၁ ကရံၣ်သူး
၁၃ ယမ့ၢ်တဲတၢ်လၢ ပှၤဟီၣ်ခိၣ်ဖိအကျိာ် အကလုာ်ကလုာ် ဒီးမူခိၣ်ကလူးအကျိာ် သနာ်က့ ယတၢ်အဲၣ်တၢ်ကွံ မ့ၢ်တအိၣ်ဘၣ်န့ၣ် ယကလီၤဂာ်ဒ် မိၤလၢအသီၣ်ဝဲ ကုၤလုၤလုၤ မ့တမ့ၢ် ဒ်စှၢၣ်စှံးလၢ အသီၣ်ဝဲ ခြၣ်ခြၣ်အသိးလီၤ. ၂ ယမ့ၢ်ဒိးန့ၢ်ဘၣ် တၢ်ဟ့ၣ်လၢ ယကတဲတၢ်ဒ်ဝံအသိးဒီး ယမ့ၢ်နၢ်ပၢၢ်ကယဲၢ် တၢ်ခူသူၣ်စီဆှံတဖၣ်ဒီး ယမ့ၢ်အိၣ်ဒီး တၢ်သ့ၣ်ညါနၢ်ပၢၢ် လၢာ်လၢာ်ဆ့ဆ့+ ဒီးယမ့ၢ်အိၣ်ဒီး တၢ်နာ်လၢ ယကသုးကွံာ် ကစၢၢ်ကလိတဖၣ်သနာ်က့ ယတၢ်အဲၣ်တၢ်ကွံ မ့ၢ်တအိၣ်ဘၣ်န့ၣ် ယမ့ၢ်ဒၣ် တၢ်ကလီကလီလီၤ.+ ၃ ဒီးယမ့ၢ်ဟ့ၣ်လီၤကွံာ် တၢ်လၢအအိၣ်ဒီးယၤခဲလၢာ် ဒ်သိးယကဒုးအီၣ်ပှၤဂၤအဂီၢ်+ ဒီးယမ့ၢ်ဟ့ၣ်လီၤကွံာ် ယသးသမူ* ဒ်သိးယကပာ်ကဖၢလၢ ယသးအဂီၢ် သနာ်က့ ယတၢ်အဲၣ်တၢ်ကွံ မ့ၢ်တအိၣ်ဘၣ်န့ၣ်+ အတကဲဘျုးလၢ ယဂီၢ်နီတမံၤဘၣ်.
၄ တၢ်အဲၣ်တၢ်ကွံန့ၣ်+ ဝံသးစူၤတၢ်+ ဒီးအသူၣ်ဂ့ၤသးဝါလီၤ.+ ဒီးတၢ်အဲၣ်တၢ်ကွံန့ၣ် တသူၣ်က့ၣ်သးကါတၢ်ဘၣ်,+ တပတြၢၤလီၤအသးဘၣ်, တပာ်ထီၣ်ထီအသးဘၣ်,+ ၅ တအိၣ်ဒီးလုၢ်လၢ်လၢ အလီၤရၢၢ်လီၤစၢၢ်ဘၣ်,+ တဃုအနီၢ်ကစၢ်အဘျုးဘၣ်,+ တသးဒိၣ်ထီၣ်တၢ်ညီညီဘၣ်,+ တစၢဃာ်တၢ်ကမၣ်ဘၣ်.+ ၆ တၢ်အဲၣ်တၢ်ကွံန့ၣ် တသးခုလၢ တၢ်တတီတလိၤအပူၤဘၣ်.+ အသးခုလၢ တၢ်မ့ၢ်တၢ်တီအပူၤလီၤ. ၇ တၢ်အဲၣ်တၢ်ကွံန့ၣ် လဲၤခီဖျိတၢ်ခဲလၢာ်,+ နာ်တၢ်ခဲလၢာ်,+ မုၢ်လၢ်တၢ်ခဲလၢာ်+ ဒီးတူၢ်တၢ်ခဲလၢာ်လီၤ.+
