တၢ်ဂ့ၢ်ခိၣ်တီတဖၣ်

မုၢ်မဆါတနံၤအံၤ ပှၤအါဂၤ အဲၣ်ဒိးဝဲတၢ်မံၤဟူသၣ်ဖျါလၢ ဟီၣ်ခိၣ်လီၤ. တၢ်မၤလိအံၤအပူၤ ပကမၤလိဘၣ်လၢ ယဟိဝၤယွၤ မ့ၢ်ပှၤအဂ့ၤကတၢၢ်တဂၤလၢ ကသ့ၣ်ညါဒီးပာ်လုၢ်ပာ်ပှ့ၤပှၤလီၤ. ဘၣ်မနုၤအဃိ ပဘၣ်ပာ်လီၤသးဂၢၢ်ဂၢၢ်ကျၢၤကျၢၤ ဒ်သိးပကမၤတၢ်လၢ ယဟိဝၤယွၤ ကပာ်လုၢ်ပာ်ပှ့ၤပှၤန့ၣ်လဲၣ်. တကးဒံးဘၣ်​ ပကတဲသကိးစ့ၢ်ကီး ယဟိဝၤယွၤပာ်ဖျါထီၣ်လၢ အပာ်လုၢ်ပာ်ပှ့ၤ အခ့အပှၤလၢ အတီဒီးအီၤတဖၣ်လၢကျဲလၢ အဝဲသ့ၣ်တဆိၣ်ကမိၣ်ဘၣ်ဝဲ နီတဘျီဘၣ်န့ၣ်လီၤ.

လၢတၢ်မၤလိအံၤအပူၤ ပကထံၣ်ဘၣ်လၢ ဘၣ်မနုၤအဃိ ပှၤတီပှၤလိၤ စီၤမိၤၡ့န့ၣ်မၤကမၣ်တၢ်အဃိ အတၢ်ခွဲးတၢ်ယာ်လၢ ကလဲၤနုာ်ဘၣ်လၢ ကီၢ်တၢ်စံးပာ်အပူၤ လီၤမၢ်ကွံာ်ဝဲလဲၣ်. ပဝဲသ့ၣ်တဖၣ်စ့ၢ်ကီး ပကဘၣ်ပလီၢ်ပသးဒ်သိး ပသုတမၤဘၣ်​ တၢ်ကမၣ်ဒ်သိးစီၤမိၤၡ့တဂ့ၤအဂီၢ်လီၤ.

ပဝဲပှၤဟီၣ်ခိၣ်ဖိခဲလၢာ် ပမ့ၢ်ယဟိဝၤယွၤအတၢ်အဃိ ပဘၣ်တီဒီးအီၤလီၤ. ပှၤတနီၤနီၤန့ၣ်အဝဲသ့ၣ်တဲလၢ ဘူၣ်ထီၣ်ဘါထီၣ်​ ကစၢ်ယွၤ ဘၣ်ဆၣ်​ အတဒိကနၣ်ကစၢ်ယွၤအတၢ်သိၣ်တၢ်သီဘၣ်. တၢ်မၤလိလၢ အခီၣ်ထံးတခါအပူၤန့ၣ်​ ပကမၤလိဘၣ်​ စီၤကၤယံၣ်, စီၤၡလိၤမိၤ, စီၤမိၤၡ့ ဒီးစီၤအၤဟရိၣ်​ အဂ့ၢ်. ဒီးပဟံးန့ၢ်တၢ်မၤလိလၢ အဝဲသ့ၣ်အအိၣ်ကသ့ဒ်လဲၣ်. ဒီးတၢ်မၤလိခံခါတခါန့ၣ်​ ပကတဲသကိး ကျဲလၢ ပကပာ်ဖျါထီၣ်တၢ်စံးဘျုးစံးဖှိၣ်​ ယဟိဝၤယွၤလၢ ပကဲဘၣ်အတၢ်အဃိလီၤ.