လါမ့ၤ ၁၉-၂၅
ကတိၤဒိ ၁၄
တၢ်သးဝံၣ် ၈၉ ဒီးတၢ်ဃ့ထုကဖၣ် | တၢ်ကတိၤအိးထီၣ် (၁ မံးနံး)
၁. ဖဲနထံၣ်ဘၣ် တၢ်ကီတၢ်ခဲအခါ တၢ်လၢနကမၤအီၤတဖၣ်န့ၣ် ဆိကမိၣ်ထံအီၤ လီၤတံၢ်လီၤဆဲး
(၁၀ မံးနံး)
“တၢ်ကတိၤ ကိးထံၣ်ဒဲး” လၢနနၢ်ဟူဘၣ်အီၤန့ၣ် တဘၣ်နာ်အီၤခဲလၢာ်တဂ့ၤ (ကတိၤ ၁၄:၁၅; တၢး၂၃.၀၂ ၂၃ ¶၁၀-၁၂)
တဘၣ်မၤဒ် နတၢ်တူၢ်ဘၣ် အိၣ်ဝဲအသိး မ့တမ့ၢ် သန့ၤနသးလၢ နတၢ်လဲၤခီဖျိလၢ အပူၤကွံာ်တဂ့ၤ (ကတိၤ ၁၄:၁၂)
တဘၣ်ဒိကနၣ် ပှၤလၢအတတူၢ်လိာ် ယဟိဝၤယွၤ အတၢ်ကရၢကရိ အတၢ်ဟံးစုနဲၣ်ကျဲတဂ့ၤ (ကတိၤ ၁၄:၇)
လၢပကဆိကမိၣ်ထံအီၤအဂီၢ်– နမ့မ့ၢ် တၢ်အိၣ်ဖှိၣ်သးပှၢ်န့ၣ် ဖဲတၢ်ကီတၢ်ခဲ အိၣ်ထီၣ်အခါ နအိၣ်ကတဲာ်ကတီၤပာ်စၢၤနသး လၢနကမၤထွဲ တၢ်ဟံးစုနဲၣ်ကျဲ ဒီးသန့ၤသးလၢ ယဟိဝၤယွၤလံဧါ.—တၢး၂၄.၀၇ ၅ ¶၁၁.
၂. နီၢ်သးအတၢ်လုၢ်ဒိၣ်ပှ့ၤဒိၣ်တဖၣ်
(၁၀ မံးနံး)
ကတိၤ ၁၄:၁၅—တချုးလၢ ပဆၢတဲာ်တၢ်ဒံးဘၣ်အခါ ပကဘၣ်ဆိကမိၣ်ထံ တၢ်ဂ့ၢ်မနုၤလဲၣ်. (lff တၢ်မၤလိ ၃၅ တၢ်ဂ့ၢ် ၂)
တၢ်ဖးလံာ်စီဆှံလၢ တနွံအံၤအဂီၢ်န့ၣ် နမၤလိန့ၢ်ဘၣ် တၢ်လုၢ်ဒိၣ်ပှ့ၤဒိၣ်မနုၤလဲၣ်.
