အိၣ်မူဒ် ခရံာ်ဖိအသိး
ယဟိဝၤယွၤ ဒီသဒၢအပှၤဂီၢ်မုၢ်
ဘူၣ်လဲၤကပာ်လၢ အဆိကတၢၢ်တခါန့ၣ် မ့ၢ်ဘူၣ်လၢအရ့ဒိၣ်ဒိၣ်မးလီၤ. တၢ်တနၤန့ၣ် ဖဲဖၤရိၤသ့ၣ်ညါဝဲလၢ အဖိဝဲၢ်ကိသံလံအခါ အဝဲတဲဘၣ် စီၤမိၤၡ့လၢ “ဂဲၤဆၢထၢၣ်, ဟးထီၣ်ကွံာ်လၢယပှၤဂီၢ်မုၢ်အကျါ, သုဝဲမ့ၢ်ဂ့ၤ, ပှၤအံၣ်စရ့လးဖိမ့ၢ်ဂ့ၤ, ဒီးလဲၤမၤယွၤအတၢ် ဒ်သုစံးတ့ၢ်အသိးန့ၣ်တက့ၢ်.” (၂ မိၤ. ၁၂:၃၁) ယဟိဝၤယွၤ ပာ်ဖျါထီၣ်ဝဲလၢ အဝဲဒီသဒၢဝဲ အပှၤဂီၢ်မုၢ်တဖၣ်ထီဘိလီၤ.
ပမ့ၢ်ကွၢ်က့ၤ ယဟိဝၤယွၤအပှၤဂီၢ်မုၢ် အတၢ်စံၣ်စိၤတဲစိၤလၢ စိၤခဲအံၤန့ၣ် ပသ့ၣ်ညါဘၣ်လၢ ယဟိဝၤယွၤ ဟံးစုနဲၣ်ကျဲ ဒီးဒီသဒၢအဝဲသ့ၣ်ထီဘိလီၤ. တၢ်အံၤပကထံၣ်ဘၣ်လၢ ဝဲၤလီၢ်ခိၣ်သ့ၣ် အတၢ်ကွၢ်ကီလီၢ်တခါလၢ အခိၣ်တီမ့ၢ်ဝဲ “ပှၤတကလုာ်လၢ ယဟိဝၤယွၤအမံၤအဂီၢ်” အပူၤလီၤ.
ကွၢ်တၢ်ဂီၤမူလၢအခိၣ်တီမ့ၢ်ဝဲ တၢ်လဲၤဟးတၢ်ကွၢ်ကီလီၢ် ဝီဝံး(ခ်)– “ပှၤတကလုာ်လၢ ယဟိဝၤယွၤအမံၤအဂီၢ်” ဒီးစံးဆၢတၢ်သံကွၢ်တဖၣ်အံၤတက့ၢ်
ဒ်သိးပှၤတၢ်နာ် လံာ်စီဆှံကဂၢၢ်ကျၢၤအဂီၢ် စးထီၣ်ဖဲ ၁၉၁၄ န့ၣ်လံာ်စီဆှံကၠိဖိတဖၣ် သူဝဲတၢ်ပီးတၢ်လီအသီမနုၤလဲၣ်. ဒီးကဲဘျုးထဲလဲၣ်.
ဖဲ ၁၉၁၆ ဒီး ၁၉၁၈ န့ၣ်အဝဲသ့ၣ် ထံၣ်ဘၣ်ဒီးတၢ်မၤကွၢ် မနုၤလဲၣ်. ယဟိဝၤယွၤ ဟံးစုနဲၣ်ကျဲဝဲ တၢ်ကရၢကရိအံၤန့ၣ် တၢ်အုၣ်သးမနုၤအိၣ်လဲၣ်.
ယဟိဝၤယွၤ အပှၤဂီၢ်မုၢ်တဖၣ် ထံၣ်ဘၣ်ဒီး တၢ်ထီဒုၣ်ထီဒါသနာ်က့ အဝဲသ့ၣ်ဆဲးအိၣ်ဒီး တၢ်သးတီဒ်လဲၣ်.
ဖဲ ၁၉၃၅ န့ၣ် ယဟိဝၤယွၤအပှၤဂီၢ်မုၢ်တဖၣ် နၢ်ပၢၢ်ထီၣ်ဝဲ တၢ်နၢ်ပၢၢ်အသီမနုၤလဲၣ်. ဒီးအဘျုးအိၣ်လၢ အဝဲသ့ၣ်အဂီၢ်ဒ်လဲၣ်.
နလဲၤဟးလၢ တၢ်ကွၢ်ကီအလီၢ်မ့ၢ်ဝံၤလံန့ၣ် နထံၣ်ဘၣ်တၢ်ဂ့ၢ်မနုၤလၢ အမၤဂၢၢ်ကျၢၤထီၣ်နတၢ်နာ်လၢ ယဟိဝၤယွၤ ဟံးစုနဲၣ်ကျဲ ဒီးဒီသဒၢဝဲအပှၤဂီၢ်မုၢ်န့ၣ်လဲၣ်.