အိၣ်မူဒ် ခရံာ်ဖိအသိး
ဒ်သိးပသု တထုးယံာ်တၢ်ဆၢကတီၢ်တဂ့ၤအဂီၢ် တၢ်မနုၤကမၤစၢၤပှၤလဲၣ်
ပှၤတဂၤလၢအထုးယံာ်တၢ်ဆၢကတီၢ်န့ၣ် တၢ်လၢ အဘၣ်မၤဝဲန့ၣ် အတမၤဝဲတဘျီဃီဘၣ်. မ့မ့ၢ်စီၤယ့ၤဟူန့ၣ် အတကဲပှၤဒ်န့ၣ်ဘၣ်. ဖဲယဟိဝၤယွၤ ဟ့ၣ်လီၤအီၤ မူဒါလၢ အကဘၣ်လဲၤမၤသံ စီၤပၤအၤဃာ်အစၢၤအသွဲၣ်အခါ အဝဲလဲၤဝဲတဘျီဃီလီၤ. (၂ စီၤပၤ ၉:၆, ၇, ၁၆) ပှၤတနီၤတဲဝဲလၢ “နီၢ်တနံၣ်ခံနံၣ်ဒီးမၣ် ယကဒိးဘျၢထံ.” “နီၢ်တစိၢ်ဖိဒီးမၣ် ယကစးထီၣ်ဖးလံာ်စီဆှံကိးနံၤဒဲး.” “ယမ့ၢ်န့ၢ်တၢ်မၤဂ့ၤဂ့ၤမၣ် ယကတီၣ်ထီၣ်လၢ ယကမၤ ပှၤလဲၤလၢညါ.” ဒ်သိး ပသုတထုးယံာ်တၢ်ဆၢကတီၢ်လၢ ကမၤတၢ်လၢအဘၣ်ဃးဒီး ပတၢ်ဘူၣ်ထီၣ်ဘါထီၣ်တဂ့ၤအဂီၢ် လံာ်စီဆှံ မၤစၢၤပှၤသ့.
ဒ်သိး ပသုတထုးယံာ်တၢ်ဆၢကတီၢ်တဂ့ၤအဂီၢ် လံာ်စီဆှံအဆၢလၢ တၢ်ဖီလာ်တဖၣ်အံၤ ကမၤစၢၤပှၤဒ်လဲၣ်.