တၢ်ဂ့ၢ်မိၢ်ပှၢ်

ပှၤဟီၣ်ခိၣ်ဖိတဖၣ်​ ဂုာ်ကျဲးစၢးမၤဝဲဒ်သိး ကဒိးန့ၢ်ဘၣ်အါထီၣ်တၢ်သဘျ့လီၤ. ဘၣ်ဃးဒီးတၢ်သဘျ့န့ၣ်​ ခရံာ်ဖိတဖၣ်​ ကြၢးအိၣ်ဒီးတၢ်ထံၣ်ဒ်လဲၣ်. တၢ်မၤလိခံခါအံၤ ကပာ်ဖျါထီၣ်န့ၢ်ပှၤလၢ တၢ်သဘျ့နီၢ်ကီၢ်န့ၣ်​ မ့ၢ်မနုၤလဲၣ်, ပအိၣ်ဒီးတၢ်သဘျ့နီၢ်ကီၢ်ကသ့ဒ်လဲၣ်, ဒီးတၢ်သဘျ့တနီၤလၢ ပဒိးန့ၢ်ဘၣ်အီၤ ခဲအံၤန့ၣ်​ ပသူအီၤလၢ ကကဲဘျုးလၢပနီၢ်ကစၢ် ဒီးပှၤဂၤအဂီၢ်ကသ့ဒ်လဲၣ်. တကးဒံးဘၣ်​ ပကသ့ၣ်ညါဘၣ်လၢ ပမၤလၤကပီၤယဟိဝၤ လၢအမ့ၢ်တၢ်သဘျ့နီၢ်ကီၢ်အယွၤ ကသ့ဒ်လဲၣ်.

လၢတၢ်မၤလိအံၤအပူၤ ပကမၤလိဘၣ်လၢ ထီဘိန့ၣ်​ ယဟိဝၤယွၤ ဟ့ၣ်ဂံၢ်ဟ့ၣ်ဘါဝဲ အခ့အပှၤတဖၣ်ဒ်လဲၣ်​ ဒီးအခ့အပှၤတဖၣ်စ့ၢ်ကီး ထီဘိန့ၣ်​ အဝဲသ့ၣ်ကွၢ်လိမၤဒိးဝဲ ယဟိဝၤယွၤလၢ ကဟ့ၣ်ဂံၢ်ဟ့ၣ်ဘါပှၤဂၤ ဒ်လဲၣ်န့ၣ်လီၤ. ဒီးပကသ့ၣ်ညါဘၣ်စ့ၢ်ကီး ဘၣ်မနုၤအဃိ ပဘၣ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤ အါန့ၢ်ဒံးလၢညါလဲၣ်န့ၣ်လီၤ.

သးစၢ်တဖၣ်​ မ့ၢ်သးစၢၢ်ဆၢဒီးအဖီတၢၣ်လၢ ကမၤသးခုယဟိဝၤယွၤအသးန့ၣ်​ အဝဲသ့ၣ်စ့ၢ်ကီး ကအိၣ်ဒီးတၢ်သးခုလီၤ. တၢ်မၤလိအံၤ ပာ်ဖျါထီၣ်ဝဲတၢ်ဂ့ၢ်လၢ ဘၣ်မနုၤအဃိ ပှၤသးစၢ်တဖၣ်​ ကြၢးအိၣ်ဒီးဖီတၢၣ်လၢ ကမၤယဟိၤဝၤယွၤအတၢ်မၤ ဒီးပာ်ဒိၣ်တၢ်စံၣ်တဲၤတဲလီၤတၢ်မၤလၢ အဝဲသ့ၣ်အတၢ်အိၣ်မူအပူၤလဲၣ်န့ၣ်လီၤ.