လါမ့ၤ ၂၇–လါယူၤ ၂

• စံး ၄၄:၁၉—တၢ်ကတိၤလၢအမ့ၢ် “ထွံၣ်မံၤအီၣ်တၢ်အလီၢ်” န့ၣ်အဲၣ်ဒိးတဲဝဲ မနုၤလဲၣ်. (it-1 ၁၂၄၂)

  ကွဲးလီၤ​တၢ်စံးဆၢ

• တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.

  ကွဲးလီၤ​တၢ်စံးဆၢ

သးစၢ်သ့ၣ်ဧၢ နဆိကမိၣ်ဘၣ်လၢ နထီၣ်တီၤထီကၠိ မ့ၢ်ဝံၤန့ၣ် နကမၤမနုၤလဲၣ်. ဘၣ်သ့ၣ်သ့ၣ် နကဆိကမိၣ်ဘၣ်လၢ ဒ်သိးနမၤပှၤလဲၤလၢညါ ကန့ၢ်အဂီၢ် နကမၤတၢ်မၤတမံၤမံၤ. မ့တမ့ၢ် နကဆိကမိၣ်ဘၣ်လၢ နကထီၣ်တၢ်မၤလိတမံၤမံၤ ဒ်သိး နမၤတၢ်ကသ့တမံၤမံၤ မ့တမ့ၢ် နကန့ၢ်ဘၣ် လဲးစ့ၣ်တမံၤမံၤ မ့တမ့ၢ် တၢ်ဖျိကၠိအလဲးမး တမံၤမံၤအဂီၢ်. ဖဲနသးစၢ်အခါ နတၢ်အိၣ်မူ ကလီၤသူၣ်ပိၢ်သးဝးဒိၣ်မး. ဘၣ်ဆၣ် တဘျီတခီၣ်န့ၣ် မ့ၢ်လၢ နတၢ်ဃုထၢအိၣ်အါမံၤ ဒီးနကဘၣ်ဃုထၢ မနုၤလဲၣ်န့ၣ် နတသ့ၣ်ညါဘၣ် မ့တမ့ၢ် ပှၤဂၤအတၢ်ဆီၣ်သနံးအဃိ နခိၣ်နူာ်ကဘံဘူ. ဒ်သိး နဆၢတဲာ်တၢ်လၢ တၢ်ကူၣ်သ့ပူၤ ကသ့အဂီၢ် တၢ်မနုၤ ကမၤစၢၤနၤလဲၣ်.

ဖး မးသဲ ၆:၃၂, ၃၃. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

• တချုးလၢ ပဃုထၢတၢ်မၤ ဒီးတၢ်ကူၣ်ဘၣ်ကူၣ်သ့ တမံၤမံၤဒံးဘၣ်အခါ ပမ့ၢ်အိၣ်ဒီး နီၢ်သးအဖီတၢၣ်န့ၣ် ဘၣ်မနုၤအဃိ ဂ့ၤဝဲလဲၣ်.

  ကွဲးလီၤ​တၢ်စံးဆၢ

• ဒ်သိးဖိတဖၣ် ကမၤထွဲ မးသဲ ၆:၃၂, ၃၃ အဂီၢ် မိပါတဖၣ် မၤစၢၤအဝဲသ့ၣ် ကသ့ဒ်လဲၣ်.—စံး ၇၈:၄-၇

  ကွဲးလီၤ​တၢ်စံးဆၢ

ဖဲနကဆၢတဲာ်တၢ်အခါ ပလီၢ်နသး ဒ်သိး နတအိၣ်ဒီး တၢ်ပာ်သူၣ်ပာ်သးလၢ နကကဲထီၣ် ပှၤမံၤဟူသၣ်ဖျါ မ့တမ့ၢ် နကကဲထီၣ် ပှၤကဲဒိၣ် ဒ်သိးခါဆူညါ နကအိၣ်ဘၣ် ဘီၣ်ဘီၣ်ညီညီအဂီၢ်တဂ့ၤ. (၁ ယိၤ ၂:၁၅, ၁၇) သ့ၣ်နီၣ်ထီၣ်လၢ ပှၤလၢအတၢ်ထူးတၢ်တီၤ အိၣ်အါန့ၣ် တညီလၢ အကတူၢ်လိာ် ဘီမုၢ်တၢ်သးခုကစီၣ်ဘၣ်. (လူၤ ၁၈:၂၄-၂၇) ပှၤလၢအဂုာ်ကျဲးစၢး လၢကထူးထီၣ်တီၤထီၣ်အဂီၢ်န့ၣ် ကမၤဒိၣ်ထီၣ်အတၢ်နာ် ဒီးကသးစၢၢ်ဆၢ တၢ်ဘၣ်ယဟိဝၤယွၤအသးအဂီၢ် တညီဘၣ်.—မး ၆:၂၄; မၢ် ၈:၃၆.

ကွၢ်တၢ်ဂီၤမူ လၢအမ့ၢ် ပလီၢ်နသးဘၣ်ဃးဒီး တၢ်ပာ်ဒိၣ် တၢ်လၢကလီၤမၢ်ကွံာ်တဖၣ်—တၢ်ထူးတၢ်တီၤ. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

• ဒ်သိး နဆၢတဲာ်တၢ်လၢအဘၣ် ကသ့အဂီၢ် ကတိၤဒိ ၂၃:၄, ၅ မၤစၢၤနၤ ကသ့ဒ်လဲၣ်.

  ကွဲးလီၤ​တၢ်စံးဆၢ