တၢ်ကတိၤအိးထီၣ် အကူာ် ၈
ယဟိဝၤယွၤဆိၣ်ဂ့ၤ စီၤၡလိၤမိၤခီဖျိလၢ ဟ့ၣ်လီၤအီၤတၢ်ကူၣ်သ့ ဒီးတၢ်ခွဲးတၢ်ယာ်လၢ ကသူၣ်ထီၣ်ဝဲတၢ်လုၢ်ဟံၣ်. ဘၣ်ဆၣ် ဒ်တၢ်ဆၢကတီၢ်လဲၤပူၤကွံာ်ဝဲအသိး စီၤၡလိၤမိၤ ပာ်တ့ၢ်ကွံာ် ယဟိဝၤယွၤ. နမ့မ့ၢ်မိၢ်ပၢ်န့ၣ် တဲနၢ်ပၢၢ်နဖိလၢ ပှၤလၢအဘူၣ်ထီၣ်ဘါထီၣ် ကစၢ်ယွၤလၢ အကမၣ်တဖၣ်န့ၣ် မၤဟးဂီၤစီၤၡလိၤမိၤ အတၢ်ရ့လိာ်သးဒီး ယဟိဝၤယွၤ ဒ်လဲၣ်အဂ့ၢ်. လၢခံန့ၣ် အံၣ်စရ့လးအဘီမုၢ် လီၤဖးဝဲခံက့. ဒီးစီၤပၤလၢအအၢတဖၣ် စးထီၣ်ပၢတၢ် ဒီးဆှၢကမၣ် ယွၤအပှၤဂီၢ်မုၢ်လၢ ကဘူၣ်ထီၣ်ဘါထီၣ်ဝဲ တၢ်ဂီၤတၢ်ဖှီၣ်. ဖဲန့ၣ်အဆၢကတီၢ် ယဟိဝၤယွၤအဝံ လၢအတီတဖၣ် ဘၣ်တၢ်မၤအၢမၤသီ ဒီးဘၣ်တၢ်မၤသံ အဝဲသ့ၣ်. နီၢ်ပၤမုၣ်အံၤစ့ဘ့ၤလး ဆှၢကမၣ်ပှၤအံၣ်စရ့လးဖိ အဒူၣ်တဆံလၢ ကဘူၣ်ထီၣ်ဘါထီၣ်ဝဲ ကစၢ်ယွၤလၢအကမၣ်. ဘၣ်ဆၣ် လၢပှၤအံၣ်စရ့လးဖိအကျါန့ၣ် ပှၤလၢအတီဒီး ယဟိဝၤယွၤ အိၣ်ဒံးဝဲအါဂၤ ဒ်သိးဒီး စီၤပၤယဟိၡၤဖး ဒီးဝံအ့ၤလံယၤ.