၁ ကရံၣ်သူး
၆ ဖဲတၢ်သဘံၣ်သဘုၣ် အိၣ်ထီၣ်လၢ သုဝဲတဂၤဒီးတဂၤ အဘၢၣ်စၢၤအခါ+ ဘၣ်မနုၤအဃိ သုလဲၤထီၣ် စံၣ်ညီၣ်ကွီၢ်အရူလၢ ပှၤတတီတလိၤတဖၣ် အမဲာ်ညါလဲၣ်. ဒီးဘၣ်မနုၤအဃိ သုတလဲၤလၢ ပှၤစီဆှံတဖၣ် အအိၣ်ဘၣ်လဲၣ်. ၂ ပှၤစီဆှံတဖၣ် ကစံၣ်ညီၣ်ဟီၣ်ခိၣ်န့ၣ် သုတသ့ၣ်ညါဧီၤ.+ သုမ့မ့ၢ်ပှၤလၢ အကစံၣ်ညီၣ်ဟီၣ်ခိၣ်န့ၣ် သုစံၣ်ညီၣ် တၢ်ဂ့ၢ်ဆံးဆံးဖိတဖၣ် တဘၣ်ဧီၤ. ၃ ပကစံၣ်ညီၣ် မူခိၣ်ကလူးတဖၣ်န့ၣ် သုတသ့ၣ်ညါဧီၤ.+ မ့မ့ၢ်ဒ်န့ၣ်န့ၣ် ဘၣ်မနုၤအဃိ ပစံၣ်ညီၣ်တၢ်ဂ့ၢ်လၢ ပထံၣ်ဘၣ်အီၤလၢ ပတၢ်အိၣ်မူခဲအံၤ တသ့ဘၣ်လဲၣ်. ၄ ဒီးတၢ်ဂ့ၢ်တၢ်ကျိၤ ဒ်အံၤတဖၣ် မ့ၢ်ဟဲအိၣ်ထီၣ်လၢ သုတၢ်အိၣ်မူအပူၤန့ၣ်+ မ့ၢ်သုကမၢ ပှၤလၢ တၢ်အိၣ်ဖှိၣ်ထံၣ်ဝဲလၢ အတကြၢးတဘၣ်တဖၣ် ကဲပှၤစံၣ်ညီၣ်ကွီၢ် လၢသုဂီၢ်ဧါ. ၅ ယတဲတၢ်ဒ်သိး သုကမဲာ်ဆှးအဂီၢ်လီၤ. လၢသုကျါန့ၣ် ပှၤကူၣ်တၢ်သ့ လၢအကစံၣ်ညီၣ်န့ၢ်တၢ်လၢ အဒီပုၢ်ဝဲၢ်တဖၣ် အဂီၢ်န့ၣ် တအိၣ်နီတဂၤဧီၤ. ၆ လၢတၢ်န့ၣ်အလီၢ် ဒီပုၢ်ဝဲၢ်တဖၣ် လဲၤကိးထီၣ်လိာ်သးလၢ စံၣ်ညီၣ်ကွီၢ်အရူ ဒီးတီၣ်ထီၣ်အတၢ်ဂ့ၢ် ဒ်သိးပှၤလၢ အတစူၢ်တနာ်တၢ်တဖၣ် ကစံၣ်ညီၣ်န့ၢ်တၢ်လၢ အဝဲသ့ၣ်အဂီၢ်လီၤ.
၇ နီၢ်ကီၢ်န့ၣ် တုၤလၢသုကိးထီၣ် သုဒီပုၢ်ဝဲၢ်တဂၤဂၤလၢ စံၣ်ညီၣ်ကွီၢ်အရူန့ၣ် သုၡူလံ. ဖဲသုဒီပုၢ်ဝဲၢ် မၤကမၣ်သုအခါ ဘၣ်မနုၤအဃိ သုတူၢ်တကဲဘၣ်လဲၣ်.+ ဖဲပှၤမၤသု တတီတလိၤဘၣ်အခါ ဘၣ်မနုၤအဃိ သုတူၢ်ၡူသုသး တကဲဘၣ်လဲၣ်. ၈ လၢတၢ်န့ၣ်အလီၢ် သုမၤကမၣ်ပှၤဂၤ ဒီးမၤပှၤဂၤ တတီတလိၤဘၣ်. ဒီးပှၤတဖၣ်အံၤန့ၣ် မ့ၢ်သုဒီပုၢ်ဝဲၢ် ကဒဲကဒဲတမ့ၢ်ဧီၤ.
