တၢ်အိၣ်ဖှိၣ်သးပှၢ်တဖၣ်

တၢ်အဒိအတဲာ်လၢ လံာ်စီဆှံပူၤ–

• မၤတၢ် ၁၃:၂-၅; ၁၄:၂၃—စီၤပီလူး ဒီးစီၤဘၢ်နါဘၤန့ၣ် ဖဲအဝဲသ့ၣ် လဲၤအိၣ်သကိး တၢ်အိၣ်ဖှိၣ်တဖၣ်အခါ အဝဲသ့ၣ် ဃုထၢထီၣ်ဝဲ တၢ်အိၣ်ဖှိၣ်သးပှၢ်တဖၣ်လၢ တၢ်အိၣ်ဖှိၣ်ဖိအဂီၢ်. ဆၢကတီၢ်ခဲအံၤစ့ၢ်ကီး ကဝီၤအပှၤကွၢ်တၢ်တဖၣ်န့ၣ် ဒ်သိးအဝဲသ့ၣ် ကသ့ၣ်ညါဝဲလၢ ပှၤတဂၤကဲထီၣ် တၢ်အိၣ်ဖှိၣ်သးပှၢ်ကန့ၢ်အဂီၢ် အဝဲသ့ၣ်ဃ့ ကစၢ်ယွၤအသးစီဆှံ အတၢ်ဟံးစုနဲၣ်ကျဲ ဒီးဃုသ့ၣ်ညါဝဲ လံာ်စီဆှံ အတၢ်ဟံးစုနဲၣ်ကျဲလၢ မ့ၢ်ပှၤတဂၤန့ၣ် ကဲထီၣ်တၢ်အိၣ်ဖှိၣ်သးပှၢ် သ့လံဧါ.

• တံ ၁:၁, ၅—စီၤတံတူးန့ၣ် ပှၤနာ်န့ၢ်အီၤသ့အဃိ ပှၤဟ့ၣ်အီၤမူဒါလၢ အကလဲၤအိၣ်သကိး တၢ်အိၣ်ဖှိၣ်တဖၣ် ဒီးဃုထၢထီၣ်ဝဲ တၢ်အိၣ်ဖှိၣ်သးပှၢ်တဖၣ်လၢ တၢ်အိၣ်ဖှိၣ်ဖိအဂီၢ်.

တၢ်အဒိအတဲာ်လၢ လံာ်စီဆှံပူၤ–

• မၤတၢ် ၂၀:၁၇, ၃၁-၃၈—ဖဲတၢ်မၢဖိပီလူး ဒုးသ့ၣ်နီၣ်ထီၣ် အ့းဖ့းစူး အတၢ်အိၣ်ဖှိၣ်သးပှၢ်တဖၣ်လၢ တၢ်လၢအမၤတ့ၢ်ဝဲလၢ အဝဲသ့ၣ်အဂီၢ်အခါ တၢ်အိၣ်ဖှိၣ်သးပှၢ်တဖၣ်န့ၣ် ပာ်လုၢ်ပာ်ပှ့ၤ စီၤပီလူး အတၢ်အဲၣ် ဒီးအတၢ်ကဟုကယာ်.

တၢ်အဒိအတဲာ်လၢ လံာ်စီဆှံပူၤ–

• ဃ့ ၅:၁၄-၁၆—ပဒိၣ်စီၤနဃ့မယၤ ပာ်ကဲဝဲ ယဟိဝၤယွၤဒိၣ်မးအဃိ အတသူကမၣ် အတၢ်စိတၢ်ကမီၤလၢ ကစၢ်ယွၤ အပှၤဂီၢ်မုၢ်တဖၣ်အဖီခိၣ်ဘၣ်. ဒီးအတဟံန့ၢ်စ့ၢ်ကီး တၢ်လၢအကြၢးဒိးန့ၢ်ဘၣ်ဝဲလၢ ကစၢ်ယွၤ အပှၤဂီၢ်မုၢ်တဖၣ်အအိၣ်ဘၣ်.

