အကူာ် ၅
တချုးလၢ ထံလုၢ်ဘၢတၢ်ဒံးဘၣ်န့ၣ် မတဂၤသ့ၣ်တဖၣ် အိၣ်ဒီးတၢ်ဒိကနၣ်လဲၣ်
ပှၤအါတက့ၢ်လၢ စီၤနိအၤအစိၤန့ၣ် မၤတၢ်အၢတၢ်သီ. ၁ မိၤၡ့ ၆:၅
စီၤအၤဒၣ်အမါ နီၢ်အံၣ်အုန့ၣ် အိၣ်ဖျဲၣ်ထီၣ် အဖိတဖၣ်. ဒီးပှၤဟီၣ်ခိၣ်ဖိ အါထီၣ်ဂီၢ်ထီၣ်ဝဲ. လၢခံန့ၣ်မူခိၣ်ကလူးတနီၤ မၤသကိးတၢ်ဒီးမုၣ်ကီၤလံၢ်.
အဝဲသ့ၣ်ဟဲလီၤလၢ ဟီၣ်ခိၣ်ချၢ ဒီးမၤကဲထီၣ်အသး ဒ်သိးဒီးပှၤဟီၣ်ခိၣ်ဖိ ဒ်သိးအဝဲသ့ၣ် ကအိၣ်ဃုာ်ဒီး ပှၤပိာ်မုၣ်တဖၣ်အဂီၢ်. ဒီးပှၤပိာ်မုၣ်တဖၣ်န့ၣ် အိၣ်ဖျဲၣ်ထီၣ် အဖိခွါတဖၣ်လၢ အနီၢ်ဖးဒိၣ်ဖးထီ ဒီးအဝဲသ့ၣ် အဂံၢ်ဆူၣ်ဘါဆူၣ် ဒိၣ်မး.
လၢဟီၣ်ခိၣ်ချၢန့ၣ် အိၣ်ထဲ ပှၤလၢအမၤတၢ်အၢတၢ်သီတဖၣ်. လံာ်စီဆှံတဲဝဲလၢ “ပှၤဟီၣ်ခိၣ်ဖိ အတၢ်အၢတၢ်သီန့ၣ် အိၣ်ဝဲ အါအါဂီၢ်ဂီၢ်လၢ ဟီၣ်ခိၣ်ချၢ ဒီးလၢအဝဲသ့ၣ် အသးပူၤန့ၣ် ဆိကမိၣ်ဝဲထဲ တၢ်အၢတၢ်သီ ကိးဆၢကတီၢ်ဒဲးလီၤ.”
စီၤနိအၤ ဒိကနၣ်ယွၤအကလုၢ် ဒီးတ့ထီၣ် ကဘီဖးဒိၣ်တဘ့ၣ်. ၁ မိၤၡ့ ၆:၁၃, ၁၄, ၁၈, ၁၉, ၂၂
စီၤနိအၤ ကဲပှၤလၢအဂ့ၤတဂၤ. ယဟိဝၤယွၤ တဲဘၣ်စီၤနိအၤလၢ ထံကလုၢ်ဘၢ ဟီၣ်ခိၣ် ဒီးအကမၤဟးဂီၤကွံာ် ပှၤအၢပှၤသီတဖၣ်.
ကစၢ်ယွၤမၢ စီၤနိအၤ တ့ထီၣ် ကဘီဖးဒိၣ်တဘ့ၣ်လၢ အဟံၣ်ဖိဃီဖိ ဒီးဆၣ်ဖိကီၢ်ဖိ ကိးကလုာ်ဒဲးအဂီၢ်.
စီၤနိအၤဟ့ၣ်ပလီၢ် ပှၤကညီတဖၣ်လၢ ထံကလုၢ်ဘၢဟီၣ်ခိၣ်. ဘၣ်ဆၣ်အဝဲသ့ၣ် တဒိကနၣ်တၢ်ဘၣ်. ပှၤတနီၤနီၤန့ၣ် နံၤဘၣ်စီၤနိအၤ ဒီးပှၤအဂၤတနီၤန့ၣ် သးဟ့အီၤ.
ဖဲစီၤနိအၤ တ့ထီၣ်ကဘီဖးဒိၣ်ဝံၤအခါ အဝဲဒုးလဲၤနုာ် ဆၣ်ဖိကီၢ်ဖိတဖၣ်လၢ ကဘီပူၤ.