၁ သ့းစၤလနံ
၁ ယၤ စီၤပီလူး, စီၤစံၤလဝ့နုၤ*+ ဒီးစီၤတံၤမသ့းန့ၣ်+ ဆှၢလံာ်အံၤ ဆူဝ့ၢ်သ့းစၤလနံ အတၢ်အိၣ်ဖှိၣ် လၢအမ့ၢ် ပပၢ်ကစၢ်ယွၤ ဒီးကစၢ်ယ့ၣ်ၡူးခရံာ် အတၢ်အိၣ်ဖှိၣ်န့ၣ် အအိၣ်လီၤ.
မ်သုဒိးန့ၢ်ဘၣ် တၢ်သးကညီၤ ဒိၣ်ဒိၣ်မုၢ်မုၢ် ဒီးတၢ်ဃူတၢ်ဖိးတက့ၢ်.
၂ ဖဲပယၢၤထီၣ် သုဝဲခဲလၢာ်လၢ ပတၢ်ထုကဖၣ်အပူၤအခါ ပစံးဘျုးကစၢ်ယွၤ ထီဘိလီၤ.+ ၃ ဒီးလၢပပၢ်ကစၢ်ယွၤ အမဲာ်ညါန့ၣ် ထီဘိပသ့ၣ်နီၣ်ထီၣ် သုတၢ်မၤလၢ အဟဲခီဖျိ သုတၢ်နာ်, သုတၢ်ဂုာ်ကျဲးစၢးလၢ တၢ်အဲၣ်တၢ်ကွံအပူၤ ဒီးသုအိၣ်ဒီး တၢ်တူၢ်န့ၢ်ခီၣ်ကဲ ခီဖျိလၢ သုမုၢ်လၢ်တၢ်လၢ+ ပကစၢ်ယ့ၣ်ၡူးခရံာ် အဃိလီၤ. ၄ ဒီပုၢ်ဝဲၢ်လၢ ကစၢ်ယွၤအဲၣ်အီၤသ့ၣ်ဧၢ, ပသ့ၣ်ညါလၢ ကစၢ်ယွၤဃုထၢသု, ၅ မ့ၢ်လၢ ပစံၣ်တဲၤတဲလီၤသု တၢ်သးခုကစီၣ်လၢ အပူၤကွံာ်န့ၣ် တမ့ၢ်ထဲလၢ တၢ်ကတိၤဘၣ်, အပၣ်ဃုာ်စ့ၢ်ကီးဒီး တၢ်စိတၢ်ကမီၤ, သးစီဆှံ ဒီးတၢ်နာ်နီၢ်ကီၢ်အဃိလီၤ. ဒီးဖဲပအိၣ်လၢ သုကျါအခါ လၢသုဂီၢ် ပကဲထီၣ်ပှၤဒ်လဲၣ်ဒ်လဲၣ်န့ၣ် သုသ့ၣ်ညါလီၤ. ၆ သုတူၢ်ဘၣ် တၢ်နးတၢ်ဖှီၣ်အါမး+ သနာ်က့ သုတူၢ်လိာ် ကစၢ်ယွၤ အကလုၢ်ကထါ လၢတၢ်သးခုအပူၤလီၤ. တၢ်သးခုအံၤ ဟဲခီဖျိ သးစီဆှံလီၤ. အဃိ သုကဲထီၣ်ပှၤလၢ အကွၢ်လိမၤဒိးပှၤ+ ဒီးကစၢ်လီၤ.+ ၇ ဒီးသုကဲထီၣ် ပှၤဒိဂ့ၤတဲာ်ဘၣ်လၢ ပှၤစူၢ်က့ၤနာ်က့ၤတၢ်ခဲလၢာ်လၢ အအိၣ်လၢ ကီၢ်မၤက့းဒနံ ဒီးအဃါယၤကီၢ်ရ့ၣ် အပူၤလီၤ.
၈ နီၢ်ကီၢ်န့ၣ် ယဟိဝၤယွၤ* အကလုၢ်ကထါ ဟူထီၣ်သါလီၤလၢသုဃိ ထဲလၢကီၢ်မၤက့းဒနံ ဒီးအဃါယၤကီၢ်ရ့ၣ်အပူၤ တမ့ၢ်ဘၣ်. သုတၢ်နာ်ကစၢ်ယွၤအဂ့ၢ်န့ၣ် ရၤလီၤအသးလၢ တၢ်လီၢ်ကိးပူၤဒဲး+ တုၤဒၣ်လဲာ် ပတဲတၢ်အလီၢ် တအိၣ်နီတမံၤလၢၤဘၣ်. ၉ အဝဲသ့ၣ် တဲဝဲတလီၢ်လီၢ်ဘၣ်ဃးဒီး ပထံၣ်လိာ်သးဒီးသု အဆိကတၢၢ်တဘျီအဂ့ၢ် ဒီးဘၣ်ဃးဒီး သုပာ်တ့ၢ်ကွံာ် သုတၢ်ဂီၤတၢ်ဖှီၣ်တဖၣ်+ ဒ်သိးသုကကဲထီၣ် ကစၢ်ယွၤလၢ အမ့ၢ်အတီ ဒီးအမူဝဲတဂၤအကုၢ်အဂီၢ်လီၤ. ၁၀ တကးဒံးဘၣ် အဝဲသ့ၣ် တဲဝဲတလီၢ်လီၢ်လၢ သုအိၣ်ခိး ကစၢ်ယွၤအဖိခွါ အတၢ်ဟဲလၢ မူခိၣ်လီၤ.+ အဝဲမ့ၢ်ယ့ၣ်ၡူးလၢ ကစၢ်ယွၤ ဒုးဂဲၤဆၢထၢၣ်က့ၤအီၤလၢ တၢ်သံဒီး အကမၤထူၣ်ဖျဲးထီၣ်ပှၤလၢ ကစၢ်ယွၤ အတၢ်သးဒိၣ်ထီၣ်လၢ အကဟဲလီၤ.+