ကလၤတံ
၆ ဒီပုၢ်ဝဲၢ်သ့ၣ်ဧၢ, ပှၤတဂၤဂၤ ခါထီၣ်အခီၣ်ခါ မ့ၢ်ကမၣ်ဒီး အမ့ၢ်တသ့ၣ်ညါလီၤအသးဒံးဘၣ် ဒၣ်လဲာ် မ်သုဝဲလၢ အဒိၣ်တုာ်ခိၣ်ပှဲၤ လၢနီၢ်သးတခီန့ၣ် ဂုာ်ကျဲးစၢး ဘှီဘၣ်ထီၣ်က့ၤ ပှၤဒ်န့ၣ်အသိးတဂၤ လၢတၢ်သးစူၤ အပူၤတက့ၢ်.+ ဘၣ်ဆၣ် ဒ်သိးနသုတဘၣ် တၢ်လ့ပစီတဂ့ၤအဂီၢ်+ ကွၢ်လီၤစ့ၢ်ကီး နနီၢ်ကစၢ် အသးတက့ၢ်.+ ၂ ဆဲးဝံစၢၤလိာ်သုသးလၢ သုတၢ်ဝံဃၢ တဂၤဒီးတဂၤတက့ၢ်.+ သုမ့ၢ်မၤဒ်န့ၣ်န့ၣ် သုကမၤလၢထီၣ်ပှဲၤထီၣ် ခရံာ်အတၢ်သိၣ်တၢ်သီလီၤ.+ ၃ ပှၤတဂၤဂၤလၢ အတမ့ၢ်တၢ်နီတမံၤဘၣ် ဘၣ်ဆၣ် အမ့ၢ်ဆိကမိၣ်လီၤ အသးလၢ အမ့ၢ်တၢ်တမံၤမံၤန့ၣ်+ မ့ၢ်ဒၣ်အဝဲ လံၣ်န့ၢ်လီန့ၢ်လီၤ အနီၢ်ကစၢ်အသးလီၤ. ၄ မ်ပှၤတဂၤဘၣ်တဂၤ သမံသမိးလီၤက့ၤ အနီၢ်ကစၢ် အတၢ်မၤတက့ၢ်.+ အမ့ၢ်မၤဒ်န့ၣ်န့ၣ် အကအိၣ်ဒီး တၢ်သးခု ဘၣ်ဃးဒီး တၢ်လၢအနီၢ်ကစၢ်မၤဝဲ ဒီးတမ့ၢ်ခီဖျိလၢ အထိၣ်သတြီၤလီၤအသး ဒီးပှၤအဂၤတဂၤအဃိဘၣ်.+ ၅ ပှၤကိးဂၤဒဲး ကဘၣ်ဝံ အနီၢ်ကစၢ် အတၢ်ဝံတၢ်ယိးလီၤ.+
၆ တကးဒံးဘၣ် ပှၤလၢအဘၣ် တၢ်သိၣ်လိအီၤလၢ ကစၢ်ယွၤ အကလုၢ်ကထါန့ၣ် မ်အနီၤလီၤ တၢ်လၢအဂ့ၤကိးမံၤဒဲးလၢ ပှၤလၢအသိၣ်လိအီၤ တဂၤန့ၣ်အအိၣ်တက့ၢ်.+
၇ တဘၣ်လံၣ်န့ၢ်လီန့ၢ်လီၤ သုနီၢ်ကစၢ်အသးတဂ့ၤ. ကစၢ်ယွၤန့ၣ် ပှၤလံၣ်န့ၢ်လီန့ၢ်အီၤ တန့ၢ်ဘၣ်. ပှၤတဂၤ ကကူးဘၣ်က့ၤတၢ်လၢ အဖှံဝဲလီၤ.+ ၈ ပှၤလၢအဖှံတၢ် ဒ်အတၢ်ဖံးတၢ်ညၣ် အတၢ်သူၣ်လီသးကွံ အိၣ်ဝဲအသိးန့ၣ် ကကူးဘၣ်က့ၤ တၢ်အုၣ်သံကျၣ်သံလၢ အဟဲအိၣ်ထီၣ်ခီဖျိလၢ အတၢ်ဖံးတၢ်ညၣ် အတၢ်သူၣ်လီသးကွံအဃိလီၤ. ဘၣ်ဆၣ် ပှၤလၢအဖှံတၢ် ဒ်သးစီဆှံ အတၢ်ဟံးစုနဲၣ်ကျဲအသိးန့ၣ် ကကူးဘၣ် တၢ်မူလီၤထူလီၤယိာ် လၢသးစီဆှံအအိၣ်လီၤ.+ ၉ အဃိ ပတဘၣ်တူၢ်ၡူပသးလၢ ပကဆဲးမၤတၢ်ဂ့ၤအဂီၢ်ဘၣ်. ပမ့ၢ်တဟ့ၣ်အၡူဘၣ်န့ၣ် အဆၢကတီၢ်မ့ၢ်ဘၣ်ဒီး ပကကူးဘၣ်တၢ်လီၤ.+ ၁၀ အဃိ ဖဲပအိၣ်ဒီး တၢ်ခွဲးတၢ်ယာ်အခါ မ်ပမၤဂ့ၤတၢ် လၢပှၤကိးဂၤဒဲးအဖီခိၣ် လီၤဆီဒၣ်တၢ်ပှၤလၢ အတၢ်စူၢ်တၢ်နာ် ဒ်သိးဒီးပှၤန့ၣ်တက့ၢ်.