၃. တၢ်ဖးလံာ်စီဆှံ
(၄ မံးနံး) ကတိၤ ၁၄:၁-၂၁ (th တၢ်မၤလိ ၁၁)
၄. စးထီၣ်တဲသကိးတၢ်ဒီးပှၤဂၤ
(၃ မံးနံး) တၢ်စံၣ်တဲၤတဲလီၤတၢ်လၢ ကမျၢၢ်မဲာ်ညါ. ပှၤတဂၤ တဲဝဲလၢ အဘၣ်ယိၣ်တၢ် ဘၣ်ဃးဒီး စံပွါယ့ တၢ်အိၣ်သး. အဃိ တဲပၠးအီၤ တၢ်ဂ့ၢ်တမံၤမံၤလၢ လံာ်စီဆှံအပူၤ. (lmd တၢ်မၤလိ ၃ တၢ်ဂ့ၢ် ၃)
၅. က့ၤကဒါက့ၤလၢအဝဲသ့ၣ်အိၣ်
(၄ မံးနံး) တဟံၣ်ဘၣ်တဟံၣ်. လၢညါတဘျီပှၤလၢ နတဲသကိးတၢ်ဒီးအီၤတဂၤ ဘၣ်သးသ့ၣ်ညါ တၢ်ဂ့ၢ်တမံၤမံၤအဃိ ခဲအံၤတဘျီ နဟဲစိာ်န့ၢ်အီၤ လံာ်တဘ့ၣ်လၢ အဘၣ်ထွဲလိာ်သးဒီး တၢ်ဂ့ၢ်လၢ အဘၣ်သးသ့ၣ်ညါဝဲ. (lmd တၢ်မၤလိ ၉ တၢ်ဂ့ၢ် ၄)
၆. ဒုးကဲထီၣ်ပှၤဂၤလၢ ခရံာ်အပျဲၢ်အဘီၣ်
(၅ မံးနံး) ဟ့ၣ်ဂံၢ်ဟ့ၣ်ဘါ နပှၤမၤလိလံာ်စီဆှံဖိလၢ ကပာ်လီၤဖီတၢၣ်လၢ ကဖးလံာ်စီဆှံ ကိးနံၤဒဲး ဒီးတဲပၠးအီၤလၢ အကဘၣ်မၤဝဲဒ်လဲၣ်. (th တၢ်မၤလိ ၁၉)
တၢ်သးဝံၣ် ၁၂၆
၇. အိၣ်ကတဲာ်ကတီၤဆိပာ်စၢၤသးလၢ တၢ်ဘၣ်ဒိဘၣ်ထံး သတူၢ်ကလာ်အဂီၢ်
(၁၅ မံးနံး) တၢ်တဲသကိးတၢ်.
တၢ်အိၣ်ဖှိၣ်သးပှၢ် ကဖီၣ်ဝဲ မူဒါအံၤ. ဝဲၤတြၢ် မ့တမ့ၢ် တၢ်အိၣ်ဖှိၣ်သးပှၢ်ကရူၢ် အတၢ်ဟံးစုနဲၣ်ကျဲ မ့ၢ်အိၣ်တမံၤမံၤန့ၣ် ပာ်ဖျါထီၣ်အီၤစ့ၢ်ကီး.
ပအိၣ်မူဘၣ်လၢ “မုၢ်နံၤခံကတၢၢ်တဖၣ်” အဆၢကတီၢ်အဃိ ပကထံၣ်ဘၣ် တၢ်ကီတၢ်ခဲ အါထီၣ်မးအါထီၣ်. (၂ တံၤ ၃:၁) တချုးလၢ တၢ်ဘၣ်ဒိဘၣ်ထံး ကဲထီၣ်အသးဒံးဘၣ် မ့တမ့ၢ် ဖဲတၢ်ဘၣ်ဒိဘၣ်ထံး ကဲထီၣ်သးအခါ ယဟိဝၤယွၤ အပှၤဂီၢ်မုၢ်တဖၣ် ဒိးန့ၢ်ဘၣ် တၢ်ဟံးစုနဲၣ်ကျဲ လၢမၤစၢၤအဝဲသ့ၣ်လၢ ကအိၣ်ဘၣ်ဘံၣ်ဘံၣ်ဘၢဘၢ. အဃိ ခဲအံၤ ပမ့ၢ် ဒိကနၣ် တၢ်ဟံးစုနဲၣ်ကျဲခီဖျိ မၤဂၢၢ်ကျၢၤထီၣ် ပတၢ်ရ့လိာ်သးဒီး ယဟိဝၤယွၤ ဒီးကတဲာ်ကတီၤပာ်စၢၤ တၢ်လၢပလိၣ်ဘၣ်အီၤန့ၣ် ကမၤစၢၤပှၤ ဖဲတၢ်ဘၣ်ဒိဘၣ်ထံး ကဲထီၣ်အဆၢကတီၢ်.—ကတိၤ ၁၄:၆, ၈.
