တၢ်ဂ့ၢ်မိၢ်ပှၢ်

လၢယဟိဝၤယွၤအပှၤဂီၢ်မုၢ်တဖၣ်အဂီၢ်န့ၣ် တၢ်သူၣ်ဝံၣ်သးဆၢ မ့ၢ်တၢ်လၢအရ့ဒိၣ်တခါလၢ တၢ်ဘူၣ်ထီၣ်ဘါထီၣ်အဂီၢ်လီၤ. ဘၣ်ဆၣ်ပှၤတနီၤနီၤသးဝံၣ်တၢ်လၢ ပှၤဂၤအမဲာ်ညါတဘူၣ်ဘၣ်. ပသးဝံၣ်စံးထီၣ်ပတြၢၤ ယဟိၤဝၤယွၤလၢ တၢ်သူၣ်ဒူသးဒူအပူၤကသ့ဒ်လဲၣ်. တၢ်မၤလိတခါအံၤ ဒုးသ့ၣ်ညါပှၤလၢ ဘၣ်မနုၤအဃိပကြၢး သးဝံၣ်စံးထီၣ်ပတြၢၤ ယဟိဝၤယွၤလၢ သးဒီဖျၢၣ်လဲၣ် ဒီးအိၣ်ဒီးတၢ်ဟ့ၣ်ကူၣ်တနီၤလၢ ကမၤစၢၤပှၤဒ်သိးပသးဝံၣ်တၢ် ပကလုၢ်ကမုာ်အဂီၢ်န့ၣ်လီၤ.

ပဟံးန့ၢ်တၢ်မၤလိ အလုၢ်ဒိၣ်ပှ့ၤဒိၣ်လၢ တၢ်ပူၤဖျဲးအဝ့ၢ်အတၢ်ရဲၣ်တၢ်ကျဲၤလၢ ပှၤအံၣ်စရ့လးဖိလၢပျၢၤတဖၣ်အဂီၢ်သ့ဝဲလီၤ. တၢ်မၤလိလၢတၢတခါအပူၤန့ၣ် ပထံၣ်ဘၣ် ပှၤလၢအမၤတၢ်ကမၣ်တဖၣ် ဟံးန့ၢ်တၢ်အိၣ်သဒၢအလီၢ်လၢ ယဟိဝၤယွၤအအိၣ် သ့လၢကျဲဒ်လဲၣ်. ဒီးတၢ်မၤလိလၢခံတခါအံၤအပူၤန့ၣ် ပကထံၣ်ဘၣ်လၢ ယဟိဝၤယွၤအဒိအတဲာ်န့ၣ် ကမၤစၢၤပှၤလၢ ပကပျၢ်ပှၤဂၤအတၢ်ကမၣ်, ပကပာ်လုၢ်ပာ်ပှ့ၤသးသမူ ဒီးပမၤတၢ်တီတီလိၤလိၤ ကသ့ဒ်လဲၣ်န့ၣ်လီၤ.

တၢ်မၤလိခံခါအံၤ ဘၣ်ဃးဒီးလံာ်ပရၢလၢ စီၤပီလူးကွဲးအိၣ်သကိးဝဲ ခရံာ်ဖိလၢ ကလီးစဲတဖၣ်န့ၣ်လီၤ. တၢ်မၤလိအဆိကတၢၢ်တခါန့ၣ် ကတဲနၢ်ပၢၢ်ပှၤဘၣ်ဃး ပှၤဟီၣ်ခိၣ်ဖိအတၢ်ထံၣ်တနီၤန့ၣ်လီၤ. ဒီးတၢ်မၤလိခံခါတခါန့ၣ် ပာ်ဖျါထီၣ်ဝဲလၢ ဒ်သိးပကန့ၢ်ဘၣ်ခိၣ်ဖးလၢ ယဟိဝၤယွၤဟ့ၣ်ပှၤအဂီၢ် ပဂ့ၢ်လိာ်ကွံာ် တၢ်လၢကမၤလီၤဃံၢ်ပှၤတဖၣ်ကသ့ဒ်လဲၣ်န့ၣ်လီၤ.