ယိၤနါ

၂ စီၤယိၤနါ အိၣ်လၢညၣ်အဟၢဖၢပူၤ ဒီးအဝဲဃ့ဘါထုကဖၣ်တၢ်လၢ အကစၢ် ယဟိဝၤယွၤအအိၣ်လီၤ.+ ၂ ဒီးအတဲဝဲလၢ

“လၢတၢ်ကိၢ်တၢ်ဂီၤအပူၤ ယကိးထီၣ်​ ယဟိဝၤယွၤ ဒီးအဝဲ စံးဆၢယၤလီၤ.+

ဒီးနလပီဖးဒိၣ်တဖၣ်န့ၣ်​ ဟဲဘၣ်ယၤလီၤ.+

 ၅ ထံတဖၣ်​ အိၣ်ဝးတရံးယၤ ဒီးဘူးထီၣ်လၢ ယကသံလံ.+

 ၆ ယလီၤဘျၢတုၤလၢ ပီၣ်လဲၣ် အခံဒးလီၤ.*

ဟီၣ်ခိၣ်အတြဲၤ ကးတံာ်ဃာ်ယၤ လီၤထူလီၤယိာ်လီၤ.

ဘၣ်ဆၣ်​ အိ ယဟိဝၤယွၤဧၢ, နထုးထီၣ်ကွံာ်ယၤလၢ တၢ်သွၣ်ခိၣ် အပူၤလီၤ.+

 ၇ ဖဲယဘူးထီၣ်ကသံအခါ ယသ့ၣ်နီၣ်ထီၣ်​ ယဟိဝၤယွၤလီၤ.+

ဒီးနနၢ်ဟူယတၢ်ထုကဖၣ်လၢ နတၢ်လုၢ်ဟံၣ်စီဆှံအပူၤလီၤ.+

 ၈ ပှၤလၢအဘူၣ်ထီၣ်ဘါထီၣ်​ တၢ်ဂီၤတၢ်ဖှီၣ်လၢ အဘျုးတအိၣ်ဘၣ်န့ၣ်​ အဝဲသ့ၣ်ပာ်တ့ၢ်ကွံာ် ကစၢ်ယွၤလၢ အပာ်ဖျါထီၣ်​ အတၢ်အဲၣ်လၢအတီ လၢအဝဲသ့ၣ်​ အဖီခိၣ်လီၤ.

 ၉ မ့မ့ၢ်ယၤန့ၣ်​ ယကစံးထီၣ်ပတြၢၤနၤ ဒီးယကလုၢ်ထီၣ်တၢ်လၢ နအိၣ်လီၤ.

ဒ်ယအၢၣ်လီၤအသိးန့ၣ်​ ယက မၤအီၤလီၤ.+

တၢ်အုၣ်က့ၤခီၣ်က့ၤန့ၣ်​ ဟဲလၢ ယဟိဝၤယွၤ အအိၣ်လီၤ.”+

၁၀ လၢခံ ယဟိဝၤယွၤ မၤလိာ်ညၣ်တဘ့ၣ်န့ၣ်​ ဒီးညၣ်တဘ့ၣ်န့ၣ်​ ဘှိးထီၣ်ကွံာ် စီၤယိၤနါလၢ ခိခိၣ်လီၤ.