၁ ၡမူၤအ့လး
၁၅ စီၤၡမူၤအ့လး တဲဘၣ် စီၤစီလူးလၢ “လၢညါ ယဟိဝၤယွၤ ဆှၢလီၤယၤ ဒ်သိးယကဒိးဖှူနၤ ဒ်စီၤပၤတဂၤအသိး လၢအပှၤဂီၢ်မုၢ် အံၣ်စရ့လး အဂီၢ်လီၤ.+ ခဲအံၤ ယဟိဝၤယွၤ ကတဲမနုၤလဲၣ်န့ၣ် ကနၣ်တက့ၢ်.+ ၂ တၢ်သုးမုၢ်ဂီၢ်မုၢ်အကစၢ် ယဟိဝၤယွၤ တဲဝဲဒ်အံၤ ‘ဖဲပှၤအံၣ်စရ့လးဖိ ဟးထီၣ်လၢ ကီၢ်အဲၤကူပတူးအပူၤအခါ လၢကျဲန့ၣ် ပှၤဧမၤလ့းဖိ ထီဒါအဝဲသ့ၣ်လီၤ. ခီဖျိလၢ ပှၤဧမၤလ့းဖိ မၤဒ်န့ၣ်အဃိ ယကမၤကၣ်က့ၤ အဝဲသ့ၣ်လီၤ.+ ၃ လဲၤခဲအံၤ ဒီးကျီသံကွံာ် ပှၤဧမၤလ့းဖိ+ ဒီးမၤဟးဂီၤကွံာ်အဝဲသ့ၣ်+ ဃုာ်ဒီးတၢ်လၢ အအိၣ်ဒီး အဝဲသ့ၣ် ခဲလၢာ်တက့ၢ်. ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဖိသၣ်မ့ၢ်ဂ့ၤ, ဖိသၣ်အီနုၢ်မ့ၢ်ဂ့ၤ, ကျီၢ်ဖါမ့ၢ်ဂ့ၤ, သိမ့ၢ်ဂ့ၤ, ကီၤလၤအူးမ့ၢ်ဂ့ၤ, ကသ့ၣ်ယီၤမ့ၢ်ဂ့ၤ နတဘၣ်ပာ်မူ အဝဲသ့ၣ်ဘၣ်+ ဒီးနကဘၣ်မၤသံကွံာ် အဝဲသ့ၣ်လီၤ.’”+ ၄ အဃိ စီၤစီလူး ကိးဖှိၣ်ဝဲ ပှၤသုးဖိ ဒီးဂံၢ်ဝဲအဝဲသ့ၣ်ဖဲ တလၤအံၣ် တၢ်လီၢ်လီၤ. ပှၤသုးဖိလၢ ယူဒၤအဒူၣ်အကျါန့ၣ် အိၣ်ဝဲအဂၤ ၁၀,၀၀၀ ဒီးလၢအံၣ်စရ့လးအဒူၣ် အဂၤတဖၣ်အကျါ အိၣ်ဝဲအဂၤ ၂၀၀,၀၀၀ လီၤ.+
၅ စီၤစီလူး လဲၤထီၣ်ပၢၢ်တုၤလၢ ပှၤဧမၤလ့းဖိအဝ့ၢ် ဒီးအိၣ်ခိးခူသူၣ်တၢ် ဘူးဒီး တၢ်တြီၤပူၤလီၤ. ၆ ဒီးစီၤစီလူး တဲဘၣ် ပှၤက့ၣ်ဖိလၢ+ “ဖဲပှၤအံၣ်စရ့လးဖိ ဟးထီၣ်လၢ ကီၢ်အဲၤကူပတူးအပူၤအခါ မ့ၢ်လၢ သုပာ်ဖျါထီၣ် တၢ်အဲၣ်လၢအတီ လၢအဝဲသ့ၣ် အဖီခိၣ်အဃိ+ ဒ်သိး ယသုတမၤဟးဂီၤသု ဃုာ်ဒီး ပှၤဧမၤလ့းဖိ တဂ့ၤအဂီၢ် ဟးထီၣ်ကွံာ်လၢ ပှၤဧမၤလ့းဖိအကျါ တက့ၢ်.”+ အဃိ ပှၤက့ၣ်ဖိ ဟးထီၣ်ကွံာ်လၢ ပှၤဧမၤလ့းဖိ အကျါလီၤ. ၇ ဒီးစီၤစီလူး ကျီသံကွံာ် ပှၤဧမၤလ့းဖိ+ စးထီၣ်လၢ ဃဝံၤလၤ+ ပၢၢ်တုၤလၢၡူၢ်+ လၢအအိၣ်ဘူးဒီး ကီၢ်အဲၤကူပတူးလီၤ. ၈ ဒီးအဝဲ ဖီၣ်မူဒံး ပှၤဧမၤလ့းဖိ အစီၤပၤ စီၤအၤကးလီၤ.