ယံးရမံယၤ
၂၀ ဖဲဝံယံးရမံယၤ တဲဝံအတၢ်စံးပာ်တဖၣ်န့ၣ်အခါ စီၤအံးမ့ၢ်အဖိခွါ စီၤပးၡဃူၢ် ဒိကနၣ်ဝဲလီၤ. စီၤပးၡဃူၢ်န့ၣ် မ့ၢ်ဝဲ ပှၤလုၢ်တၢ်ဒိၣ် ဒီးမ့ၢ်စ့ၢ်ကီး ပှၤကွၢ်ထွဲတၢ်တဖၣ်အခိၣ် လၢယဟိဝၤယွၤ အတၢ်လုၢ်ဟံၣ် အပူၤလီၤ. ၂ ဒီးစီၤပးၡဃူၢ် တီၢ်ဝဲဝံယံးရမံယၤ ဒီးကျီၤတံၢ်ဃာ်အီၤလၢ သ့ၣ်ကျီၤ+ လၢဘံၣ်ယၤမံၣ်အတြဲၤ လၢထးခီတတီၤလၢ အဘူးဒီး ယဟိဝၤယွၤ အတၢ်လုၢ်ဟံၣ်လီၤ. ၃ ဘၣ်ဆၣ် လၢခံတသီ ဖဲစီၤပးၡဃူၢ် ပျၢ်ကွံာ် ဝံယံးရမံယၤ လၢသ့ၣ်ကျီၤအခါ ဝံယံးရမံယၤ တဲအီၤလၢ
“ယဟိဝၤယွၤ တကိးနမံၤလၢ စီၤပးၡဃူၢ်လၢၤဘၣ်. အဝဲ ကိးက့ၤနမံၤလၢ တၢ်လီၤပျံၤလီၤဖုးဝးဝးလီၤ.+ ၄ ယဟိဝၤယွၤ တဲဝဲလၢ ‘ယကမၤဒ်သိး နၤဒီးနသကိးတဖၣ် ကပျံၤတၢ် ခီဖျိ တၢ်လၢအကဲထီၣ်သးဒီးနၤအဃိ ဒီးနသကိးတဖၣ်န့ၣ် ကသံလၢ အဝဲသ့ၣ် အဒုၣ်အဒါတဖၣ်အနး ဒီးနကထံၣ်ဘၣ်လၢ နမဲာ်လီၤ.+ ဒီးယကဟ့ၣ်လီၤ ယူဒၤအပှၤဂီၢ်မုၢ်ခဲလၢာ်လၢ ဘၤဘူၤလိၣ် အစီၤပၤအစုပူၤ ဒီးအဝဲကက့ၤဖီၣ် အဝဲသ့ၣ်တနီၤလၢ ဘၤဘူၤလိၣ် ဒီးမၤသံ အဝဲသ့ၣ်တနီၤလၢနးလီၤ.+ ၅ ဒီးဝ့ၢ်အတၢ်ထူးတၢ်တီၤမ့ၢ်ဂ့ၤ, အတၢ်စုလီၢ်ခီၣ်ခိၣ်မ့ၢ်ဂ့ၤ, အတၢ်လုၢ်ဒိၣ်ပှ့ၤဒိၣ်မ့ၢ်ဂ့ၤ ဒီးယူဒၤအစီၤပၤ အတၢ်လုၢ်ဒိၣ်ပှ့ၤဒိၣ်မ့ၢ်ဂ့ၤ ယကဟ့ၣ်လီၤကွံာ်လၢ အဝဲသ့ၣ် အဒုၣ်အဒါတဖၣ် အစုပူၤခဲလၢာ်လီၤ.+ ဒီးဒုၣ်ဒါတဖၣ်န့ၣ် ကဂုာ်န့ၢ်ဆူၣ်ဝဲ တၢ်ဖိတၢ်လံၤတဖၣ်န့ၣ်, ဟံးန့ၢ်ဝဲ ဒီးက့ၤစိာ်ဝဲလၢ ဘၤဘူၤလိၣ်လီၤ.+ ၆ စီၤပးၡဃူၢ်ဧၢ, မ့မ့ၢ်နၤ ဒီးပှၤလၢအအိၣ်လၢ နဟံၣ်ပူၤခဲလၢာ်န့ၣ် ပှၤကက့ၤဖီၣ်သုလီၤ. သုကဘၣ်လဲၤလၢ ဘၤဘူၤလိၣ် ဒီးသုကသံ ဖဲန့ၣ်လီၤ. နၤမ့ၢ်ဂ့ၤ, နသကိးမ့ၢ်ဂ့ၤ သုကဘၣ် တၢ်ခူၣ်လီၤသုဖဲန့ၣ် မ့ၢ်လၢ နတဲဘၣ်အဝဲသ့ၣ်လၢ ဝံအတၢ်စံးပာ်လၢ အတမ့ၢ်တတီဘၣ်တဖၣ် အဃိလီၤ.’”+
၇ အိ ယဟိဝၤယွၤဧၢ, နဒုးကမၢကမၣ်ယၤ ဒီးယကမၢကမၣ်ညါ.
