တၢ်သးတီ

တၢ်အဒိအတဲာ်လၢ လံာ်စီဆှံပူၤ–

• ၃ မိၤ ၂၂:၁၇-၂၂—ယဟိဝၤယွၤ မၢပှၤလုၢ်ထီၣ် ဆၣ်ဖိကီၢ်ဖိလၢ အဂ့ၤ ဒီး “အလၢအပှဲၤ” ဒီးအတက့တကွဲၣ်ဘၣ်. ဧ့ၤဘြံၤတၢ်ကတိၤလၢ အခီပညီမ့ၢ်ဝဲ “အလၢအပှဲၤ”န့ၣ် လီၤဂာ်လိာ်သးဒီး တၢ်ကတိၤလၢအမ့ၢ် “တၢ်သးတီ” အဃိ တၢ်သးတီန့ၣ် အဲၣ်ဒိးတဲဝဲလၢ ပကဘၣ် သးတီဒီး ယဟိဝၤယွၤလၢ ပသးဒီဖျၢၣ်.

• ဘး ၁:၁, ၄, ၅, ၈; ၂:၃—လၢစီၤယိၤဘး အတၢ်အိၣ်မူန့ၣ် ပာ်ဖျါထီၣ်ဝဲလၢ ဒ်သိး ပကအိၣ်ဒီး တၢ်သးတီအဂီၢ် ပကဘၣ်ပာ်ကဲ ယဟိဝၤယွၤ ဒီးဘူၣ်ထီၣ်ဘါထီၣ်အီၤ လၢပသးဒီဖျၢၣ် ဒီးဟးဆှဲးတၢ်လၢ ယဟိဝၤယွၤ ထံၣ်ဝဲလၢအတဂ့ၤဘၣ်တဖၣ်.

တၢ်အဒိအတဲာ်လၢ လံာ်စီဆှံပူၤ–

• ဘး ၃၁:၁-၁၁, ၁၆-၃၃—စီၤယိၤဘး ပာ်ဖျါထီၣ်လၢ အတီဒီး ယဟိဝၤယွၤ ခီဖျိအဝဲဟးဆှဲး တၢ်မၤကမၣ်မုၣ်ကမၣ်ခွါ, ရ့ဒီးပှၤဂၤတဖၣ်လၢ တၢ်အဲၣ်တၢ်ကွံ ဒီးလၢတၢ်ယူးယီၣ်ပာ်ကဲအပူၤ. စီၤယိၤဘး ဘူၣ်ထီၣ်ဘါထီၣ်ထဲ ယဟိဝၤယွၤတဂၤ ဒီးအတဘူၣ်ထီၣ်ဘါထီၣ် တၢ်ဂီၤတၢ်ဖှီၣ်ဘၣ်. ဒီးအပာ်လုၢ်ပာ်ပှ့ၤ အတၢ်ရ့လိာ်သးဒီး ယဟိဝၤယွၤ အါန့ၢ်ဒံး အပာ်လုၢ်ပာ်ပှ့ၤ တၢ်ထူးတၢ်တီၤဒံး.

• ဒၤ ၁:၆-၂၁—စီၤဒၤနံးယ့လး ဒီးအသကိးသၢဂၤန့ၣ် ဘၣ်အိၣ်ဝဲလၢ ပှၤလၢ အတဘူၣ်ထီၣ်ဘါထီၣ် ယဟိဝၤယွၤဘၣ်အကျါ. သနာ်က့ စီၤဒၤနံးယ့လး ဒီးအသကိးတဖၣ်န့ၣ် အဝဲသ့ၣ်တီဒီး ယဟိဝၤယွၤ တကးဒံးဘၣ် အဝဲသ့ၣ် တအီၣ်ဝဲတၢ်အီၣ်လၢ အတကဆှီတဖၣ်ဘၣ်.