၉ ပှၤတတီတလိၤ တန့ၢ်သါဘၣ် ကစၢ်ယွၤအဘီအမုၢ်ဘၣ်န့ၣ် သုတသ့ၣ်ညါဧီၤ.+ တဘၣ်လံၣ်န့ၢ်လီန့ၢ်လီၤ သုနီၢ်ကစၢ်အသးတဂ့ၤ. ပှၤလၢ အမၤကမၣ်မုၣ်ကမၣ်ခွါ* မ့ၢ်ဂ့ၤ,+ ပှၤဘါတၢ်ဂီၤတၢ်ဖှီၣ်မ့ၢ်ဂ့ၤ,+ ပှၤအဲၣ်ဘၢမါ အဲၣ်ဘၢဝၤမ့ၢ်ဂ့ၤ,+ ပိာ်ခွါလၢ အဟ့ၣ်အခွဲးလၢ ပိာ်ခွါကဒဲကဒဲ ကမၤအီၤလၢ လုၢ်လၢ်လၢ အထီဒါလိာ်သးဒီး န့ဆၢၣ်မ့ၢ်ဂ့ၤ,+ ပိာ်ခွါလၢအမံဃုာ်ဒီး ပိာ်ခွါကဒဲကဒဲမ့ၢ်ဂ့ၤ,+ ၁၀ ပှၤလၢ အဟုၣ်တၢ်မ့ၢ်ဂ့ၤ, ပှၤလၢ အသးကွံတၢ်မ့ၢ်ဂ့ၤ,+ ပှၤလၢ အအီမူၤသံးမ့ၢ်ဂ့ၤ,*+ ပှၤလၢ အဒုၣ်ဒွဲၣ်စံးအၢပှၤဂၤမ့ၢ်ဂ့ၤ, ပှၤလၢ အဟံးန့ၢ်ဆူၣ် ပှၤဂၤအတၢ်မ့ၢ်ဂ့ၤ တန့ၢ်သါဘၣ် ကစၢ်ယွၤအဘီအမုၢ်ဘၣ်.+ ၁၁ လၢညါ သုဝဲတနီၤနီၤန့ၣ် သုမ့ၢ်တ့ၢ်ပှၤဒ်န့ၣ်လီၤ. ဘၣ်ဆၣ် သုဘၣ် တၢ်မၤကဆှီထီၣ်က့ၤသု,+ သုဘၣ်တၢ်ပာ်စီဆှံသု+ ဒီးသုဘၣ် တၢ်ပာ်တီပာ်လိၤသုလၢ+ ကစၢ်ယ့ၣ်ၡူးခရံာ်အမံၤ ဒီးပကစၢ်ယွၤ အသးစီဆှံအဃိလီၤ.
