ခရံာ်ဖိနီၢ်နီၢ်တဖၣ် အတၢ်ပနီၣ်မ့ၢ် တၢ်အဲၣ်တၢ်ကွံ—ဟးဆှဲး တၢ်အဲၣ်လီၤဒၣ်ထဲသး ဒီးတၢ်သးထီၣ်ချ့

ဘၣ်မနုၤအဃိ အရ့ဒိၣ်လဲၣ်– ယ့ၣ်ၡူးသိၣ်လိဝဲလၢ တၢ်အဲၣ်န့ၣ်မ့ၢ်ဝဲ အပျဲၢ်အဘီၣ်နီၢ်နီၢ်တဖၣ်​ အတၢ်ပနီၣ်လီၤ. (ယိၤ. ၁၃:၃၄, ၃၅) ဒ်သိးပပာ်ဖျါထီၣ်​ ခရံာ်ဖိတၢ်အဲၣ်ကန့ၢ်အဂီၢ် ပကဘၣ်ကွၢ်လၢပှၤဂၤအတၢ်ဂ့ၤတခီ ဒီးပတဘၣ်သးထီၣ်ချ့ဘၣ်.—၁ ကရံၣ်. ၁၃:၅.

ပမၤကသ့ဒ်လဲၣ်–

• ဖဲပှၤတဂၤဂၤ တဲကမၣ်​ မ့တမ့ၢ် မၤကမၣ်ဘၣ်နၤအခါ တချုးလၢနမၤဆၢက့ၤအီၤဒံးဘၣ်န့ၣ်​ ဆိကမိၣ်ထံ တၢ်ဂ့ၢ်တၢ်ကျိၤ ဒီးတၢ်လၢအကဟဲကဲထီၣ်အသးတဖၣ်တက့ၢ်.—ကတိၤ. ၁၉:၁၁

• သ့ၣ်နီၣ်ထီၣ်က့ၤလၢ ပဝဲခဲလၢာ် ပတလၢတပှဲၤဘၣ်အဃိ ဒီးပတဲကမၣ်​ မ့တမ့ၢ် မၤဘၣ်တၢ်လၢ အမၤဘၣ်ဒိက့ၤပသးလၢခံသ့

• တၢ်သးတလီၤပလိာ် မ့ၢ်အိၣ်ထီၣ်န့ၣ်​ ဘှါၡဲကွံာ်အီၤတဘျီဃီတက့ၢ်

ကွၢ်တၢ်ဂီၤမူလၢအခိၣ်တီမ့ၢ် “အဲၣ်လိာ်ကွံလိာ်သုသး”တက့ၢ်—ဟးဆှဲး တၢ်အဲၣ်လီၤဒၣ်ထဲသး ဒီးတၢ်သးထီၣ်ချ့, ဒီးစံးဆၢတၢ်သံကွၢ်လၢ လာ်တဖၣ်အံၤတက့ၢ်–

• ဖဲထါ(မ်) ဟ့ၣ်ကူၣ်တၢ်အခါ လဲရံၤထံၣ်ဝဲဒ်လဲၣ်.

• ထါ(မ်) ဟံးန့ၢ်တၢ်ဆၢကတီၢ် ဒီးဆိကမိၣ်ထံတၢ်အဃိ မၤစၢၤအီၤလၢ ကဟးဆှဲးဝဲ တၢ်သးထီၣ်ပှၤဂၤဒ်လဲၣ်.

• ထါ(မ်) တဲဆၢက့ၤဝဲလၢ အကလုၢ်ကပုာ်အဃိ တၢ်အိၣ်သးဂ့ၤထီၣ်က့ၤဝဲဒ်လဲၣ်.