+ မ့မ့ၢ် ပှၤအဂၤတဖၣ်န့ၣ် အဝဲမၤဟးဂီၤကွံာ်ဝဲ လၢနးခဲလၢာ်လီၤ.+ ၉ ဘၣ်ဆၣ် စီၤစီလူး ဒီးအပှၤသုးဖိ ပာ်မူဒံးဝဲ စီၤအၤကး, သိဒီးကျီၢ်လၢအဂ့ၤကတၢၢ်တဖၣ်, ဆၣ်ဖိကီၢ်ဖိ လၢအဘီၣ်အသိ, သိဖါတဖၣ် ဒီးဟံးန့ၢ်ဝဲ တၢ်လၢအဂ့ၤခဲလၢာ်လီၤ.+ အဝဲသ့ၣ် တအဲၣ်ဒိး မၤဟးဂီၤကွံာ် တၢ်သ့ၣ်တဖၣ်န့ၣ်ဘၣ်. မ့မ့ၢ်တၢ်လၢ အဘျုးတအိၣ်ဘၣ် ဒီးလၢပှၤတလီကီဝဲဘၣ်တဖၣ်န့ၣ် အဝဲသ့ၣ် မၤဟးဂီၤကွံာ်ဝဲ ခဲလၢာ်လီၤ.
၁၀ ဒီးယဟိဝၤယွၤ တဲဘၣ် စီၤၡမူၤအ့လးလၢ ၁၁ “စီၤစီလူး ဃၣ်ကွံာ်အသး ဒီးအတမၤထွဲ ယတၢ်ကတိၤဘၣ်. အဃိ ယဒုးကဲထီၣ်အီၤလၢ စီၤပၤန့ၣ် ယသးတမုာ်လၢၤဘၣ်.”+ စီၤၡမူၤအ့လး သူၣ်ကိၢ်သးဂီၤနးမး ဒီးအဃ့ဘါထုကဖၣ်သပှၢ်ပှၢ် လၢယဟိဝၤယွၤအအိၣ် ဒီတနၤကျၢၤလီၤ.+ ၁၂ ဒီးစီၤၡမူၤအ့လး ဂဲၤဆၢထၢၣ် ဂီၤဂီၤ ဒ်သိးအကလဲၤ ထံၣ်လိာ်သးဒီး စီၤစီလူးအဂီၢ်လီၤ. ဘၣ်ဆၣ် ပှၤတဲဘၣ် စီၤၡမူၤအ့လးလၢ “စီၤစီလူးလဲၤလၢ ဝ့ၢ်ကၢ်မ့ၤလး+ ဒီးသူၣ်ထီၣ် တၢ်သ့ၣ်နီၣ်အလၢၢ်ထူၣ်တထူၣ်လၢ အနီၢ်ကစၢ်အဂီၢ်+ ဝံၤဒီး အဝဲဃၣ်ဃီၤအသး ဒီးလဲၤလီၤဝဲလၢ ဝ့ၢ်ကံးလကၤလးလီၤ.” ၁၃ ဖဲစီၤၡမူၤအ့လး လဲၤတုၤလၢ စီၤစီလူးအအိၣ်အခါ စီၤစီလူးတဲအီၤလၢ “မ်ယဟိဝၤယွၤ ဆိၣ်ဂ့ၤနၤတက့ၢ်. ယမၤဒ် ယဟိဝၤယွၤ မၤလိာ်ပာ်စၢၤယၤ အသိးလီၤ.” ၁၄ ဘၣ်ဆၣ် စီၤၡမူၤအ့လး တဲဝဲလၢ “မ့မ့ၢ်ဒ်န့ၣ် ဘၣ်မနုၤအဃိ ယနၢ်ဟူ သိကိး ကျီၢ်ကိး လၢယနၢ်ပူၤလဲၣ်.”+ ၁၅ ဒီးစီၤစီလူးတဲဝဲလၢ “မ့ၢ်လၢ ပှၤသုးဖိတဖၣ် ပာ်မူဒံးဝဲ သိဒီးကျီၢ်လၢ အဂ့ၤကတၢၢ် ဒ်သိးကလုၢ်ထီၣ်အီၤ လၢနကစၢ်ယဟိဝၤယွၤ အအိၣ်အဃိ အဝဲသ့ၣ် ဟံးန့ၢ်အီၤလၢ ပှၤဧမၤလ့းဖိအအိၣ်လီၤ. မ့မ့ၢ် တၢ်လၢအဂၤတဖၣ်န့ၣ် ပမၤဟးဂီၤကွံာ်အီၤလီၤ.” ၁၆ ဖဲန့ၣ်န့ၣ် စီၤၡမူၤအ့လး တဲဘၣ် စီၤစီလူးလၢ “တဲလၢၤတဂ့ၤ. တၢ်လၢ ယဟိဝၤယွၤ တဲဘၣ်ယၤ ဖဲမနၤကၢာ်န့ၣ် ယကတဲဘၣ်နၤ.”+ အဃိ စီၤစီလူး တဲအီၤလၢ “တဲတထံၣ်.”
