အိၣ်မူဒ် ခရံာ်ဖိအသိး
နမ့ၢ်အိၣ်ဒီး “တၤဆှုၣ်” လၢနနီၢ်ကစၢ်အပူၤ သနာ်က့ နမၤနၢၤတၢ်သ့
လၢမုၢ်နံၤခံကတၢၢ် ဆၢကတီၢ်လၢအကီအခဲအံၤအတီၢ်ပူၤ ယွၤအခ့အပှၤတဖၣ် ထံၣ်ဘၣ်တၢ်ကီတၢ်ခဲအါမးလီၤ. (၂ တံၤ. ၃:၁) ဒ်သိးပလဲၤခီဖျိ တၢ်ကီတၢ်ခဲတဖၣ် ကန့ၢ်အဂီၢ် ပသန့ၤပသးလၢ ယဟိဝၤယွၤ ကသ့ဒ်လဲၣ်. ကွၢ်တၢ်ဂီၤမူလၢ အခိၣ်တီမ့ၢ်ဝဲ “ပှၤမဲာ်ဘျီၣ်အမဲာ်ကအိးထီၣ်” ဒီးပကထံၣ်ဘၣ် ထါလံထၤ အဲနၤၡံ ဒီးအမိၢ်အပၢ်မၤဝဲ တၢ်မနုၤလဲၣ်. ဒီးစံးဆၢ တၢ်သံကွၢ်လၢလာ်တဖၣ်အံၤတက့ၢ်–
“တၤဆှုၣ်” လၢအိၣ်လၢထါလံထၤအပူၤ န့ၣ်မ့ၢ်မနုၤလဲၣ်.
ဒ်သိး ထါလံထၤ ဒီးအမိၢ်အပၢ် ကဆဲးအိၣ်ဒီး တၢ်ထံၣ်အဂ့ၤအဂီၢ် လံာ်စီဆှံအတၢ်အၢၣ်လီၤအီလီၤ မနုၤမၤစၢၤအီၤလဲၣ်.
ဖဲထါလံထၤ ကွဲးအမဲာ်ချံဝံၤအလီၢ်ခံ အမိၢ်အပၢ် သန့ၤအသးလၢ ယဟိဝၤယွၤန့ၣ် ပာ်ဖျါထီၣ်ဝဲဒ်လဲၣ်.
ဒ်သိးထါလံထၤ ကအဲၣ်ကစၢ်ယွၤအဂီၢ် အမိၢ်အပၢ် သူဝဲတၢ်ပီးတၢ်လီလၢ တၢ်ကရၢကရိကတဲာ်ကတီၤဝဲတဖၣ်ဒ်လဲၣ်.
‘တၤဆှုၣ်အိၣ်လၢ အဖံးအညၣ်အကျါ’ သနာ်က့ ထါလံထၤ အတၢ်ရ့လိာ်သးဒီး ယဟိဝၤယွၤ ဂၢၢ်ကျၢၤဝဲန့ၣ် ပာ်ဖျါထီၣ်ဝဲဒ်လဲၣ်.
ထါလံထၤ အဒိအတဲာ်န့ၣ် ဟ့ၣ်ဂံၢ်ဟ့ၣ်ဘါနၤဒ်လဲၣ်.