၁၁ ကွၢ်မီၤ, ယကွဲးန့ၢ်သုလၢ လံာ်မဲာ်ဖျၢၣ်ဖးဒိၣ်လၢ ယနီၢ်ကစၢ်အစုလီၤ.
၁၂ ပှၤကိးဂၤဒဲးလၢ အအဲၣ်ဒိးမၤအိၣ်အမဲာ်သၣ်န့ၣ် မ့ၢ်ပှၤလၢအဂုာ်ကျဲးစၢးမၢဆူၣ်သု လၢသုကဒိးတၢ်ကူးတရံးလီၤ. အဝဲသ့ၣ်မၤဝဲဒ်န့ၣ်န့ၣ် မ့ၢ်ဒ်သိးအဝဲသ့ၣ် ကဟးဆှဲးတၢ်မၤအၢမၤနး လၢအဟဲကဲထီၣ်ခီဖျိ ခရံာ်အတၢ်မၤအၢမၤနး အသ့ၣ်တၢၣ်* အဃိလီၤ. ၁၃ ပှၤလၢအဒိး တၢ်ကူးတရံးတဖၣ် ဒၣ်လဲာ် တမၤထွဲ စီၤမိၤၡ့ အတၢ်သိၣ်တၢ်သီ စ့ၢ်ကီးဘၣ်.+ ဘၣ်ဆၣ် အဝဲသ့ၣ်အဲၣ်ဒိးလၢ သုကဒိးတၢ်ကူးတရံး ဒ်သိးအကပာ်ကဖၢလၢအသး လၢသုဃိလီၤ.* ၁၄ မ့မ့ၢ်ယၤန့ၣ် ယကပာ်ကဖၢလၢယသး ထဲလၢ ပကစၢ်ယ့ၣ်ၡူးခရံာ် တူၢ်သံအသးလၢ တၢ်မၤအၢမၤနး အသ့ၣ်တၢၣ်လိၤအဃိ+ ဒီးယတပာ်ကဖၢလၢ ယသးလၢ တၢ်ဂ့ၢ်အဂုၤအဂၤ အဃိဘၣ်. လၢယတၢ်ထံၣ်န့ၣ် ဟီၣ်ခိၣ်အံၤ ဘၣ်တၢ်စံၣ်ညီၣ်သံအီၤ ခီဖျိယ့ၣ်ၡူးအဃိလီၤ. ဒီးလၢဟီၣ်ခိၣ်အတၢ်ထံၣ်န့ၣ် ယဘၣ်တၢ်စံၣ်ညီၣ်သံယၤ ခီဖျိယ့ၣ်ၡူးအဃိလီၤ. ၁၅ ပှၤဒိးတၢ်ကူးတရံးမ့ၢ်ဂ့ၤ, တဒိးတၢ်ကူးတရံးဘၣ်မ့ၢ်ဂ့ၤ တမ့ၢ်တၢ်လၢအရ့ဒိၣ်ဘၣ်.+ တၢ်လၢအရ့ဒိၣ်န့ၣ် မ့ၢ်ဝဲတၢ်ကဲထီၣ် တၢ်ဘၣ်တ့အသီလီၤ.+ ၁၆ မ့မ့ၢ် ပှၤလၢအအိၣ်မူပိာ်ထွဲ တၢ်ဘျၢအဝဲန့ၣ်န့ၣ် အဝဲသ့ၣ် မ့ၢ်ဝဲကစၢ်ယွၤ အအံၣ်စရ့လးလီၤ.+ မ်တၢ်ဃူတၢ်ဖိး ဒီးတၢ်သးကညီၤ အိၣ်ဒီးအဝဲသ့ၣ် ကိးဂၤဒဲးတက့ၢ်.
၁၇ လၢယနီၢ်ခိအလိၤန့ၣ် ယအိၣ်ဒီး တၢ်ပူၤလီၢ်တဖၣ် လၢအပာ်ဖျါထီၣ်လၢယမ့ၢ် ယ့ၣ်ၡူးအကုၢ်လီၤ.+ အဃိ စးထီၣ်ခဲအံၤဒီးဆူညါန့ၣ် မ်ပှၤသုတမၤကီမၤခဲယၤ နီတဂၤလၢၤတဂ့ၤ.
၁၈ ဒီပုၢ်ဝဲၢ်သ့ၣ်ဧၢ, မ့ၢ်လၢ သုအိၣ်ဒီး တၢ်ပာ်သူၣ်ပာ်သး လၢအဂ့ၤအဃိ မ်ကစၢ် ယ့ၣ်ၡူးခရံာ် ပာ်ဖျါထီၣ် အတၢ်သးကညီၤ ဒိၣ်ဒိၣ်မုၢ်မုၢ် လၢသုဖီခိၣ်တက့ၢ်. အၤမ့ၣ်.