တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၁ မိၤၡ့ ၄၀–၄၁
ယဟိဝၤယွၤ မၤပူၤဖျဲးထီၣ် စီၤယိၤသး
တချုးလၢ ယဟိဝၤယွၤ မၤပူၤဖျဲးထီၣ်အီၤဒံးဘၣ်န့ၣ် စီၤယိၤသးဘၣ်ကဲကုၢ် ဒီးဘၣ်အိၣ်လၢဃိာ်ပူၤကအိၣ် ၁၃ နံၣ်ဃၣ်ဃၣ်လီၤ. အဝဲတစၢဃာ်ပှၤဂၤအတၢ်ကမၣ်ဘၣ်, လၢတၢ်န့ၣ်အလီၢ် အဝဲဟံးန့ၢ်တၢ်မၤလိအါမးလၢ တၢ်ကဲထီၣ်အသးဒီးအီၤတဖၣ်လီၤ. (စံး. ၁၀၅:၁၇-၁၉) အဝဲသ့ၣ်ညါဝဲလၢ ယဟိဝၤယွၤ တပာ်တ့ၢ်အီၤနီတဘျီဘၣ်. လၢတၢ်အိၣ်သးတဖၣ်အံၤအပူၤ စီၤယိၤသးမၤဝဲလၢ အဂ့ၤကတၢၢ်ဒ်လဲၣ်.
အဝဲမၤတၢ်ဆူၣ်ဆူၣ် ဒီးမ့ၢ်ပှၤတဂၤလၢ ပှၤနာ်န့ၢ်အီၤသ့လီၤ. အဃိ ယဟိဝၤယွၤ ဆိၣ်ဂ့ၤအတၢ်ဂုာ်ကျဲးစၢးလီၤ.—၁ မိၤ. ၃၉:၂၁, ၂၂
အဝဲတမၤကၣ်က့ၤ ပှၤလၢအမၤအီၤတတီတလိၤတဖၣ်ဘၣ်, လၢတၢ်န့ၣ်အလီၢ် အဝဲပာ်ဖျါထီၣ် တၢ်သးကညီၤလၢ ပှၤဂၤအဖီခိၣ်လီၤ.—၁ မိၤ. ၄၀:၅-၇
ဖဲယထံၣ်ဘၣ် တၢ်ကီတၢ်ခဲအခါ စီၤယိၤသး အဒိအတဲာ်အံၤ မၤစၢၤယၤလၢ ယကအိၣ်ဒီး တၢ်တူၢ်န့ၢ်ခီၣ်ကဲဒ်လဲၣ်.
တချုးလၢ ယဟိဝၤယွၤ မၤပူၤဖျဲးယၤလၢ အၢ်မက့းဒိၣ်ဒံးဘၣ်န့ၣ် ယတၢ်အိၣ်သးအံၤ ယမၤအီၤလၢ အဂ့ၤကတၢၢ်ကသ့ဒ်လဲၣ်.