အိၣ်မူဒ် ခရံာ်ဖိအသိး
နာ်လၢယဟိဝၤယွၤ အဲၣ်နၤ ဒီးသးတီဒီးနၤ
ယဟိဝၤယွၤ မူၤနၤလၢအအိၣ် ဒီးလၢအတၢ်ကရၢကရိအပူၤ. မ့ၢ်လၢနဟ့ၣ်လုၢ်ထီၣ်နသးလၢ အအိၣ် ဒီးဒိးဘျၢထံအဃိ နကဲထီၣ် ယဟိဝၤယွၤအတၢ်လံ. အဃိနမ့ၢ် ပှၤလုၢ်ဒိၣ်ပှ့ၤဒိၣ်တဂၤလၢ အဂီၢ်လီၤ. (ၡါ. ၄၃:၄) နမ့ၢ်ပှၤလၢအလုၢ်ဒိၣ်ပှ့ၤဒိၣ် လၢအဂီၢ်အဃိ ဖဲနထံၣ်ဘၣ် တၢ်ကီတၢ်ခဲအခါ အဝဲကကွၢ်ထွဲနၤဂ့ၤဂ့ၤ. ဒီးအဝဲကပာ်ဖျါထီၣ် အတၢ်အဲၣ်လၢအတီ လၢနဖီခိၣ် ခီဖျိလၢ အတၢ်ကရၢကရိလီၤ.—၁ ယိၤ. ၄:၈.
ဖဲပဒီပုၢ်ဝဲၢ်မုၣ်ခွါတဖၣ် ထံၣ်ဘၣ်န့ဆၢၣ် တၢ်ဘၣ်ဒိဘၣ်ထံးအခါ ယဟိဝၤယွၤ အတၢ်ကရၢကရိမၤစၢၤအဝဲသ့ၣ် အဃိပမ့ၢ်က့ၤဆိကမိၣ်ထံက့ၤ တၢ်ဂ့ၢ်တဖၣ်အံၤန့ၣ် ပတၢ်စံးဘျုးစံးဖှိၣ် ယဟိဝၤယွၤ အတၢ်အဲၣ်လၢအတီ ကအါထီၣ်ဝဲလီၤ.
ကွၢ်တၢ်ဂီၤမူလၢအမ့ၢ် ၂၀၁၉ ပှၤရဲၣ်ကျဲၤတၢ် ကမံးတံာ် အတၢ်ပာ်ဖျါ ဒီးစံးဆၢတၢ်သံကွၢ်လၢ လာ်တဖၣ်အံၤ–
ဖဲန့ဆၢၣ်တၢ်ဘၣ်ဒိဘၣ်ထံး ကဲထီၣ်အခါ ဝဲၤတြၢ်လၢဟီၣ်ခိၣ်ဒီဘ့ၣ် ကမၤစၢၤတၢ်အဂီၢ် ပှၤရဲၣ်ကျဲၤတၢ် ကမံးတံာ် ရဲၣ်ကျဲၤဝဲဒ်လဲၣ်.
ယဟိဝၤယွၤ အတၢ်ကရၢကရိ ကတဲာ်ကတီၤဝဲ တၢ်ဟံးစုနဲၣ်ကျဲ ဒီးတၢ်မၤစၢၤလၢ ဒီပုၢ်ဝဲၢ်မုၣ်ခွါလၢ အထံၣ်ဘၣ်ဒီး န့ဆၢၣ်တၢ်ဘၣ်ဒိဘၣ်ထံးတဖၣ် လၢအအိၣ်လၢ ကီၢ်အ့ၣ်ဒိၣ်နံၡါ ဒီးကီၢ်နဲးကၠံရံယါတဖၣ် အဂီၢ်ဒ်လဲၣ်.
ဘၣ်ဃးဒီး ပတၢ်ကရၢကရိ မၤစၢၤတၢ် ဖဲခိၤရိၤနၤတၢ်ဆါသံသတြိာ် ကဲထီၣ်အဆၢကတီၢ်န့ၣ် တၢ်မနုၤထုးန့ၢ်နသးလဲၣ်.