စံးထီၣ်ပတြၢၤ
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၂၀ ဖဲမုၢ်နံၤကီခဲ အဆၢကတီၢ်န့ၣ် မ် ယဟိဝၤယွၤ စံးဆၢနၤတက့ၢ်.
မ်စီၤယၤကိာ် အကစၢ်ယွၤအမံၤ ဒီသဒၢနၤတက့ၢ်.+
၂ ဖဲအအိၣ်လၢ အတၢ်လီၢ်စီဆှံန့ၣ် မ်အဆှၢလီၤန့ၢ်နၤ တၢ်မၤစၢၤတက့ၢ်.+
ဒီးဖဲအအိၣ်လၢ စံယိၣ်န့ၣ် မ်အဒုးအိၣ်ဂၢၢ်အိၣ်ကျၢၤနၤတက့ၢ်.+
၃ မ်အနီၣ်ဘၣ်က့ၤ နတၢ်လုၢ်ခဲလၢာ်
ဒီးမ်အတူၢ်လိာ်* နတၢ်လုၢ်ဒွဲၣ်အူတဖၣ် တက့ၢ်. (စ့လၤ)
၄ မ်အမၤလၢပှဲၤန့ၢ်နၤ တၢ်လၢ နလီကီတဖၣ်+
ဒီးဆိၣ်ဂ့ၤ နတၢ်ကူၣ်ထီၣ်ဖးလီၤ ခဲလၢာ်တက့ၢ်.
၅ ပကကိးပသူထီၣ်လၢ တၢ်သးခုအပူၤလၢ နတၢ်မၤနၢၤတဖၣ်အဃိ+
ဒီးပကယူာ်ထီၣ် တၢ်ပနီၣ်တဖၣ် ဒ်သိးကမၤလၤကပီၤ ပကစၢ်ယွၤအမံၤအဂီၢ်လီၤ.+
မ်ယဟိဝၤယွၤ မၤလၢပှဲၤဝဲ ဒ်တၢ်လၢနဃ့အသိး ခဲလၢာ်တက့ၢ်.
၆ ခဲအံၤ ပသ့ၣ်ညါလၢ ယဟိဝၤယွၤ မၤပူၤဖျဲး အပှၤဒိးဖှူသးတဂၤလီၤ.+
၇ ပှၤတနီၤနီၤန့ၣ် ပာ်ဂံၢ်ပာ်ဘါ လ့ၣ်ကဟၣ် ဒီးကသ့ၣ်တဖၣ်လီၤ.+
မ့မ့ၢ်ပှၤန့ၣ် ပကိးထီၣ် ပကစၢ် ယဟိဝၤယွၤ အမံၤလီၤ.+
၈ အဝဲသ့ၣ် အခီၣ်ကဘၣ်တိၢ် ဒီး ကလီၤဃံၢ်ဝဲလီၤ.
မ့မ့ၢ်ပှၤန့ၣ် ပဂဲၤဆၢထၢၣ် ဒီးဆၢထၢၣ်ကျၢၤကျၢၤလံ.+
၉ အိ ယဟိဝၤယွၤဧၢ, အုၣ်က့ၤခီၣ်က့ၤ စီၤပၤတက့ၢ်.+