• ယိၤ ၁၃:၁၂-၁၅—ယ့ၣ်ၡူးပာ်ဖျါထီၣ် တၢ်ဆီၣ်လီၤသးန့ၣ် မ့ၢ်ဒ်သိး အကသိၣ်လိအပျဲၢ်အဘီၣ် ဘၣ်ဃးဒီး တၢ်ဆီၣ်လီၤသးအဂ့ၢ်.

တၢ်အဒိအတဲာ်လၢ လံာ်စီဆှံပူၤ–

• မး ၁၀:၅-၂၀—တချုးလၢ ယ့ၣ်ၡူးမၢအတၢ်မၢဖိ ၁၂ ဂၤ လဲၤစံၣ်တဲၤတဲလီၤတၢ်ဒံးဘၣ်န့ၣ် ယ့ၣ်ၡူးသိၣ်လိဆိ အဝဲသ့ၣ်ဂ့ၤဂ့ၤ.

• လူၤ ၁၀:၁-၁၁—ယ့ၣ်ၡူး သိၣ်လိအပျဲၢ်အဘီၣ်အဂၤ ၇၀ ဂ့ၤဂ့ၤဝံၤအလီၢ်ခံ ယ့ၣ်ၡူးမၢအဝဲသ့ၣ် လဲၤစံၣ်တဲၤတဲလီၤတၢ်.

တၢ်အဒိအတဲာ်လၢ လံာ်စီဆှံပူၤ–

• ၁ စီၤပၤ ၃:၉-၁၂—ဒ်သိး စီၤပၤၡလိၤမိၤ စံၣ်ညီၣ်န့ၢ်တၢ်လၢ ယဟိဝၤယွၤ အပှၤဂီၢ်မုၢ်တဖၣ်ကသ့အဂီၢ် အဝဲဃ့ ယဟိဝၤယွၤ လၢကဟ့ၣ်အီၤ သးလၢအအိၣ်ဒီး တၢ်ဒိကနၣ် ဒီးတၢ်သ့ၣ်ညါနၢ်ပၢၢ်.

• ၂ ကွဲး ၁၉:၄-၇—စီၤပၤယဟိၤၡၤဖး ဃုထၢထီၣ်ဝဲ စံၣ်ညီၣ်ကွီၢ်တဖၣ်လၢ ယူဒၤအဝ့ၢ်တဖၣ်အပူၤ ဒီးတဲဘၣ်အဝဲသ့ၣ်လၢ သုမ့ၢ်မၤလၢပှဲၤ သုမူဒါလၢအရ့ဒိၣ်အံၤန့ၣ် ယဟိဝၤယွၤ ကအိၣ်ဒီးသု.

တၢ်အဒိအတဲာ်လၢ လံာ်စီဆှံပူၤ–

• မၤတၢ် ၂၀:၃၇—အ့းဖ့းစူး အတၢ်အိၣ်ဖှိၣ်သးပှၢ်တဖၣ်န့ၣ် အဝဲသ့ၣ် ပာ်ဖျါထီၣ် တၢ်အဲၣ် ဒီးတၢ်သူၣ်အိၣ်သးအိၣ်လၢ တၢ်မၢဖိပီလူးအဖီခိၣ်.

• မၤတၢ် ၂၈:၁၄-၁၆—ဖဲတၢ်မၢဖိပီလူး လဲၤလၢဝ့ၢ်ရိမ့ၤအခါ လၢကျဲန့ၣ် ဒီပုၢ်ဝဲၢ်တနီၤ ဟဲထံၣ်လိာ်သးဒီးအီၤလၢ အးပံပရူး အတၢ်ဆါတၢ်ပှ့ၤအလီၢ် ဒီးဟ့ၣ်ဂံၢ်ဟ့ၣ်ဘါအီၤဒိၣ်မး. ဒီးဒီပုၢ်ဝဲၢ်တဖၣ်န့ၣ် ဘၣ်ဟဲတၢ်ဒ့ၣ်စၢၤယံၤဝဲ ၆၅ ကံလိမံထၢၣ် (၄၀ မံးလာ်).