ကတိၤဒိ

ယဖိခွါလၢ ယဒိးန့ၢ်ဘၣ်​ ခီဖျိ ယတၢ်အၢၣ်လီၤတဖၣ်ဧၢ,+

ယကဘၣ်​ တဲနၤဒ်လဲၣ်.

 ၄ စီၤလမူၤအ့လးဧၢ, စီၤပၤတဖၣ်​ တကြၢးအီ စပံးထံဘၣ်

ဒီးပှၤလၢအပၢတၢ်တဖၣ်​ တကြၢးတဲလၢ “ယသံး အိၣ်ဖဲလဲၣ်”+ န့ၣ်ဘၣ်.

 ၅ အဝဲသ့ၣ်​ မ့ၢ်မၤဒ်န့ၣ်န့ၣ်​ အဝဲသ့ၣ်​ ကသးပ့ၤနီၣ်ဘၣ်ဖုး တၢ်သိၣ်တၢ်သီ

ဒီးမၤဟးဂီၤ ပှၤလၢအပတီၢ်ဖုၣ်တဖၣ်​ အတၢ်ခွဲးတၢ်ယာ်လီၤ.

 ၇ အဝဲသ့ၣ်ကအီ ဒီးကသးပ့ၤနီၣ်ကွံာ် အတၢ်ဖှီၣ်တၢ်ယာ်

ဒီးအဝဲသ့ၣ်တသ့ၣ်နီၣ်ထီၣ်က့ၤ အတၢ်ကီတၢ်ခဲလၢၤဘၣ်.

 ၈ တဲန့ၢ်တၢ်လၢ ပှၤလၢအတဲတၢ်တသ့ဘၣ်တဖၣ်အဂီၢ်

ဒီးဒီသဒၢန့ၢ် ပှၤလၢအဘူးထီၣ်​ ကသံတဖၣ်​ အတၢ်ခွဲးတၢ်ယာ်တက့ၢ်.+

 ၉ ဒီသဒၢန့ၢ် ပှၤလၢအပတီၢ်ဖုၣ်​ ဒီးပှၤဖှီၣ်ဖိယာ်ဖိ အတၢ်ခွဲးတၢ်ယာ်,+

တဲန့ၢ်တၢ်လၢ အဝဲသ့ၣ်အဂီၢ် ဒီး စံၣ်ညီၣ်တၢ် တီတီလိၤလိၤတက့ၢ်.

၁၁ အဝၤ နာ်န့ၢ်အီၤလၢ အသးဒီဖျၢၣ်

ဒီးတၢ်လၢအလိၣ်ဘၣ်န့ၣ်​ အိၣ်ဒီးအီၤ ခဲလၢာ်လီၤ.

၁၂ လၢမါတဂၤအံၤအတၢ်အိၣ်မူ ဒီတစိၤန့ၣ်

အမၤဂ့ၤအဝၤ ဒီးတမၤအၢအီၤဘၣ်.

၁၃ အဝဲ မၤန့ၢ်သိဆူၣ်​ ဒီးတၢ်ကံးညာ်လၢအညၣ်ဂ့ၤ

ဒီးအခုဖံးခုမၤလီၤ.+

၁၄ အဝဲလီၤဂာ်ဒ်သိးဒီး ကဘီလၢ အတီၣ်ဆှၢတၢ်ဖိတၢ်လံၤ+

ဒီးအဝဲဟဲက့ၤစိာ် တၢ်အီၣ်လၢ တၢ်လီၢ်ဖးယံၤလီၤ.

၁၅ တချုးလၢ မုၢ်ဝါထီၣ်ဒံးဘၣ်န့ၣ်​ အဝဲဂဲၤဆၢထၢၣ်

ကတဲာ်ကတီၤ တၢ်အီၣ်လၢ အဟံၣ်ဖိဃီဖိအဂီၢ်

ဒီးလၢအကုၢ်မုၣ်တဖၣ်​ အဂီၢ်လီၤ.+

၁၇ အဝဲအိၣ်ကတဲာ်ကတီၤအသးလၢ ကမၤတၢ်ဆူၣ်ဆူၣ်​ အဂီၢ်+

ဒီးအမၤတၢ်လၢအစု သပှၢ်ပှၢ်လီၤ.

၁၈ အဝဲထံၣ်ဝဲဒၣ်လၢ အဆါတၢ်မၠးဝဲ

ဒီးအဝဲမၤတၢ် တုၤလၢ မုၢ်နၤခီလီၤ.*

၁၉ အစုဟံးဃာ်ဝဲ နီၣ်လ့ၢ်ဘဲ

ဒီးဖီၣ်ဃာ်ဝဲ လုၣ်ထွံလီၤ.*+

၂၀ အဝဲမၤစၢၤ ပှၤလၢအပတီၢ်ဖုၣ်

ဒီးအဝဲသးအိၣ်ဟ့ၣ်တၢ်လၢ ပှၤဖှီၣ်ဖိယာ်ဖိလီၤ.+

၂၁ ဖဲတၢ်ဂိၢ်ခါ အဆၢကတီၢ် အဟံၣ်ဖိဃီဖိကိးဂၤဒဲး ကၤဘၣ် ဆ့ကၤလၢၤ အဃိ

အဝဲတကိၢ်တၢ်လၢ အဟံၣ်ဖိဃီဖိ အဂီၢ်ဘၣ်.

၂၃ အဝၤန့ၣ်​ ဆ့ၣ်နီၤလၢ ဝ့ၢ်အတြဲၤလၢ ထံကီၢ်အပှၤသူၣ်က့သးပှၢ် တဖၣ်အကျါ+

ဒီးပှၤသ့ၣ်ညါ အဝၤဂ့ၤဂ့ၤလီၤ.

၂၄ အဝဲဆးဝဲ တၢ်ကူတၢ်ကၤလၢ အညၣ်ဂ့ၤ ဒီးဆါဝဲ

ဒီးဆါန့ၢ်ဝဲ ယီၢ်တကိးလၢ ပှၤပှ့ၤတၢ်ဆါတၢ်ဖိတဖၣ်အအိၣ်​ ဒီဒူၣ်လီၤ.

၂၆ ဖဲအတဲတၢ်အခါ အတဲတၢ်လၢ တၢ်ကူၣ်သ့အပူၤ+

ဒီးတၢ်သူၣ်ဂ့ၤသးဝါ အတၢ်သိၣ်တၢ်သီ အိၣ်ဝဲလၢ အပျ့ၤလိၤလီၤ.*

၂၇ အဝဲကွၢ်ထွဲဝဲ ဟံၣ်ဃီတၢ်ဖံးတၢ်မၤ

ဒီးအတကၢၣ်​ နီတစဲးဘၣ်.+

၂၈ အဖိတဖၣ်​ ဆၢထၢၣ်​ ဒီးစံးပတြၢၤအီၤ

ဒီးအဝၤ ဆၢထၢၣ်​ ဒီးစံးပတြၢၤအီၤလီၤ.

၂၉ ပိာ်မုၣ်လၢအဂ့ၤန့ၣ်​ အိၣ်ဝဲအါမး

ဘၣ်ဆၣ်​ နဂ့ၤဒိၣ်န့ၢ် အဝဲသ့ၣ် ခဲလၢာ်လီၤ.