တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၂ မိၤၡ့ ၈–၉
လၢတၢ်တပာ်သူၣ်ပာ်သးအပူၤ ဖၤရိၤလၢအပာ်ထီၣ်ထီအသးန့ၣ် မၤလၢပှဲၤထီၣ် ယွၤအတၢ်တိာ်ပာ်
ကီၢ်အဲၤကူပတူး အစီၤပၤဖၤရိၤတဖၣ်န့ၣ် အဝဲသ့ၣ်ပာ်လီၤအသး ဒ်အမ့ၢ်ယွၤတဖၣ်လီၤ. တၢ်အံၤမၤစၢၤပှၤ ဒ်သိးပကနၢ်ပၢၢ်လၢ ဘၣ်မနုၤအဃိ ဖၤရိၤပာ်ထီၣ်ထီအသးဒိၣ်မး ဒီးတဒိကနၣ် စီၤမိၤၡ့ ဒီးစီၤအၤဟရိၣ် ဒီးအပှၤမၤကဒါမဲာ်တဖၣ်အကလုၢ်ဘၣ်လဲၣ်န့ၣ်လီၤ.
ဖဲပှၤဂၤဟ့ၣ်ကူၣ်နၤအခါ နဒိကနၣ်ဧါ. ဖဲပှၤတဂၤဂၤ ဟ့ၣ်ကူၣ်နၤအခါ မ့ၢ်နပာ်လုၢ်ပာ်ပှ့ၤအီၤဧါ. မ့တမ့ၢ် နတူၢ်ဘၣ်လၢ နမၤတၢ်န့ၣ်ဘၣ်ထီဘိဧါ. “တၢ်ပာ်ထီၣ်ထီအသးန့ၣ် ဟဲဝဲလၢတၢ်ဟးဂီၤအမဲာ်ညါ” လီၤ. (ကတိၤ. ၁၆:၁၈) ဘၣ်မနုၤအဃိ အရ့ဒိၣ်လၢ ပတဘၣ်ပာ်ထီၣ်ထီပသး ဘၣ်လဲၣ်.