အိၣ်မူဒ် ခရံာ်ဖိအသိး
တၢ်ကွဲးလံာ်ပရၢအဒိ
သူနနီၢ်ကစၢ် လီၢ်အိၣ်ဆိးတက့ၢ်. နမ့ၢ်ဆိကမိၣ်လၢ နဟ့ၣ်လီၤ နလီၢ်အိၣ်ဆိး တကြၢးဘၣ် ဒီးနတၢ်အိၣ်ဖှိၣ်သးပှၢ် မ့ၢ်ဟ့ၣ်နၤအခွဲးန့ၣ် နသူ ဘီမုၢ်ဘျီၣ်ဒိၣ် လီၢ်အိၣ်ဆိးသ့ဝဲလီၤ. ဘၣ်ဆၣ် မ့မ့ၢ်ဝဲၤတြၢ် အလီၢ်အိၣ်ဆိးန့ၣ် နတကြၢးသူအီၤ နီတဘျီ ဒ်လီၢ်အိၣ်ဆိးလၢ ပှၤကဆဲးကျိးဒီးနၤအဂီၢ်န့ၣ်ဘၣ်.
နမ့ၢ်သ့ၣ်ညါအမံၤန့ၣ် သူအမံၤတက့ၢ်. နမ့ၢ်သူအမံၤန့ၣ် တမ့ၢ်ပှၤကဆိကမိၣ်လၢ လံာ်အံၤမ့ၢ် တၢ်ဘိးဘၣ်သ့ၣ်ညါဘၣ်ဃး တၢ်ပနံာ်တၢ်ကၤအဂ့ၢ်ဘၣ်.
ပလီၢ်နသး ဒ်သိးလံာ်မဲာ်ဖျၢၣ် သုတကမၣ်တဂ့ၤ ဒီးပှၤဖးအီၤကမုာ်အဂီၢ်န့ၣ်တက့ၢ်. လံာ်န့ၣ်ကြၢးဖျါကဆှဲကဆှီလီၤ. နမ့ၢ်ကွဲးလၢနစုန့ၣ် ဒ်သိးပှၤဖးအီၤကဘျ့အဂီၢ် ကွဲးအီၤၡဲၡဲဖိတက့ၢ်. သူတၢ်ကတိၤလၢ အသညူးသပှၢ် ဒီးကွဲးအီၤယိယိဖိတက့ၢ်.
လံာ်ပရၢအဒိပူၤ ပၣ်ဃုာ်ဒီးတၢ်ဂ့ၢ်သ့ၣ်တဖၣ်အံၤလီၤ. ဘၣ်ဆၣ် တလိၣ်လၢ နကဘၣ်ကွဲးကူ လံာ်ပရၢအဒိအံၤ ကိးဖျၢၣ်ဒဲးဘၣ်. နဆီတလဲကွဲးတၢ်ဂ့ၢ်တၢ်ကျိၤ ဒီးကွဲးအီၤဒ် လီၢ်ကဝီၤတၢ်အိၣ်သး ဒီးဒ်လုၢ်လၢ်အိၣ်ဝဲအသိးသ့လီၤ.