်ဘၣ်သုလီၤ. ယကရ့လိာ်သးဒီးသု တတီၤဖိဝံၤဒီး ဖဲယလဲၤလၢ ကီၢ်စပၤနံအခါ ယမုၢ်လၢ်လၢ သုကလဲၤဆှၢယၤလၢ ကျဲတကူာ်လီၤ. ၂၅ ဘၣ်ဆၣ် ခဲအံၤယကလဲၤလၢ ဝ့ၢ်ယရူၤၡလ့ၣ် ဒ်သိး ကမၤစၢၤ ပှၤစီဆှံဖဲန့ၣ်တဖၣ်အဂီၢ်လီၤ.+ ၂၆ ပှၤလၢအအိၣ်လၢ ကီၢ်မၤက့းဒနံ ဒီးအဃါယၤ ကီၢ်ရ့ၣ်အပူၤန့ၣ် အဝဲသ့ၣ်သးအိၣ် ဟ့ၣ်မၤစၢၤဝဲ ပှၤစီဆှံလၢအဖှီၣ်တဖၣ် လၢအအိၣ်လၢ ဝ့ၢ်ယရူၤၡလ့ၣ် အပူၤလီၤ.+ ၂၇ ဒီပုၢ်ဝဲၢ်တဖၣ်န့ၣ် သးအိၣ်မၤဝဲဒ်န့ၣ် ဒီးနီၢ်ကီၢ်န့ၣ် အဝဲသ့ၣ် အကမၢ်ထီၣ်ဒီး ပှၤစီဆှံတဖၣ်လီၤ. မ့ၢ်လၢ ပှၤစီဆှံတဖၣ် နီၤလီၤတ့ၢ်အဝဲသ့ၣ်လၢ တၢ်လၢအဒိးန့ၢ်ဝဲလၢ ကစၢ်ယွၤအအိၣ်* အဃိ အဝဲသ့ၣ် အကမၢ်ထီၣ်ဒီး ပှၤစီဆှံတဖၣ်လၢ နီၢ်ခိတခီလီၤ.+ ၂၈ ဖဲယဆှၢလီၤ တၢ်မၤဘူၣ်တဖၣ်အံၤလၢ အဝဲသ့ၣ်အအိၣ် ဂ့ၤဂ့ၤဘၣ်ဘၣ် ဝံၤအလီၢ်ခံ ယကလဲၤလၢ ကီၢ်စပၤနံ ဒီးလၢကျဲန့ၣ် ယကလဲၤဟးလၢသုအိၣ်လီၤ. ၂၉ ယသ့ၣ်ညါလၢ ဖဲယလဲၤလၢသုအိၣ်အခါ ယကလဲၤစိာ်န့ၢ်သု ခရံာ်အတၢ်ဆိၣ်ဂ့ၤ လၢလၢပှဲၤပှဲၤလီၤ.
၃၀ ဒီပုၢ်ဝဲၢ်သ့ၣ်ဧၢ, ခီဖျိလၢ ပကစၢ်ယ့ၣ်ၡူးခရံာ် ဒီးတၢ်အဲၣ်လၢအအိၣ်ထီၣ် လၢသးစီဆှံအဃိန့ၣ် ယဟ့ၣ်သဆၣ်ထီၣ်သု ဒ်သိး သုကဃ့ထုကဖၣ်တၢ် လၢယဂီၢ်ဆူၣ်ဆူၣ် လၢကစၢ်ယွၤအိၣ် ဒ်ယမၤအသိးလီၤ.+ ၃၁ ဃ့ထုကဖၣ်ဒ်သိး ယကပူၤဖျဲးလၢ+ ပှၤလၢအတစူၢ်တနာ်တၢ်ဘၣ်တဖၣ် လၢအအိၣ်လၢ ယူဒၤအဟီၣ်ကဝီၤန့ၣ် အစုပူၤ ဒီးဒ်သိး ပှၤစီဆှံတဖၣ်လၢ ဝ့ၢ်ယရူၤၡလ့ၣ်အပူၤ ကဘၣ်သူၣ်ဘၣ်သးဝဲ တၢ်မၤဘူၣ်လၢ ယကလဲၤစိာ်န့ၢ် အဝဲသ့ၣ် အဂီၢ်တက့ၢ်.+ ၃၂ ဒီးမ့ၢ်ဘၣ်ယွၤအသးန့ၣ် ယကလဲၤလၢသုအိၣ် ပှဲၤဒီးတၢ်သးခု ဒီးပကဟ့ၣ်ဂံၢ်ဟ့ၣ်ဘါလိာ်သး ယၢ်ခီယၢ်ခီလီၤ. ၃၃ မ်ကစၢ်ယွၤလၢ အဟ့ၣ်လီၤ တၢ်ဃူတၢ်ဖိးတဂၤအံၤ အိၣ်ဒီးသုခဲလၢာ်တက့ၢ်.+ အၤမ့ၣ်.