တၢ်ကတိၤအိးထီၣ် အကူာ် ၁၄
ခရံာ်ဖိလၢညါတဖၣ် တဲဘၣ်ပှၤအါဂၤလၢ အအိၣ်လၢ ဟီၣ်ခိၣ်ဒီဘ့ၣ် ဘၣ်ဃးဒီး ဘီမုၢ်တၢ်သးခုကစီၣ်. ယ့ၣ်ၡူး မၤစၢၤအပျဲၢ်အဘီၣ်တဖၣ် ဒ်သိးအဝဲသ့ၣ် ကသ့ၣ်ညါဝဲလၢ ကဘၣ်စံၣ်တဲၤတဲလီၤတၢ်လၢ တၢ်လီၢ်ဖဲလဲၣ်. ဒီးအဝဲဟ့ၣ်လီၤစ့ၢ်ကီး အပျဲၢ်အဘီၣ် တၢ်စိတၢ်ကမီၤ ဒ်သိးအဝဲသ့ၣ် တဲကျိာ်လၢအဂၤ ကဘၣ်ဝဲအဂီၢ်. ယဟိဝၤယွၤ ဟ့ၣ်လီၤအဝဲသ့ၣ် တၢ်သးဒူဒီးတၢ်ဂံၢ်တၢ်ဘါ ဒ်သိး အဝဲသ့ၣ်လဲၤခီဖျိဝဲ တၢ်ကီတၢ်ခဲ ဒီးတၢ်မၤနးမၤဖှီၣ် ကန့ၢ်အဂီၢ်.
ယ့ၣ်ၡူးဒုးထံၣ် တၢ်မၢဖိယိၤဟၣ် တၢ်ထံၣ်လၢညါခီ ဘၣ်ဃးဒီး ယဟိဝၤယွၤ အလၤကပီၤ. တၢ်ထံၣ်လၢညါခီ လၢအဂၤတခါန့ၣ် စီၤယိၤဟၣ် ထံၣ်ဝဲ မူခိၣ်အဘီမုၢ် မၤနၢၤဝဲမုၣ်ကီၤလံၢ် ဒီးမၤဟးဂီၤကွံာ် မုၣ်ကီၤလံၢ် အတၢ်ပၢ လီၤထူလီၤယိာ်. စီၤယိၤဟၣ်ထံၣ်ဝဲ ယ့ၣ်ၡူး ပၢတၢ်ဒ်စီၤပၤအသိး ဒီးပှၤ ၁၄၄,၀၀၀ လၢအပၢဃုာ်တၢ်ဒီးအီၤ. ဒီးစီၤယိၤဟၣ် ထံၣ်စ့ၢ်ကီးလၢ ဟီၣ်ခိၣ်ဒီဘ့ၣ် ကဲထီၣ်ပၤရဒံစူး ဒီးပှၤခဲလၢာ် ဘူၣ်ထီၣ်ဘါထီၣ် ယဟိဝၤယွၤ လၢတၢ်မုာ်တၢ်ခုၣ် ဒီးတၢ်ဃူတၢ်ဖိး.