နသူနစိနကမီၤလၢ ယဖီခိၣ် ဒီးနမၤနၢၤတၢ်လီၤ.+
ပှၤနံၤဘၣ်ယၤ ဒီနံၤညါ
ဒီးပှၤတဲဆါယၤ ကိးဂၤဒဲးလီၤ.+
၈ ဖဲယတဲတၢ် တဘျီဂ့ၤတဘျီဂ့ၤန့ၣ် ယဘၣ်ကိးထီၣ် ဒီးတဲဖျါထီၣ်လၢ
“တၢ်မၤဆူၣ်မၤစိး ဒီးတၢ်မၤဟးဂီၤလီၤ.”
အဃိ ယဟိဝၤယွၤ အတၢ်ကတိၤတဖၣ် ကဲထီၣ်တၢ်တဲဆါ ဒီးတၢ်တဲဆဲးအဲး လၢယဂီၢ် ဒီတနံၤညါလီၤ.+
၉ အဃိ ယတဲလီၤယသးလၢ “ယတယၢၤထီၣ် ကစၢ်ယွၤ အဂ့ၢ်လၢၤဘၣ်.
ဒီးယတတဲတၢ်လၢ အမံၤ အပူၤလၢၤဘၣ်.”+
ဘၣ်ဆၣ် အကလုၢ်ကထါန့ၣ် ကဲထီၣ်ဒ်သိးဒီး မ့ၣ်အူလၢ အအီၣ်တၢ်လၢယသးပူၤ ဒီးမ့ၣ်အူလၢ အကးတံာ် ဃာ်သးလၢ ယဃံပူၤ
အဃိ ယတူၢ်တပှဲၤလၢၤဘၣ်
ဒီးယအိၣ်ဘှ့ၣ် တကဲလၢၤဘၣ်.+
၁၀ ယနၢ်ဟူဘၣ် တၢ်ကစီၣ်လၢ အအၢအသီအါမံၤ
ဒီးတၢ်လၢ အလီၤပျံၤလီၤဖုး အိၣ်ဝးတရံးယၤလီၤ.+
အဝဲသ့ၣ် တဲဝဲလၢ “ပကပာ်တၢ်ကမၣ်လၢအလိၤ. ပပာ်တၢ်ကမၣ်လၢအလိၤဟီ.”
ပှၤလၢ အပာ်မၤသးလၢ အအိၣ်ဃူဒီးယၤ ကိးဂၤဒဲးန့ၣ် ခိးကွၢ်ဝဲလၢ ယကမၤတၢ်ကမၣ် တမံၤမံၤအဂီၢ်လီၤ.+
အဝဲသ့ၣ် တဲဝဲလၢ “ဘၣ်သ့ၣ်သ့ၣ် အဝဲကမၤကြီဘၣ် တၢ်တမံၤမံၤ
ဒီးပကမၤနၢၤတၢ် ဒီးပကမၤကၣ်ဘၣ်က့ၤအီၤလီၤ.”
