အိၣ်မူဒ် ခရံာ်ဖိအသိး
ဃုထၢတံၤသကိးလၢ တၢ်ကူၣ်သ့အပူၤ
တၢ်ကဲထီၣ်အသးဒီး ပှၤအံၣ်စရ့လးဖိတဖၣ်လၢ မိၤအးအတၢ်ပၢၤခိၣ်န့ၣ် မ့ၢ်တၢ်အဒိလၢ အဟ့ၣ်ပလီၢ်ဝဲ ခရံာ်ဖိတဖၣ်လီၤ. (၁ ကရံၣ်. ၁၀:၆, ၈, ၁၁) ပှၤအံၣ်စရ့လးဖိတဖၣ်လၢ အလဲၤရ့ဒီး ပှၤမိၤအးမုၣ်လၢ အဘူၣ်ထီၣ်ဘါထီၣ် တၢ်ဂီၤတၢ်ဖှီၣ် ဒီးအမၤကမၣ်မုၣ်ကမၣ်ခွါတဖၣ်န့ၣ် ဘၣ်တၢ်လ့ပစီ ဒ်သိးကမၤဘၣ် တၢ်ကမၣ်ဖးဒိၣ်အဂီၢ်လီၤ. (၄ မိၤ. ၂၅:၉) ပဝဲသ့ၣ်တဖၣ်စ့ၢ်ကီး ပသကိးလၢ တၢ်မၤလီၢ်, ပသကိးလၢကၠိ, ပှၤလၢပခိၣ်ပဃၢၤ ဒီးပှၤအဂၤတဖၣ်လၢ တဘူၣ်ထီၣ်ဘါထီၣ် ယဟိဝၤယွၤန့ၣ် အိၣ်ဝးတရံးပှၤလီၤ. ဘၣ်ဃးဒီး တၢ်ရ့တံၤရ့သကိးဒီး ပှၤလၢတဘူၣ်ထီၣ်ဘါထီၣ် ယဟိဝၤယွၤန့ၣ် ပန့ၢ်ဘၣ်တၢ်မၤလိလၢ လံာ်စီဆှံတၢ်ကွဲးနီၣ်တခါအံၤအပူၤဒ်လဲၣ်.
ကွၢ်တၢ်ဂီၤမူလၢအမ့ၢ် တၢ်အဒိအတဲာ်လၢ တၢ်ဟ့ၣ်ပလီၢ်လၢ ဆၢကတီၢ်ခဲအံၤအဂီၢ်—တၢ်ဂ့ၢ်ဖုၣ်ကိာ် ဒီးစံးဆၢ တၢ်သံကွၢ်တဖၣ်အံၤ–
စီၤစံၣ်ရံၤ ဒီးပှၤအဂၤတဖၣ် အတၢ်ဆိကမိၣ် ကမၣ်ဝဲန့ၣ် ပသ့ၣ်ညါဘၣ်လၢ တၢ်ကတိၤလၢ အတဲဘၣ်ဝဲ စီၤယးမံၣ်န့ၣ်ဒ်လဲၣ်.
ဒ်သိးစီၤယးမံၣ် ကအိၣ်ဒီးတၢ်ထံၣ်လၢ အကြၢးအဘၣ်အဂီၢ် စီၤပံၤနဃၣ် မၤစၢၤအီၤဒ်လဲၣ်.
တၢ်ရ့ဒီးပှၤလၢ အတၢ်စူၢ်တၢ်နာ် တဒ်သိးဒီးပှၤတဖၣ် လၢတၢ်အဲၣ်တၢ်ကွံအပူၤ ဒီးတၢ်ရ့ဒီး အဝဲသ့ၣ်ဘူးဘူးတံၢ်တံၢ်န့ၣ် လီၤဆီလိာ်အသးဒ်လဲၣ်.
လၢတၢ်အိၣ်ဖှိၣ်ပူၤစ့ၢ်ကီး ဘၣ်မနုၤအဃိ အရ့ဒိၣ်လၢ ပကဘၣ်ပလီၢ်ပသးလၢ တၢ်ရ့တံၤရ့သကိးန့ၣ်လဲၣ်.
ဘၣ်မနုၤအဃိ ပကဘၣ်ဟးဆှဲး တၢ်ရ့လိာ်သးဒီး ပှၤလၢပတသ့ၣ်ညါအီၤတဖၣ် လၢအ့ထၢၣ်နဲးအပူၤလဲၣ်.