၁၇ စီၤၡမူၤအ့လး တဲဝဲလၢ “ဖဲနဘၣ်တၢ်ပာ်ထီၣ်နၤလၢ အံၣ်စရ့လး အဒူၣ်တဖၣ်အခိၣ် ဒီးဖဲယဟိဝၤယွၤ ဒိးဖှူနၤ ဒ်စီၤပၤတဂၤအသိးလၢ အံၣ်စရ့လးအဂီၢ်အခါ+ နထံၣ်လီၤနသးလၢ နမ့ၢ်ပှၤလၢအရ့တဒိၣ်ဘၣ်တဂၤ တမ့ၢ်ဧီၤ.+ ၁၈ လၢခံ ယဟိဝၤယွၤ မၢလီၤနၤ ဒီးတဲနၤလၢ ‘လဲၤမၤဟးဂီၤကွံာ် ပှၤတၢ်ဒဲးဘးဖိ လၢအမ့ၢ် ပှၤဧမၤလ့းဖိ+ ဒီးဒုးအဝဲသ့ၣ် တုၤလၢ နမၤသံကွံာ် အဝဲသ့ၣ် လၢာ်လၢာ်ဆ့ဆ့ တက့ၢ်.’+ ၁၉ ဘၣ်ဆၣ် ဘၣ်မနုၤအဃိ နတဒိကနၣ် ယဟိဝၤယွၤ အကလုၢ်လဲၣ်. လၢတၢ်သးကွံအပူၤ နကရီလဲၤဆူ တၢ်လၢအဝဲသ့ၣ် မၤန့ၢ်ဝဲလၢ အဒုၣ်အဒါအအိၣ်+ ဒီးနမၤတၢ်လၢ ယဟိဝၤယွၤ ထံၣ်ဝဲလၢအအၢလီၤ.”