၈ တၢ်အဲၣ်တၢ်ကွံန့ၣ် တလီၤတူာ်လီၤကာ်* နီတဘျီဘၣ်. မ့မ့ၢ် တၢ်ဟ့ၣ်လၢအမ့ၢ် တဲတၢ်ဒ်ဝံအသိးမ့ၢ်ဂ့ၤ, တဲတၢ်လၢ ကျိာ်အဂၤတဖၣ်မ့ၢ်ဂ့ၤ, တၢ်သ့ၣ်ညါနၢ်ပၢၢ်မ့ၢ်ဂ့ၤ တၢ်သ့ၣ်တဖၣ်အံၤ ကလီၤမၢ်ကွံာ်လီၤ. ၉ ပတၢ်သ့ၣ်ညါန့ၣ် တအိၣ်လၢလၢပှဲၤပှဲၤဘၣ်+ ဒီးပတဲတၢ်ဒ်ဝံအသိး တသ့လၢလၢပှဲၤပှဲၤဘၣ်. ၁၀ ဘၣ်ဆၣ် ဖဲတၢ်လၢအလၢအပှဲၤ ဟဲတုၤအခါ တၢ်လၢအတလၢတပှဲၤဘၣ်န့ၣ် ကလီၤမၢ်ကွံာ်ဝဲလီၤ. ၁၁ ဖဲယမ့ၢ်ဒံးဖိသၣ်အခါ ယတဲတၢ် ဒ်ဖိသၣ်အသိး, ယဆိကမိၣ်တၢ် ဒ်ဖိသၣ်အသိး ဒီးယထိၣ်ထံစီၤထံတၢ် ဒ်ဖိသၣ်အသိးလီၤ. ဘၣ်ဆၣ်ခဲအံၤ ယဒိၣ်တုာ်ခိၣ်ပှဲၤလံအဃိ ယမၤလီၤမၢ်ကွံာ် ယလုၢ်ယလၢ်လၢ အလီၤဂာ်ဒ်ဖိသၣ် အသိးလီၤ. ၁၂ ဆၢကတီၢ်ခဲအံၤ ပကွၢ်တၢ်ဖျါကဒုကဒု လီၤဂာ်ဒ်ပကွၢ်လီၤ မဲာ်ထံကလၤ လၢအဘၣ်တၢ်တ့အီၤလၢ ထးအသိးလီၤ. ဘၣ်ဆၣ် ဖဲဆၢကတီၢ်အဝဲန့ၣ် ပကထံၣ်တၢ်ၡဲၡဲ ဒ်ပကွၢ်လိာ်သး မဲာ်သကိးမဲာ်အသိးလီၤ. ခဲအံၤ ယတၢ်သ့ၣ်ညါ တအိၣ်လၢလၢပှဲၤပှဲၤဘၣ်. မ့မ့ၢ် ဖဲဆၢကတီၢ်အဝဲန့ၣ် ယကသ့ၣ်ညါတၢ် လီၤတံၢ်လီၤဆဲး ဒ်ကစၢ်ယွၤ သ့ၣ်ညါယၤ လီၤတံၢ်လီၤဆဲးအသိးလီၤ. ၁၃ တၢ်သၢမံၤ လၢအမ့ၢ်ဝဲ တၢ်စူၢ်တၢ်နာ်, တၢ်မုၢ်လၢ် ဒီးတၢ်အဲၣ်တၢ်ကွံန့ၣ် ကဆဲးအိၣ်ဒံးလီၤ. ဒီးလၢတၢ်သ့ၣ်တဖၣ်အံၤ အကျါန့ၣ် တၢ်အဲၣ်တၢ်ကွံ မ့ၢ်တၢ်လၢ အရ့ဒိၣ်ကတၢၢ်လီၤ.+