အကူာ် ၇
ယ့ၣ်ၡူးမ့ၢ်မတဂၤလဲၣ်
ယဟိဝၤယွၤဆှၢလီၤ ယ့ၣ်ၡူးလၢ ဟီၣ်ခိၣ်ချၢ. ၁ ယိၤဟၣ် ၄:၉
တချုးလၢယဟိဝၤယွၤ တ့လီၤစီၤအၤဒၣ်ဒံးဘၣ်န့ၣ် အတ့လီၤဆိဝဲ ပှၤနီၢ်သးဖိလၢ အစိကမီၤဒိၣ်တဂၤ လၢမူခိၣ်. ဒီးဒ်သိးပကမၤသးခု ယဟိဝၤယွၤအသးအဂီၢ် ပကဘၣ်ဒိကနၣ်စ့ၢ်ကီး ပှၤတဂၤန့ၣ်အကလုၢ်.
ဖဲတၢ်ဆၢကတီၢ်ဘၣ်အခါ ယဟိဝၤယွၤ ဆှၢလီၤပှၤတဂၤန့ၣ်ဒ်သိး အကအိၣ်ဖျဲၣ်ထီၣ်လၢ ဝ့ၢ်ဘ့ၤသလ့ဃ့ၣ်အပူၤ. ဒီးမုၣ်ကနီၤလၢ အအိၣ်ဖျဲၣ်ထီၣ်အီၤတဂၤန့ၣ် အကဲဝဲ နီၢ်မၤရံ. ဖိသၣ်လၢအအိၣ်ဖျဲၣ်ထီၣ်တဂၤအံၤ ပှၤကိးန့ၢ်အမံၤလၢ ယ့ၣ်ၡူး.—ယိၤဟၣ် ၆:၃၈.
ဖဲယ့ၣ်ၡူးကဲ ပှၤဟီၣ်ခိၣ်ဖိ တဂၤအခါ ယ့ၣ်ၡူးပာ်ဖျါထီၣ်က့ၤ ကစၢ်ယွၤအတၢ်ပာ်သူၣ်ပာ်သး လၢလၢပှဲၤပှဲၤ. အဝဲအိၣ်ဒီး တၢ်သးကညီၤ, တၢ်အဲၣ်တၢ်ကွံ ဒီးပှၤဂၤရ့ဘၣ်အီၤညီ. တၢ်မ့ၢ်တၢ်တီလၢ အဘၣ်ဃးဒီးယဟိဝၤယွၤန့ၣ် ယ့ၣ်ၡူးဟးသိၣ်လိ ပှၤဂၤဒူဒူလီၤ.
ယ့ၣ်ၡူးမၤတၢ်ဂ့ၤဘၣ်ဆၣ် ပှၤသးဟ့အီၤ. ၁ ပ့းတရူး ၂:၂၁-၂၄
ယ့ၣ်ၡူးတဲဖျါထီၣ်ဝဲလၢ တၢ်ဘူၣ်တၢ်ဘါခိၣ်နၢ်တဖၣ် မၤတၢ်အၢတၢ်သီ ဒီးအဝဲသ့ၣ် သိၣ်လိတၢ်လၢ အကမၣ် အဃိအဝဲသ့ၣ် သးဟ့ယ့ၣ်ၡူး.
ယ့ၣ်ၡူးမၤဘျါက့ၤ ပှၤဆူးပှၤဆါ ဒီးမၤသမူထီၣ်က့ၤပှၤသံ.
တၢ်ဘူၣ်တၢ်ဘါခိၣ်နၢ်တဖၣ် ဆီၣ်ထွဲ ပှၤရိမ့ၤဖိတဖၣ် ဒ်သိးအဝဲသ့ၣ် ကတီၢ်ယ့ၣ်ၡူးဒီး မၤသံအီၤ.