တၢ်ကတိၤအိးထီၣ်

ပှၤအါတက့ၢ် တပာ်ဖျါထီၣ် တၢ်ပာ်ကဲလၢ ပှၤဂၤအဖီခိၣ်လၢၤဘၣ်. အဃိ ဖဲအဝဲသ့ၣ်ထံၣ်လၢ ပှၤတဂၤဂၤ ပာ်ဖျါထီၣ် တၢ်ပာ်ကဲအခါ အဝဲသ့ၣ် ကမၢကမၣ်ဒိၣ်မး.

အဒိ ပှၤအါတက့ၢ်န့ၣ် အဝဲသ့ၣ် တပာ်ကဲလိာ်သးလၢၤဘၣ် ဒီးတပာ်ဖျါထီၣ် တၢ်ပာ်ကဲလၢ အမိအပါ, ပှၤသးပှၢ်, ပလံး, ပှၤမၤတၢ်ဖိ ဒီးလၢကၠိသရၣ်, သရၣ်မုၣ် အဖီခိၣ်အါအါလၢၤဘၣ်. လၢစိၤၡၢၤမံဒံယါ အပူၤစ့ၢ်ကီး ပှၤကွဲးလီၤ ပှၤတၢ်ထံၣ်လၢ အတလီၤပာ်ကဲဘၣ် အိၣ်ဝဲအါမး. တၢ်ဂ့ၢ်တခါလၢ ပှၤကွဲးဝဲလၢ Harvard Business Review မဲးကစံအပူၤန့ၣ် တဲဝဲလၢ “လုၢ်လၢ်သကဲာ်ပဝး ဒ်သိးဒီး တၢ်ပာ်ကဲလိာ်သးန့ၣ် ပှၤတပာ်ဖျါထီၣ်ဝဲ အါအါလၢၤဘၣ်.” တၢ်ဂ့ၢ်တခါအံၤ ဆဲးတဲဝဲလၢ “ပှၤတပာ်ကဲလိာ်သးဘၣ်န့ၣ် အိၣ်ဝဲ အါထီၣ်မးအါထီၣ်.”