မူးပွဲတဖၣ်
မူးပွဲလၢ ခရံာ်ဖိတဖၣ် မၤဝဲသ့
မူးပွဲထဲတခါလၢ ခရံာ်ဖိတဖၣ် မၤဝဲသ့န့ၣ် မ့ၢ်မနုၤလဲၣ်.
ကစၢ်ယွၤ အပှၤဂီၢ်မုၢ်တဖၣ် အိၣ်ဖှိၣ်ရိဖှိၣ် ဒီးဘူၣ်ထီၣ်ဘါထီၣ်တၢ်တပူၤဃီ လၢတၢ်သးခုအပူၤ
တၢ်အဒိအတဲာ်လၢ လံာ်စီဆှံပူၤ–
၂ ကွဲး ၃၀:၁, ၆, ၁၃, ၁၄, ၁၈-၂၇—စီၤပၤဃံးစကံယၤ ရဲၣ်ကျဲၤဝဲလၢ ပှၤကမၤဝဲ ဘူၣ်လဲၤကပာ်အမူးပွဲ.
မူးပွဲအကမၣ်တဖၣ်လၢ ခရံာ်ဖိတဖၣ်ဟးဆှဲးဝဲ
မူးပွဲလၢအဘၣ်ထွဲလိာ်အသးဒီး တၢ်ဘူၣ်တၢ်ဘါ လၢအကမၣ်တဖၣ်န့ၣ် ဘၣ်မနုၤအဃိ ပကဘၣ်ဟးဆှဲးအီၤလဲၣ်.
၁ ကရံၣ် ၁၀:၂၁; ၂ ကရံၣ် ၆:၁၄-၁၈; အ့း ၅:၁၀, ၁၁
ကွၢ်စ့ၢ်ကီး “တၢ်ကျဲၣ်ကျီတၢ်ဘူၣ်တၢ်ဘါအမ့ၢ်အတီ ဒီးတၢ်ဘူၣ်တၢ်ဘါအကမၣ်”
တၢ်အဒိအတဲာ်လၢ လံာ်စီဆှံပူၤ–
၂ မိၤ ၃၂:၁-၁၀—ပှၤအံၣ်စရ့လးဖိတဖၣ် ကျဲၣ်ကျီဝဲ တၢ်ဘူၣ်တၢ်ဘါအမ့ၢ်အတီ ဒီးတၢ်ဘူၣ်တၢ်ဘါ လၢအကမၣ်အဃိ ယဟိဝၤယွၤ သးဒိၣ်ထီၣ်အဝဲသ့ၣ်.
၄ မိၤ ၂၅:၁-၉—ပှၤအံၣ်စရ့လးဖိတဖၣ် မၤဝဲမူးပွဲလၢ အဘၣ်ထွဲလိာ်အသးဒီး တၢ်ဘူၣ်တၢ်ဘါ လၢအကမၣ် ဒီးမၤကမၣ်မုၣ်ကမၣ်ခွါအဃိ ယဟိဝၤယွၤ စံၣ်ညီၣ်အဝဲသ့ၣ်.
မ့ၢ်ခရံာ်ဖိတဖၣ် မၤဝဲခရံာ်အိၣ်ဖျဲၣ်အမူးပွဲစ့ၢ်ကီးဧါ.
တၢ်အဒိအတဲာ်လၢ လံာ်စီဆှံပူၤ–
လူၤ ၂:၁-၅—ဖဲယ့ၣ်ၡူးအိၣ်ဖျဲၣ်ထီၣ်အခါ ဘၣ်လၢ ကဲစၢ်အီၤကူစတူး မၢပှၤဟဲဆဲးလီၤမံၤ အဆၢကတီၢ်. ပှၤယူၤဒၤဖိတဖၣ်န့ၣ် အမ့ၢ်ပှၤလၢ အထီဒါတၢ်အဃိ တမ့ၢ်လၢ ကဲစၢ်အီၤကူစတူး ကမၢန့ၢ်ဆူၣ် အဝဲသ့ၣ်လၢ ကဟဲဆဲးလီၤအမံၤလၢ တၢ်ဂိၢ်တၢ်စူၤအဆၢကတီၢ်ဘၣ်.
လူၤ ၂:၈, ၁၂—စိၤဖဲန့ၣ်အခါ လါဒံၣ်စ့ဘၢၣ်န့ၣ် ကဲဝဲတၢ်ဂိၢ် ဒီးတၢ်စူၤအဆၢကတီၢ်အဃိ တမ့ၢ်လၢ ပှၤကွၢ်သိတဖၣ် ကအိၣ်လၢတၢ်ပျီပူၤဘၣ်. ဘၣ်ဆၣ် လံာ်စီဆှံတဲဝဲလၢ ပှၤကွၢ်သိတဖၣ် အိၣ်လၢတၢ်ပျီပူၤအဃိ ဖျါလၢယ့ၣ်ၡူးတအိၣ်ဖျဲၣ်လၢ လါဒံၣ်စ့ဘၢၣ်ဘၣ်.
မ့ၢ်ခရံာ်ဖိတဖၣ် ကြၢးမၤ တၢ်အိၣ်ဖျဲၣ်မုၢ်နံၤဧါ.