၂၀ သနာ်က့ စီၤစီလူး တဲဘၣ် စီၤၡမူၤအ့လးလၢ “ဘၣ်ဆၣ် ယဒိကနၣ် ယဟိဝၤယွၤ အကလုၢ်လီၤမၢၤ. ဒ်ယဟိဝၤယွၤ မၢလီၤယၤအသိးန့ၣ် ယလဲၤ ဒီးယဟဲက့ၤစိာ် ပှၤဧမၤလ့းဖိ အစီၤပၤ စီၤအၤကး ဒီးယမၤဟးဂီၤကွံာ် ပှၤဧမၤလ့းဖိတဖၣ်လီၤမၢၤ.+ ၂၁ ဘၣ်ဆၣ် ဒ်သိး ပှၤဂီၢ်မုၢ် ကလုၢ်ထီၣ်တၢ်လၢ နကစၢ် ယဟိဝၤယွၤအအိၣ် လၢဝ့ၢ်ကံးလကၤလးအဂီၢ် အဝဲသ့ၣ် ဟံးန့ၢ်ဝဲ သိဒီးကျီၢ်တဖၣ် ဒ်အမ့ၢ် တၢ်အဂ့ၤကတၢၢ်လၢ တၢ်လၢအကဘၣ် တၢ်မၤဟးဂီၤကွံာ်အီၤတဖၣ် အကျါလီၤ.”+
၂၂ ဒီးစီၤၡမူၤအ့လး တဲဝဲလၢ “မ့ၢ်ယဟိဝၤယွၤ ကဘၣ်သူၣ်ဘၣ်သး တၢ်လုၢ်ဒွဲၣ်အူဒီး တၢ်လုၢ်တၢ်ပာ်တဖၣ်+ ထဲသိးဒီး ယဟိဝၤယွၤ ဘၣ်သူၣ်ဘၣ်သး တၢ်ဒိကနၣ် အကလုၢ်ဧါ. ကနၣ်လၢအံၤ, တၢ်ဒိကနၣ်န့ၣ် ဂ့ၤဒိၣ်န့ၢ်ဒံး တၢ်လုၢ်တၢ်ပာ်ဒံး+ ဒီးတၢ်ဒိကနၣ်တၢ် လီၤတံၢ်လီၤဆဲးန့ၣ် ဂ့ၤဒိၣ်န့ၢ်ဒံး သိဖါအသိလီၤ.+ ၂၃ မ့မ့ၢ်တၢ်တဒိကနၣ်တၢ်ဘၣ်န့ၣ် အၢဝဲထဲသိးဒီး တၢ်ဝံတၢ်နါ အတၢ်ဖံးတၢ်မၤတဖၣ်လီၤ. ဒီးပှၤမ့ၢ်မၤဖဲအသး လၢတၢ်ပာ်ထီၣ်ထီသး အပူၤန့ၣ်+ အအၢဝဲထဲသိးဒီး တၢ်အူတၢ်သမူတၢ်+ ဒီးတၢ်ဘူၣ်ထီၣ်ဘါထီၣ် တၢ်ဂီၤတၢ်ဖှီၣ်လီၤ. မ့ၢ်လၢ နတဒိကနၣ် ယဟိဝၤယွၤ အကလုၢ်ဘၣ်အဃိ+ အဝဲစူးကွံာ်ညိကွံာ်နၤလၢ စီၤပၤအလီၢ်လံ.”+
၂၄ စီၤစီလူး တဲဘၣ် စီၤၡမူၤအ့လးလၢ “ယမၤဘၣ်တၢ်ဒဲးဘးလံ. မ့ၢ်လၢ ယပျံၤပှၤဂီၢ်မုၢ် ဒီးဒိကနၣ်အဝဲသ့ၣ်အဃိ ယလုၢ်သ့ၣ်ခါပတာ် ယဟိဝၤယွၤ အတၢ်မၤလိာ် ဒီးနကလုၢ်လံ. ၂၅ ခဲအံၤ ဝံသးစူၤ ပျၢ်ယတၢ်ကမၣ်မီၤ. ဒ်သိးယကဘါထီၣ် ယဟိဝၤယွၤအဂီၢ် ဟဲက့ၤပိာ်ယခံတက့ၢ်.”+ ၂၆ ဘၣ်ဆၣ် စီၤၡမူၤအ့လး တဲဘၣ် စီၤစီလူးလၢ “ယတက့ၤပိာ်နခံလၢၤဘၣ်. နတဒိကနၣ် ယဟိဝၤယွၤ အကလုၢ်ဘၣ်အဃိ ယဟိဝၤယွၤ စူးကွံာ်ညိကွံာ်နၤလၢ စီၤပၤအလီၢ် လၢပှၤအံၣ်စရ့လးဖိ အဖီခိၣ်လံ.”