၁၂ ယအိၣ်ဒီး တၢ်ခွဲးတၢ်ယာ်လၢ ယကမၤတၢ်ခဲလၢာ်, ဘၣ်ဆၣ် တၢ်ခဲလၢာ်တမ့ၢ်တၢ်လၢ အကဲဘျုးဘၣ်.+ ယအိၣ်ဒီး တၢ်ခွဲးတၢ်ယာ်လၢ ယကမၤတၢ်ခဲလၢာ်, ဘၣ်ဆၣ် ယတဟ့ၣ်အခွဲးလၢ တၢ်တမံၤဂ့ၤတမံၤဂ့ၤ ကဒုးကဲယၤလၢ အကုၢ်ဘၣ်. ၁၃ တၢ်အီၣ်တၢ်အီ မ့ၢ်ဝဲလၢဟၢဖၢအဂီၢ် ဒီးဟၢဖၢမ့ၢ်ဝဲလၢ တၢ်အီၣ်တၢ်အီအဂီၢ် ဘၣ်ဆၣ် ကစၢ်ယွၤ ကမၤကတၢၢ်ကွံာ်အီၤ ခံမံၤလၢာ်လီၤ.+ နီၢ်ခိန့ၣ်တမ့ၢ်လၢ တၢ်မၤကမၣ်မုၣ်ကမၣ်ခွါ* အဂီၢ်ဘၣ်, မ့ၢ်ဝဲလၢကစၢ်အဂီၢ်+ ဒီးကစၢ်န့ၣ် မ့ၢ်ဝဲလၢနီၢ်ခိအဂီၢ်လီၤ. ၁၄ ကစၢ်ယွၤ ဒုးဂဲၤဆၢထၢၣ်က့ၤ ကစၢ်လၢတၢ်သံ+ ဒီးကဒုးဂဲၤဆၢထၢၣ်က့ၤစ့ၢ်ကီး ပှၤလၢတၢ်သံ+ ခီဖျိလၢ အစိအကမီၤလီၤ.+
၁၅ သုနီၢ်ခိတဖၣ် မ့ၢ်ဝဲခရံာ် အက့ၢ်အဂီၤတဖၣ်န့ၣ် မ့ၢ်သုတသ့ၣ်ညါဘၣ်ဧါ.+ ယမ့ၢ်ဟံးန့ၢ်ကွံာ် သုနီၢ်ခိတဖၣ်လၢအမ့ၢ် ခရံာ်အက့ၢ်အဂီၤတဖၣ် ဒီးပာ်ဖှိၣ်ဃုာ်အီၤဒီး ပိာ်မုၣ်ဆါလီၤအီၣ်သးန့ၣ် ကကြၢးဧါ. လ့ၤတက့ၤ တကြၢးဘၣ်. ၁၆ ကစၢ်ယွၤတဲဝဲလၢ “ပှၤခံဂၤန့ၣ် ကကဲထီၣ်တၢ်တမံၤဃီလီၤ.”*+ အဃိ ပှၤမ့ၢ်မၤကမၣ်မုၣ်ကမၣ်ခွါဒီး ပိာ်မုၣ်ဆါလီၤအီၣ်သးန့ၣ် အကဲထီၣ် တၢ်တမံၤဃီဒီးအီၤန့ၣ် သုတသ့ၣ်ညါဧီၤ. ၁၇ မ့မ့ၢ်ပှၤလၢ အအိၣ်ဃူအိၣ်ဖိးဒီးကစၢ်န့ၣ် မ့ၢ်တၢ်တမံၤဃီဒီးအီၤ လၢသူၣ်လၢသးတကပၤလီၤ.+ ၁၈ ဟးဆှဲး* တၢ်မၤကမၣ်မုၣ်ကမၣ်ခွါတက့ၢ်.+ ပှၤမ့ၢ်မၤတၢ်ကမၣ်လၢ အဂုၤအဂၤန့ၣ် တမၤကမၣ်အနီၢ်ခိဘၣ်. ဘၣ်ဆၣ် ပှၤမ့ၢ်မၤကမၣ်မုၣ်ကမၣ်ခွါန့ၣ် မ့ၢ်အမၤကမၣ် အနီၢ်ခိဒၣ်ဝဲလီၤ.+ ၁၉ သုနီၢ်ခိန့ၣ် မ့ၢ်တၢ်လုၢ်ဟံၣ်လၢ+ ကစၢ်ယွၤအသးစီဆှံ အိၣ်ဝဲဆိးဝဲလၢအပူၤန့ၣ် မ့ၢ်သုတသ့ၣ်ညါဘၣ်ဧါ.+ အဃိ သုနီၢ်ခိန့ၣ် တမ့ၢ်သုတၢ်ဘၣ်.+ ၂၀ ကစၢ်ယွၤ ပှ့ၤသုလၢ တၢ်လုၢ်ဒိၣ်ပှ့ၤဒိၣ်လီၤ.+ အဃိ မၤလၤကပီၤကစၢ်ယွၤလၢ+ သုနီၢ်ခိတက့ၢ်.+