ခါဆူညါန့ၣ် တၢ်ကမၤအသးဒ်လဲၣ်
ဟီၣ်ခိၣ်တၢ်အိၣ်သးတဖၣ် . . .
ကအိၣ်ဒ်အလီၢ်လီၢ်ဧါ.
ကနးဒိၣ်ထီၣ်ဧါ.
ကဂ့ၤထီၣ်က့ၤဒံးဧါ.
လံာ်စီဆှံတဲဝဲဒ်လဲၣ်
“ကစၢ်ယွၤကထွါကွံာ် အဝဲသ့ၣ် အမဲာ်ထံခဲလၢာ် ဒီးတၢ်သံတအိၣ်လၢၤဘၣ်. ဒီးတၢ်သူၣ်အုးသးအုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်လၢအဆါမ့ၢ်ဂ့ၤ တအိၣ်လၢၤဘၣ်. တၢ်အလီၢ်လံၤလၢ အမၤသးအုးတ့ၢ်ပှၤန့ၣ် ဒံကွံာ်ဝဲလံ.”—လီၣ်ဖျါ ၂၁:၄, ဟီၣ်ခိၣ်သီ တၢ်ကွဲးကျိာ်ထံလံာ်စီဆှံ.
လံာ်စီဆှံတဆၢအံၤ အကဲဘျုးလၢနဂီၢ်ဒ်လဲၣ်
နကအိၣ်ဒီး တၢ်ဖံးတၢ်မၤလၢ အလီၤသူၣ်မံသးမုာ်. —ယၡါယၤ ၆၅:၂၁-၂၃.
တၢ်ဆူးတၢ်ဆါ တအိၣ်လၢၤဘၣ်.—ယၡါယၤ ၂၅:၈; ၃၃:၂၄.
နကအိၣ်မူဘၣ်တပူၤဃီဒီး နဟံၣ်ဖိဃီဖိဒီး နသကိးတဖၣ်လၢ တၢ်သးခုအပူၤ လီၤထူလီၤယိာ်.—စံးထီၣ်ပတြၢၤ ၃၇:၁၁, ၂၉.
တၢ်လၢလံာ်စီဆှံတဲဝဲန့ၣ် ပနာ်အီၤသ့ သပှၢ်ကတၢၢ်ဧါ
ပနာ်အီၤသ့ခီဖျိလၢ တၢ်ဂ့ၢ်လၢ တၢ်ဖီလာ်အဃိ.
ကစၢ်ယွၤမၤလၢပှဲၤ အတၢ်အၢၣ်လီၤတဖၣ်သ့ဝဲ. မ့ၢ်လၢ ယဟိဝၤယွၤ အစိကမီၤ လၢာ်တသ့ဘၣ် အဃိ လံာ်စီဆှံကိးအီၤလၢ “သ့တၢ်လၢာ်” ကစၢ်. (လီၣ်ဖျါ ၁၅:၃) လံာ်စီဆှံတဲဝဲလၢ “ကစၢ်ယွၤန့ၣ် မၤတၢ်သ့ခဲလၢာ်” အဃိ ပသ့ၣ်ညါဘၣ်လၢ ကစၢ်ယွၤမၤဂ့ၤထီၣ်က့ၤ ဟီၣ်ခိၣ်တၢ်အိၣ်သးတဖၣ် သ့ဝဲ.—မးသဲ ၁၉:၂၆.
ကစၢ်ယွၤအဲၣ်ဒိး မၤလၢပှဲၤအတၢ်အၢၣ်လီၤတဖၣ်. အဒိ, ယဟိဝၤယွၤသးအိၣ် မၤသမူထီၣ်က့ၤ ပှၤသံတဖၣ်.—ယိၤဘး ၁၄:၁၄, ၁၅.
လံာ်စီဆှံ တဲစ့ၢ်ကီးလၢ ကစၢ်ယွၤအဖိခွါ ယ့ၣ်ၡူးန့ၣ် မၤဘျါက့ၤပှၤဆူးပှၤဆါတဖၣ်. ဘၣ်မနုၤအဃိ ယ့ၣ်ၡူးမၤဝဲဒ်န့ၣ်လဲၣ်. မ့ၢ်လၢအသးအိၣ်မၤဝဲအဃိ. (မၢ်ကူး ၁:၄၀, ၄၁) ယ့ၣ်ၡူးပာ်ဖျါထီၣ် အပၢ်အတၢ်ပာ်သူၣ်ပာ်သး လီၤတံၢ်လီၤဆဲးအဃိ ထီဘိန့ၣ် အသးအိၣ်မၤစၢၤ ပှၤလၢအလိၣ်ဘၣ်တၢ်မၤစၢၤတဖၣ်.—ယိၤဟၣ် ၁၄:၉.
အဃိ ပနာ်သ့သပှၢ်တၢၢ်လၢ ယဟိဝၤယွၤဒီးယ့ၣ်ၡူးခရံာ် အဲၣ်ဒိးမၤစၢၤပှၤ ဒ်သိးပကအိၣ်ဒီး တၢ်သူၣ်ဖှံသးညီလၢ ခါဆူညါ.—စံးထီၣ်ပတြၢၤ ၇၂:၁၂-၁၄; ၁၄၅:၁၆; ၂ ပ့းတရူး ၃:၉.
ဆိကမိၣ်ကွၢ်
ကစၢ်ယွၤ ကမၤဂ့ၤထီၣ်က့ၤ ဟီၣ်ခိၣ်အတၢ်အိၣ်သးတဖၣ် ဒ်လဲၣ်.
လံာ်စီဆှံ ပာ်ဖျါထီၣ်ဝဲတၢ်စံးဆၢဖဲ မးသဲ ၆:၉, ၁၀ ဒီး ဒၤနံးယ့လး ၂:၄၄ အပူၤ.