၁၁ ဘၣ်ဆၣ် ယဟိဝၤယွၤ အိၣ်ဒီးယၤ လီၤဂာ်ဒ်ပှၤဒူပှၤဃိၤလၢ အ လီၤပျံၤလီၤဖုးတဂၤ အသိးလီၤ.+
အဃိ ပှၤလၢ အမၤအၢမၤနးယၤန့ၣ် ကလီၤဃံၢ် ဒီးတမၤနၢၤတၢ်ဘၣ်.+
အဝဲသ့ၣ် အတၢ်ဂုာ်ကျဲးစၢးန့ၣ် တကဲထီၣ်လိၣ်ထီၣ်ဘၣ်အဃိ အဝဲသ့ၣ် ကဒိးန့ၢ်ဘၣ် တၢ်မဲာ်ဆှးဖးဒိၣ်
ဒီးအဝဲသ့ၣ် အတၢ်မဲာ်ဆှး လီၤထူ လီၤယိာ်န့ၣ် ပှၤတသးပ့ၤနီၣ်အီၤ နီတဘျီလၢၤဘၣ်.+
၁၂ တၢ်သုးမုၢ်ဂီၢ်မုၢ် အကစၢ် ယဟိဝၤယွၤဧၢ, နသမံသမိး ပှၤတီပှၤလိၤ ဒီးနထံၣ်ပှၤသူၣ်ပှၤသး
၁၃ သးဝံၣ်ထီၣ် ယဟိဝၤယွၤတက့ၢ်. စံးထီၣ်ပတြၢၤ ယဟိဝၤယွၤတက့ၢ်.
အဝဲ မၤပူၤဖျဲး ပှၤဖှီၣ်ဖိယာ်ဖိလၢ ပှၤမၤအၢမၤသီတၢ်တဖၣ် အစုပူၤလီၤ.
၁၄ ယမ့ၢ်တအိၣ်ဖျဲၣ်ထီၣ်ဘၣ်န့ၣ် ဂ့ၤကတၢၢ်လီၤ.
ယမိ မ့ၢ်တအိၣ်ဖျဲၣ်ထီၣ်ယၤဘၣ်န့ၣ် ဂ့ၤကတၢၢ်လီၤ.+
၁၅ ပှၤတဂၤလၢ အဟဲတဲဘၣ်ယပါ တၢ်သးခုကစီၣ်လၢ
“နဖိ အိၣ်ဖျဲၣ်ထီၣ်လံ. အကဲပိာ်ခွါ”
ဒီးမၤသးခုယပါအသး ဒိၣ်ဒိၣ်န့ၣ် ဘၣ်ဆိၣ်အၢလီၤ.
၁၆ မ်ပှၤတဂၤန့ၣ် ကဲထီၣ်ဒ် ဝ့ၢ်တဖၣ်လၢ ယဟိဝၤယွၤ မၤဟးဂီၤအီၤ ဒီးတသးအုးက့ၤလၢ အဃိဘၣ်တက့ၢ်.
မ်အဝဲ နၢ်ဟူဘၣ် တၢ်ကိးပသူထီၣ်လၢ ဂီၤခီ ဒီးတၢ်ဒုး အတၢ်ကိးပသူလၢ မုၢ်ထူၣ်အကတီၢ် တက့ၢ်.
၁၇ ဘၣ်မနုၤအဃိ အဝဲ တမၤသံယၤ ဖဲယအိၣ်ဒံးလၢ ယမိအဒၢလီၢ်ပူၤဘၣ်လဲၣ်.
အဝဲ မ့ၢ်မၤဒ်န့ၣ်န့ၣ် ယမိအဒၢလီၢ် ကကဲထီၣ် ယသွၣ်ခိၣ်
ဒီးယတအိၣ်ဖျဲၣ်ထီၣ်ဘၣ် နီတဘျီဘၣ်.+
၁၈ ဘၣ်မနုၤအဃိ ယဘၣ်ဟဲထီၣ်လၢ ယမိအဒၢလီၢ်ပူၤ
ဒ်သိး ယကထံၣ်ဘၣ် တၢ်ကိၢ်တၢ်ဂီၤ, တၢ်သူၣ်အုးသးအုး
ဒီးဒ်သိး ယသးသမူ ကကတၢၢ်ကွံာ် လၢတၢ်မဲာ်ဆှးအပူၤလဲၣ်.+