ယၡါယၤ

နပာ်ဖျါထီၣ် နတၢ်သးတီ+ ဒီးနပာ်ဖျါထီၣ်လၢ နမ့ၢ်ပှၤလၢ ပှၤနာ်န့ၢ်အီၤသ့

ခီဖျိ နမၤတၢ်လၢ အလီၤလိၢ် လီၤလးတဖၣ်+

ဒ်နတိာ်ပာ် လၢပျၢၤလံၤလံၤ အသိးလီၤ.+

 ၂ နဒုးကဲထီၣ် ဝ့ၢ်လၢလၢၢ်အပူၣ်

ဒီးဝ့ၢ်လၢအအိၣ်ဒီး အဒူၣ်လၢအကျၢၤန့ၣ် နဒုးကဲထီၣ်အီၤလၢ တၢ်ဟးဂီၤအပူၣ်လီၤ.

ပှၤထံဂၤကီၢ်ဂၤဖိ အတၢးန့ၣ် တကဲဝ့ၢ်လၢၤဘၣ်

ဒီးပှၤတက့ၤတ့ထီၣ်အီၤ နီတဘျီလၢၤဘၣ်.

 ၃ အဃိ ပှၤဂီၢ်မုၢ်လၢ အဂံၢ်ဆူၣ်ဘါဆူၣ်န့ၣ် ကမၤလၤကပီၤနၤ

ဒီးဝ့ၢ်လၢအအိၣ်ဒီး ပှၤကလုာ်တဖၣ်လၢ အပၢဆူၣ်ပၢစိးတၢ်န့ၣ် ကပျံၤနၤလီၤ.+

 ၄ နကဲထီၣ် တၢ်အိၣ်သဒၢအလီၢ်လၢ ပှၤလၢအပတီၢ်ဖုၣ်အဂီၢ်,

တၢ်အိၣ်သဒၢအလီၢ်လၢ ပှၤဖှီၣ်ဖိယာ်ဖိ လၢအဘၣ်ကိၢ်ဘၣ်ဂီၤအဂီၢ်,+

တၢ်ပူၤဖျဲးအလီၢ် လၢကလံၤမုၢ်အဃိ

ဒီးတၢ်ကဒုအလီၢ်လၢ မုၢ်အတၢ်ကိၢ်အဃိလီၤ.+

ပှၤပၢဆူၣ်ပၢစိးတၢ်တဖၣ် အတၢ်သးဒိၣ် မ့ၢ်လီၤဂာ်ဒ်သိးဒီး ကလံၤမုၢ်လၢ အဟဲဘၣ်ဝဲ တၢ်ဒူၣ်

 ၅ ဒီးမ့ၢ်လီၤဂာ်ဒ်သိးဒီး တၢ်ကိၢ်လၢ တၢ်လီၢ်ဃ့ထီအပူၤ ဘၣ်ဆၣ်

နမၤဘှ့ၣ်ဒုၣ်ဒါ အတၢ်သီၣ်တၢ်သဲတဖၣ်

ဒီးဒ်တၢ်အၢၣ်အကဒု မၤခုၣ်လီၤ တၢ်ကိၢ်အသိး

နမၤဘှ့ၣ် ပှၤပၢဆူၣ်ပၢစိးတၢ်တဖၣ် အတၢ်သးဝံၣ်လီၤ.

တၢ်အီၣ်အမူးန့ၣ် ကပှဲၤဒီး တၢ်အီၣ်လၢ အဝံၣ်အဘဲ,+

စပံးထံ လၢအဝံၣ်,

တၢ်အီၣ်လၢ အဝံၣ်ကတၢၢ် ဃုာ်ဒီး တၢ်ညၣ်လၢအဂ့ၤ

ဒီးစပံးထံလၢ ပှၤပှံၢ်အီၤလီၤ.

 ၇ လၢကစၢၢ်တဖျၢၣ်အံၤ အလိၤန့ၣ် ကစၢ်ယွၤ ကမၤလီၤမၢ်ကွံာ် တၢ်ကျၢၢ်ဘၢတၢ် လၢအအိၣ်လၢ ပှၤခဲလၢာ် အဖီခိၣ်

ဒီးကထုးထီၣ်ကွံာ် တၢ်ကံးညာ်လၢ အဘၣ်တၢ်ထါအီၤလၢ ပှၤကလုာ် ခဲလၢာ် အဖီခိၣ်လီၤ.

 ၈ တၢ်ပၢကစၢ် ယဟိဝၤယွၤ ကထွါကွံာ် မဲာ်ထံလၢ ပှၤခဲလၢာ် အမဲာ်+

ဒီးအဝဲ ကယူၢ်လီၤကွံာ်* တၢ်သံ လီၤထူလီၤယိာ်လီၤ.+

ကစၢ်ယွၤ ကထုးထီၣ်ကွံာ် တၢ်ဒုၣ်ဒွဲၣ်လၢ အဘၣ်အပှၤဂီၢ်မုၢ် လၢဟီၣ်ခိၣ်ချၢဒီဘ့ၣ်,

မ့ၢ်လၢ ယဟိဝၤယွၤ အနီၢ်ကစၢ် တဲတ့ၢ်ဝဲ ဒ်န့ၣ်အဃိလီၤ.

 ၉ ဖဲန့ၣ်အဆၢကတီၢ် ကစၢ်ယွၤ အပှၤဂီၢ်မုၢ် ကတဲဝဲလၢ

“ကွၢ်သၢၤ, အမ့ၢ် ပကစၢ်ယွၤလီၤ.+

ပမုၢ်လၢ်တၢ် လၢအအိၣ်+

ဒီးအဝဲ ကမၤပူၤဖျဲးပှၤလီၤ.+

အမ့ၢ် ယဟိဝၤယွၤ

ဒီးပမုၢ်လၢ်တၢ် လၢအအိၣ်လီၤ.

ဒီးကီၢ်မိၤအး အပှၤဂီၢ်မုၢ်န့ၣ် ကဘၣ်တၢ်ယီၢ်တံၢ်အီၤ ဖဲအဝဲသ့ၣ် အနီၢ်ကစၢ်တၢ်လီၢ်+

ဒ်ပှၤယီၢ်တံၢ်လီၤ လီၢ်ဘိလၢ တၢ်အ့ၣ်တၢ်ဆံၣ်တပူၣ် အကျါအသိးလီၤ.

၁၁ ဒ်ပှၤပီၢ်ထံ ယၤထီၣ်အစု လၢအကပီၢ်ထံ အဂီၢ်အသိး

ကစၢ်ယွၤ ကယၤထီၣ်အစု လၢကီၢ်မိၤအး အပှၤဂီၢ်မုၢ်အအိၣ်လီၤ.

ဒီးကစၢ်ယွၤ ကဆီၣ်လီၤ အဝဲသ့ၣ် အတၢ်ပာ်ထီၣ်ထီသး+

ခီဖျိ အကဒဲအဝဲသ့ၣ် လၢအစု ဒီးကဘၣ်ဝဲ လီၤတံၢ်လီၤဆဲးလီၤ.

၁၂ ဒီးဝ့ၢ်လၢ အအိၣ်ဒီး အဒူၣ်လၢအကျၢၤ, အဒူၣ်လၢအထီ ဒီးအဘံၣ်အဘၢန့ၣ်

ကစၢ်ယွၤ ကမၤဟးဂီၤကွံာ်ဝဲလီၤ.