ဘိးဘၣ်သ့ၣ်ညါတၢ်သးခုကစီၣ်

၁. တၢ်ပာ်ခူသူၣ်ဘီမုၢ်တၢ်မ့ၢ်တၢ်တီယံာ်လံ.

တၢ်မ့ၢ်တၢ်တီတၢ်စံးပာ်ချံသၣ်ဖျါထီၣ်လံ.

ယဟိဝၤအဲၣ်တၢ်တီလိၤ ဒီးသးကညီၤတၢ်,

နၢ်ပၢၢ်စၢၤပှၤတၢ်ဒဲးဘးဖိ အတၢ်အိၣ်သး.

ယွၤတိာ်ပာ်ဝဲလၢ အဖိခွါကြၢးပၢဟီၣ်ခိၣ်.

ဆၢကတီၢ်ဘၣ်ယွၤတၢ်ပၢ အိၣ်ဖျဲၣ်ထီၣ်လၢ မူခိၣ်.

ကတီၤဝဲတလးမူးပိာ်မုၣ်လၢဖိခွါဂီၢ်,

သိလၢအစှၤတဖု အလၤကပီၤဖျါထီၣ်.

၂. တၢ်သ့ၣ်ညါဆိ သးခုကစီၣ်လၢပတဲအံၤ,

ယဟိဝၤအဲၣ်ဒိးလၢ ပပာ်ဖျါထီၣ်ခဲအံၤ.

လၢတၢ်သးခုမူခိၣ်ကလူး ပၣ်ဃုာ်ဒီးပှၤ,

ဘီမုၢ်တၢ်မ့ၢ်တၢ်တီဂီၢ် အိၣ်ပှိၤမၤစၢၤနၤ.

မူဒါဒီးတၢ်ခွဲးတၢ်ယာ်လၢပဒိးန့ၢ်အီၤ

ယွၤအမံၤတီလိၤ မ်အဘၣ်တၢ်ပာ်စီဆှံအီၤ.

မံၤလၢအမ့ၢ်ပှၤအုၣ်သး ပဒိးကိးလီၤသး

ဘီမုၢ်တၢ်ကစီၣ်ဘၣ်စံၣ်တဲၤတဲလီၤသပှၢ်.