တၢ်အဒိအတဲာ်လၢ လံာ်စီဆှံပူၤ–
၁ မိၤ ၄၀:၂၀-၂၂—ဖၤရိၤလၢအတဘူၣ်ထီၣ်ဘါထီၣ် ယွၤလၢအမ့ၢ်အတီတဂၤဘၣ်န့ၣ် ဖဲအမၤဝဲ အတၢ်အိၣ်ဖျဲၣ်မုၢ်နံၤအခါ အစံၣ်ညီၣ်သံဝဲ အပှၤကုၢ်ကိၣ်အခိၣ်.
မး ၁၄:၆-၁၁—စီၤပၤဟ့ၤရိာ်န့ၣ် အၢဝဲသီဝဲ ဒီးအထီဒါဝဲ ယ့ၣ်ၡူးအခ့အပှၤတဖၣ်. ဒီးဖဲစီၤပၤဟ့ၤရိာ် မၤအတၢ်အိၣ်ဖျဲၣ်မုၢ်နံၤအခါ အစံၣ်ညီၣ်သံဝဲ ပှၤဘျၢတၢ် စီၤယိၤဟၣ်.
လၢစီၤမိၤၡ့အတၢ်သိၣ်တၢ်သီအပူၤန့ၣ် ယဟိဝၤယွၤ ပျဲဝဲလၢ ပှၤကမၤ မူးပွဲတနီၤ
လၢစီၤမိၤၡ့အတၢ်သိၣ်တၢ်သီအပူၤန့ၣ် ပၣ်ဃုာ်ဒီး ပှၤအံၣ်စရ့လးဖိတဖၣ် ကဘၣ်မၤဝဲမူးပွဲတနီၤ သနာ်က့ ခရံာ်ဖိလၢ ဆၢကတီၢ်ခဲအံၤန့ၣ် ကြၢးမၤထွဲ တၢ်သိၣ်တၢ်သီတဖၣ်န့ၣ်ဒံးဧါ.
ကွၢ်စ့ၢ်ကီး ကလၤ ၄:၄, ၅, ၉-၁၁; ဧ့ၤ ၈:၇-၁၃; ၉:၁-၃, ၉, ၁၀, ၂၄
မ့ၢ်ခရံာ်ဖိတဖၣ် ကဘၣ်မၤထွဲဝဲ စီၤမိၤၡ့အတၢ်သိၣ်တၢ်သီလၢ အဘၣ်ဃးဒီး မုၢ်အိၣ်ဘှံးနံၤဒံးဧါ.
ကွၢ်စ့ၢ်ကီး ၂ မိၤ ၃၁:၁၆, ၁၇
မူးပွဲတဖၣ်လၢ ဘၣ်ဃးလိာ်သးဒီး ထံဂ့ၢ်ကီၢ်ဂ့ၢ်
မ့ၢ်ခရံာ်ဖိတဖၣ် ကြၢးမၤဝဲ မူးပွဲတဖၣ်လၢ အဘၣ်ဃးဒီး ထံဂ့ၢ်ကီၢ်ဂ့ၢ်ဧါ.
မ့ၢ်ခရံာ်ဖိတဖၣ် ကြၢးမၤဝဲ မၤထူရၤ အမုၢ်နံၤဧါ.
ကွၢ်စ့ၢ်ကီး “ပဒိၣ်ပပှၢ်တဖၣ်—ခရံာ်ဖိတဖၣ်အိၣ်လၢ တၢ်အိၣ်ဘၢၣ်စၢၤ” ဒီး “တၢ်ဒုးတၢ်ယၤ”
ဒ်ပှၤအဂၤတဖၣ်အသိး မ့ၢ်ခရံာ်ဖိတဖၣ် ကြၢးမၤဝဲ မူးပွဲလီၤဆီလၢ ပှၤမၤလၤကပီၤ မ့တမ့ၢ် ပာ်ဒိၣ်ဝဲ ပှၤဟီၣ်ခိၣ်ဖိတဂၤဂၤဧါ.
တၢ်အဒိအတဲာ်လၢ လံာ်စီဆှံပူၤ–
မၤတၢ် ၁၂:၂၁-၂၃—စီၤပၤဟ့ၤရိာ် အကြံးပၤ တၢတဂၤန့ၣ် တူၢ်လိာ်ဝဲလၢ ပှၤကမျၢၢ်တဖၣ် ကထံၣ်အီၤ ဒ်ယွၤတဂၤအသိးအဃိ ကစၢ်ယွၤစံၣ်ညီၣ်အီၤ.
မၤတၢ် ၁၄:၁၁-၁၅—တၢ်မၢဖိဘၢ်နါဘၤ ဒီးတၢ်မၢဖိပီလူး တတူၢ်လိာ်ဝဲလၢ ပှၤကပတြၢၤအဝဲသ့ၣ် ဒီးမၤလၤကပီၤ အဝဲသ့ၣ်ဘၣ်.
လီၣ် ၂၂:၈, ၉—ယဟိဝၤယွၤ အမူခိၣ်ကလူး တတူၢ်လိာ်ဝဲလၢ ပှၤကဘူၣ်ထီၣ်ဘါထီၣ်အီၤဘၣ်.