တၢ်သံကွၢ် ၃
ပှၤလၢအဒုးအိၣ်ထီၣ် လံာ်စီဆှံန့ၣ် မ့ၢ်မတဂၤလဲၣ်
“စီၤမိၤၡ့ကွဲးလီၤ ယဟိဝၤယွၤ အတၢ်ကတိၤတဖၣ် ခဲလၢာ်လီၤ.”
“စီၤဒၤနံးယ့လး မံမီၢ်တၢ် ဒီးထံၣ်တၢ်ထံၣ်လၢညါခီတဖၣ် ဖဲအမံနီၤလၢ အလီၢ်မံခိၣ် အခါလီၤ. ဒီးအဝဲ ကွဲးလီၤဝဲ အတၢ်မံမီၢ် ဒီးကွဲးနီၣ်ဃာ်ဝဲ တၢ်ဂ့ၢ်တၢ်ကျိၤတဖၣ်န့ၣ် ခဲလၢာ်ခဲဆ့လီၤ.”
“ဖဲသုဒိးန့ၢ်ဘၣ် ကစၢ်ယွၤ အကလုၢ်ကထါလၢ သုနၢ်ဟူဘၣ်အီၤလၢ ပအိၣ်အခါ သုတူၢ်လိာ်အီၤ ဒ်တၢ်လၢအမ့ၢ် တၢ်အနီၢ်ကီၢ်အသိး လၢအမ့ၢ် ယွၤအကလုၢ်ကထါ ဒီးတမ့ၢ်ဒ် ပှၤဟီၣ်ခိၣ်ဖိ အတၢ်ကတိၤဘၣ်.”
“တၢ်ကွဲးအသးခဲလၢာ်န့ၣ် ဘၣ်တၢ်ကွဲးအီၤ ခီဖျိလၢ ကစၢ်ယွၤအသးစီဆှံ အတၢ်ဟံးစုနဲၣ်ကျဲ ဒီးကဲဘျုးလၢ တၢ်သိၣ်လိနဲၣ်လိတၢ်အဂီၢ်.”
“ဝံအတၢ်စံးပာ် တဟဲအိၣ်ထီၣ် ဖဲဒၣ်ပှၤဟီၣ်ခိၣ်ဖိအသး နီတဘျီဘၣ်. ဘၣ်ဆၣ် ပှၤဟီၣ်ခိၣ်ဖိတဖၣ် တဲတၢ်လၢအဟဲလၢ ကစၢ်ယွၤအအိၣ် ဒ်သးစီဆှံ ထိၣ်ဟူးထိၣ်ဂဲၤထီၣ် အဝဲသ့ၣ် အသးအသိးလီၤ.”