လါစဲးပတ့ဘၢၣ် ၁၆-၂၂

• စံး ၈၆:၁၁—ပပာ်ကဲ ယဟိဝၤယွၤ အမံၤလၢ ပသးဒီဖျၢၣ်န့ၣ် ပပာ်ဖျါထီၣ် ကသ့ဒ်လဲၣ်. (တၢး၂၀.၀၆ ၁၃ ¶၁၇, ၁၈)

  ကွဲးလီၤ​တၢ်စံးဆၢ

• တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.

  ကွဲးလီၤ​တၢ်စံးဆၢ

တၢ်တဲသကိးတၢ်. ကွၢ်တၢ်ဂီၤမူ. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

• တဘျီတခီၣ် ဘၣ်မနုၤအဃိ ပတအဲၣ်ဒိး ဟးစံၣ်တဲၤတဲလီၤတၢ်လၢၤဘၣ်လဲၣ်.

  ကွဲးလီၤ​တၢ်စံးဆၢ

• ဘၣ်မနုၤအဃိ ပတဘၣ်ဟ့ၣ်အၡူဘၣ်လဲၣ်.

  ကွဲးလီၤ​တၢ်စံးဆၢ

လၢတၢ်တလါအံၤ ခဲၣ်ဖ့လီၤဆီ အတီၢ်ပူၤ နသူ အိၣ်မူလီၤထူလီၤယိာ် ပှဲၤဒီးတၢ်သးခု ဘရိၣ်ခၠၣ် ဒီးစးထီၣ် တၢ်မၤလိလံာ်စီဆှံဒီး ပှၤတဂၤဂၤလံဧါ. နမ့ၢ်စးထီၣ်ဘၣ်လံဒု နကသးခု ဖးဒိၣ်ညါ. ဒီးဘၣ်သ့ၣ်သ့ၣ် ပှၤဂၤစ့ၢ်ကီး ထံၣ်ဘၣ်ဝဲလၢ နမၤဒ်န့ၣ်အဃိ အသးကဆူၣ်ထီၣ်လံ. ဒီးအဂၤတခါန့ၣ် နဂုာ်ကျဲးစၢး သနာ်က့ နမ့ၢ်တန့ၢ်ဘၣ် ပှၤမၤလိလံာ်စီဆှံ နီတဂၤဒံးဘၣ်န့ၣ် ဘၣ်သ့ၣ်သ့ၣ် နကတူၢ်ဘၣ်လၢ နမၤတၢ်န့ၣ် တကဲဘျုးနီတမံၤဘၣ်. နမ့ၢ်တူၢ်ဘၣ် ဒ်န့ၣ်န့ၣ် နကဘၣ်မၤ မနုၤလဲၣ်.

ကွၢ်တၢ်ဂီၤမူ လၢအမ့ၢ် “ပပာ်ဖျါထီၣ်လၢ ပမ့ၢ်ကစၢ်ယွၤ အခ့အပှၤတဖၣ် . . . လၢတၢ်ဝံသးစူၤ”—ဖဲစံၣ်တဲၤတဲလီၤတၢ်အခါ. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–

• နဂုာ်ကျဲးစၢးလၢ တၢ်စံၣ်တဲၤတဲလီၤတၢ်မၤအပူၤ သနာ်က့ နမ့ၢ်တူၢ်ဘၣ်လၢ အတကဲဘျုး နီတမံၤဘၣ်န့ၣ် ၂ ကရံၣ်သူး ၆:၄, ၆ ကဲထီၣ် တၢ်ဂံၢ်တၢ်ဘါ လၢနဂီၢ် ကသ့ဒ်လဲၣ်.

  ကွဲးလီၤ​တၢ်စံးဆၢ

• နတစးထီၣ်ဘၣ် တၢ်မၤလိလံာ်စီဆှံဒီးပှၤဂၤ အဃိ နမ့ၢ်တူၢ်ဘၣ်လၢ နတၢ်စံၣ်တဲၤတဲလီၤတၢ်မၤ တကဲဘျုး နီတမံၤဘၣ်န့ၣ် နကဘၣ်မၤ တၢ်ဆီတလဲဒ်လဲၣ်.

  ကွဲးလီၤ​တၢ်စံးဆၢ

သ့ၣ်နီၣ်ထီၣ်လၢ တၢ်သးခုနီၢ်ကီၢ်န့ၣ် တဒိးသန့ၤထီၣ်အသးလၢ ပစးထီၣ် တၢ်မၤလိလံာ်စီဆှံဒီး ပှၤပှဲၤဂၤလဲၣ် မ့တမ့ၢ် ပပှၤမၤလိလံာ်စီဆှံဖိ အိၣ်ပှဲၤဂၤလဲၣ်န့ၣ်ဘၣ်. တၢ်သးခုနီၢ်ကီၢ်န့ၣ် ဒိးသန့ၤထီၣ်အသးလၢ ပသ့ၣ်ညါလၢ ယဟိဝၤယွၤ ဘၣ်သူၣ်ဘၣ်သး ပတၢ်ဂုာ်ကျဲးစၢး. (လူၤ ၁၀:၁၇-၂၀) အဃိ သ့ၣ်နီၣ်ထီၣ်လၢ “သုတၢ်မၤလၢ ကစၢ်အဂီၢ်န့ၣ် တကဲထီၣ် တၢ်ကလီကလီဘၣ်” ဒီးဆဲးပၣ်ဃုာ်လၢ ခဲၣ်ဖ့အတၢ်ရဲၣ်တၢ်ကျဲၤ လၢနသးဒီဖျၢၣ်. —၁ ကရံၣ် ၁၅:၅၈.