+ ၂၇ ဖဲစီၤၡမူၤအ့လး ဃၣ်အသး ဒ်သိးအကက့ၤဝဲအခါ စီၤစီလူး ဖ့ၣ်ထုးဝဲ စီၤၡမူၤအ့လး အဆ့ကၤလၢ အစုဒုၣ်တအိၣ်ဘၣ်တဘ့ၣ်န့ၣ် ဘၣ်ဆၣ် ဆ့ကၤန့ၣ် ညာ်ကွံာ်ဝဲလီၤ. ၂၈ စီၤၡမူၤအ့လး တဲအီၤလၢ “ဒ်န့ၣ်အသိး တနံၤအံၤ ယဟိဝၤယွၤ ထုးကွံာ်ဝဲ* အံၣ်စရ့လး အဘီအမုၢ် လၢနအိၣ်လံ. ဒီးအကဟ့ၣ်လီၤဝဲလၢ နသကိးတဂၤလၢ အဂ့ၤဒိၣ်န့ၢ်ဒံးနၤ အအိၣ်လီၤ.+ ၂၉ အံၣ်စရ့လး အကစၢ်ယွၤလၢ အလၤကပီၤဒိၣ်တဂၤန့ၣ်+ တလံၣ်တၢ်လီတၢ်ဘၣ်+ ဒီးတပီၢ်ယၢ်လီၤက့ၤအသးဘၣ်. အဝဲတမ့ၢ် ပှၤကညီတဂၤ လၢအကဘၣ် ပီၢ်ယၢ်လီၤက့ၤအသးဘၣ်.”+
၃၀ စီၤစီလူး တဲဝဲလၢ “ယမၤဘၣ် တၢ်ဒဲးဘးလံ. ဘၣ်ဆၣ် ဝံသးစူၤ မၤလၤကပီၤယၤလၢ ယပှၤဂီၢ်မုၢ် အပှၤသူၣ်က့သးပှၢ်တဖၣ် ဒီးအံၣ်စရ့လး အမဲာ်ညါ တက့ၢ်. ဟဲက့ၤပိာ်ယခံ ဒီးယကဘူၣ်ထီၣ်ဘါထီၣ် နကစၢ် ယဟိဝၤယွၤလီၤ.”+ ၃၁ အဃိ စီၤၡမူၤအ့လး က့ၤဝဲလၢ စီၤစီလူး အလီၢ်ခံ ဒီးစီၤစီလူး ဘါထီၣ် ယဟိဝၤယွၤလီၤ. ၃၂ ဒီးစီၤၡမူၤအ့လး တဲဝဲလၢ “ဟဲကိး ပှၤဧမၤလ့းဖိအစီၤပၤ စီၤအၤကး လၢယအိၣ်တက့ၢ်.” ဒီးစီၤအၤကးလဲၤလၢ အအိၣ်လၢ တၢ်ကနိးကစုာ်အပူၤလီၤ. အနီၢ်ကီၢ်န့ၣ် လၢညါ စီၤအၤကး ဆိကမိၣ်လီၤ ပာ်စၢၤအသးလၢ ‘ယတလိၣ်ပျံၤလၢ ပှၤကမၤသံယၤလၢၤဘၣ်.’ ၃၃ ဘၣ်ဆၣ် စီၤၡမူၤအ့လး တဲဝဲလၢ “ဒ်ပိာ်မုၣ်တဖၣ် ဘၣ်အိၣ်သယုၢ် ခီဖျိလၢ နမၤသံအဝဲသ့ၣ် အဖိလၢနနးအဃိအသိး ခဲအံၤ နမိၢ်စ့ၢ်ကီး ကကဲထီၣ် ပိာ်မုၣ်လၢ အဘၣ်အိၣ်သယုၢ် အဒိၣ်ကတၢၢ်တဂၤလီၤ.” ဒီးစီၤၡမူၤအ့လး ဒီၣ်တဲာ်ကွံာ် စီၤအၤကး တကူာ်တကူာ် လၢယဟိဝၤယွၤ အမဲာ်ညါလၢ ဝ့ၢ်ကံးလကၤလးလီၤ.+
၃၄ စီၤၡမူၤအ့လး က့ၤကဒါက့ၤလၢ ဝ့ၢ်ရၤမါ ဒီးစီၤစီလူး က့ၤကဒါက့ၤလၢ အနီၢ်ကစၢ်အဟံၣ် လၢဝ့ၢ်ကံဘဧၤ လၢအမ့ၢ် စီၤစီလူးအဝ့ၢ်လီၤ. ၃၅ ဒီးစီၤၡမူၤအ့လး သူၣ်အုးသးအုး လၢစီၤစီလူးအဃိလီၤ. တုၤလၢ စီၤၡမူၤအ့လး သံတစုန့ၣ် အတထံၣ်ဘၣ် စီၤစီလူးနီတဘျီလၢၤဘၣ်.+ ယဟိဝၤယွၤအသးတမုာ်လၢၤဘၣ် လၢအဒုးကဲထီၣ် စီၤစီလူးလၢစီၤပၤ လၢအံၣ်စရ့လး အဖီခိၣ်အဃိလီၤ.+