မၤဂၢၢ်ကျၢၤထီၣ် နတၢ်ရ့လိာ်သးဒီး ယဟိဝၤယွၤ– ဂုာ်ကျဲးစၢး ဖးလံာ်စီဆှံ ဒီးမၤနီၢ်ကစၢ် တၢ်မၤလိလံာ်စီဆှံ ထီဘိ. မၤဂ့ၤထီၣ် နတၢ်သ့တၢ်ဘၣ်လၢ တၢ်စံၣ်တဲၤတဲလီၤတၢ်မၤ အကျိၤအကျဲ အမၠိမၠိ. နမ့ၢ်ဘၣ်အိၣ်ယံၤ မ့တမ့ၢ် မ့ၢ်ဘၣ်အိၣ်လီၤဆီဒီး ဒီပုၢ်ဝဲၢ်အဂၤတဖၣ် တစိၢ်ဖိနာ်က့ တဘၣ်ဘၣ်ယိၣ်တၢ်တဂ့ၤ. (ကတိၤ ၁၄:၃၀) နတအိၣ်ထဲတဂၤဘၣ်, ယဟိဝၤယွၤ ဒီးယ့ၣ်ၡူး အိၣ်ဒီးနၤထီဘိလီၤ.—od-E ၁၇၆ ¶၁၅-၁၇
ကတဲာ်ကတီၤပာ်စၢၤ တၢ်လၢပလိၣ်ဘၣ်အီၤ– တဘျီတခီၣ် ပကဘၣ်ဃ့ၢ်ဟးထီၣ်ချ့ချ့ သတူၢ်ကလာ်သ့ဝဲ အဃိ နကဘၣ်ရဲၣ်ကျဲၤပာ်စၢၤ ထၢၣ်လၢ အအိၣ်ဒီး တၢ်အီၣ်တၢ်အီ, ကသံၣ်ကသီ ဒီးတၢ်လၢနလိၣ်ဘၣ်တဖၣ်. တကးဒံးဘၣ် တဘျီတခီၣ်န့ၣ် ဖဲတၢ်ဘၣ်ဒိဘၣ်ထံးကဲထီၣ် အဆၢကတီၢ် နဟးထီၣ်လၢ ဟံၣ်ချၢတသ့ဘၣ် ကအိၣ်ဝဲတတီၤဖိညါ အဃိ ဟံၣ်ဖိဃီဖိ တဒူၣ်ဘၣ်တဒူၣ်န့ၣ် ကြၢးပာ်ဃာ်ပာ်စၢၤဝဲ တၢ်အီၣ်တၢ်အီ, ကသံၣ်ကသီ ဒီးတၢ်လၢအလိၣ်ဘၣ်တဖၣ်.—ကတိၤ ၂၂:၃; g၁၇.၅-E ၄
ကွၢ်တၢ်ဂီၤမူ လၢအမ့ၢ် မ့ၢ်နအိၣ်ကတဲာ်ကတီၤနသးလၢ တၢ်ဘၣ်ဒိဘၣ်ထံးလၢန့ဆၢၣ်အဃိလံဧါ. ဝံၤဒီးသံကွၢ် ဒီပုၢ်ဝဲၢ်တဖၣ်လၢ–
ဖဲတၢ်ဘၣ်ဒိဘၣ်ထံး ကဲထီၣ်လၢ ပအိၣ်တၢ်လီၢ်အခါ ယဟိဝၤယွၤ ကမၤစၢၤပှၤ လၢကျဲဒ်လဲၣ်.
ပအိၣ်ကတဲာ်ကတီၤပာ်စၢၤပသး ကသ့ဒ်လဲၣ်.
ပမၤစၢၤ ပှၤလၢအထံၣ်ဘၣ်ဒီး တၢ်ဘၣ်ဒိဘၣ်ထံးတဖၣ် ကသ့ဒ်လဲၣ်.
၈. တၢ်အိၣ်ဖှိၣ်တၢ်မၤလိ လံာ်စီဆှံ
(၃၀ မံးနံး) bt တၢ်မၤလိ၂၆ ¶၁၈-၂၂ ဒီးတၢ်လွံၢ်နၢၣ်လၢ ကဘျံးပၤ ၂၀၉