တၢ်အဒိလၢတၢ်နီၤလီၤ မဲးကစံအဂီၢ်

တၢးထီခိးတၢ် နိၣ်ဝ့ဘၢၣ် ၁

“ဖဲတၢ်ဒုးတၢ်ယၤကဲထီၣ်အသးအခါန့ၣ် ပှၤခံခီယၢ်ခီနာ်ဝဲလၢ ယွၤဆီၣ်ထွဲမၤစၢၤအဝဲသ့ၣ်န့ၣ်လီၤ. ဘၣ်ဃးဒီးတၢ်ဒုးတၢ်ယၤန့ၣ် နဆိကမိၣ်လၢ ယွၤဘၣ်အသးဧါ. [အိၣ်ခိး တၢ်စံးဆၢတက့ၢ်] တၢးထီခိးတၢ် မဲးကစံအံၤ ပာ်ဖျါထီၣ်ဝဲလၢ လၢအပူၤကွံာ်န့ၣ် ဘၣ်မနုၤအဃိ ကစၢ်ယွၤဒုးတၢ်ယၤတၢ်လဲၣ်. ဒီးကစၢ်ယွၤကမၤပတုာ်ကွံာ် တၢ်ဒုးတၢ်ယၤခဲလၢာ်ဒ်လဲၣ်န့ၣ်လီၤ.” ဖး စံးထီၣ်ပတြၢၤ ၄၆:၉ ဒီးဟ့ၣ်အီၤမဲးကစံအံၤတက့ၢ်.

နိုးလော့! နိၣ်ဝ့ဘၢၣ် ၁

“ဖဲတၢ်ဒုးတၢ်ယၤအိၣ်ထီၣ်အခါ, ပှၤဟီၣ်ခိၣ်ဖိအါဂၤတူၢ်ဘၣ်တၢ်နးတၢ်ဖှီၣ် ဒီးမုၢ်လၢ်ဝဲလၢဟီၣ်ခိၣ်ကအိၣ်ဒီးတၢ်ဃူတၢ်ဖိး ဒီးတၢ်မုာ်တၢ်ခုၣ်လီၤ. မ့ၢ်နဆိကမိၣ် တၢ်မုာ်တၢ်ခုၣ်အိၣ်ထီၣ် အသးကသ့ဧါ [အိၣ်ခိးတၢ်စံးဆၢတက့ၢ်] စံးထီၣ်ပတြၢၤ ၄၆:၉ ပာ်ဖျါဝဲလၢ ကစၢ်ယွၤ ကမၤကတၢၢ်ကွံာ်ဝဲ တၢ်ဒုးတၢ်ယၤန့ၣ်လီၤ. [ဖးတက့ၢ်.] တၢးထီခိးတၢ်အံၤ ပာ်ဖျါထီၣ်ဝဲ ယွၤအတၢ်ထံၣ်ဘၣ်ဃး တၢ်ဒုးတၢ်ယၤ ဒီးတယံာ်လၢၤဘၣ် ယွၤကမၤကတၢၢ်ကွံာ် တၢ်ဒုးတၢ်ယၤဒီးကဒုးအိၣ်ထီၣ် တၢ်ဃူတၢ်ဖိးလၢဟီၣ်ခိၣ်ချၢလီၤ.”