အကူာ် ၄
အဝဲသ့ၣ်ဒိကနၣ် မုၣ်ကီၤလံၢ်အကလုၢ်အဃိ တၢ်ကဲထီၣ်အသးဒ်လဲၣ်
နီၢ်အံၣ်အု ဒီးစီၤအၤဒၣ် တဒိကနၣ် ယွၤအကလုၢ်ဘၣ်အဃိ အဝဲသ့ၣ်ဘၣ်သံဝဲ. ၁ မိၤၡ့ ၃:၆, ၂၃
နီၢ်အံၣ်အုဒိကနၣ် မုၣ်ကီၤလံၢ်အကလုၢ် အဃိ အအီၣ်ဝဲသ့ၣ်သၣ်. ဒီးအဝဲဟ့ၣ်အီၣ်ဝဲ စီၤအၤဒၣ် ဒီးစီၤအၤဒၣ်အီၣ်ဝဲစ့ၢ်ကီး.
အဝဲသ့ၣ်မၤကမၣ်တၢ် ဒီးအကဲဝဲတၢ်ဒဲးဘး. အဃိ ကစၢ်ယွၤ ဒုးဟးထီၣ်ကွံာ်အဝဲသ့ၣ်လၢ ဧ့ၤဒ့ၣ်တၤသၣ်လီၢ်အပူၤ.
အဝဲသ့ၣ် ဒီးအဖိအလံၤတဖၣ် အတၢ်အိၣ်မူန့ၣ် ကီခဲဝဲဒိၣ်မး. အဝဲသ့ၣ်သးပှၢ်ထီၣ် ဒီးဘၣ်သံဝဲ. အဝဲသ့ၣ်တအိၣ်ဒီး သးလၢအသံတသ့ဘၣ် အဃိ ဖဲအဝဲသ့ၣ်သံအခါ အဝဲသ့ၣ်တလဲၤတုၤလၢ တၢ်လီၢ်အဂၤနီတတီၤဘၣ်.
ပှၤသံတဖၣ်န့ၣ် ကကဲထီၣ်က့ၤ ဟီၣ်ခိၣ်ကမူၣ်. ၁ မိၤၡ့ ၃:၁၉
မ့ၢ်လၢ ပဝဲခဲလၢာ် ပကဲ နီၢ်အံၣ်အု ဒီးစီၤအၤဒၣ် အစၢၤအသွဲၣ်အဃိ ပဘၣ်သံ. ပှၤသံတဖၣ်န့ၣ် တထံၣ်တၢ်ဘၣ်, တနၢ်ဟူတၢ်ဘၣ် ဒီးမၤတၢ်တသ့ နီတမံၤလၢၤဘၣ်.—စံၣ်တဲၤတဲလီၤတၢ် ၉:၅, ၁၀.
ယဟိဝၤယွၤ တအဲၣ်ဒိးလၢ ပှၤဟီၣ်ခိၣ်ဖိတဖၣ် ကသံဘၣ်. တယံာ်လၢၤဘၣ်န့ၣ် ကစၢ်ယွၤကမၤသမူထီၣ်က့ၤ ပှၤသံတဖၣ်. ဒီးအဝဲသ့ၣ်မ့ၢ်ဒိကနၣ် ယွၤအကလုၢ်န့ၣ် အဝဲသ့ၣ်ကအိၣ်မူဘၣ် လီၤထူလီၤယိာ်.