တၢ်သးဝံၣ် ၁၃၆
ယဟိဝၤယွၤဟ့ၣ်ဆၢက့ၤတၢ် “လၢလၢပှဲၤပှဲၤ”
Printed Edition
၁. ယဟိဝၤသးတီဒီး အိၣ်ဒီးတၢ်သ့ၣ်ညါ,
သ့ၣ်ညါပှၤလၢမၤအတၢ်မၤ.
ပှၤလၢဟ့ၣ်လီၤတၢ်ဆၢကတီၢ်ဒီးဂံၢ်ဘါ
တအဲၣ်လီၤထဲနီၢ်ကစၢ်ဘၣ်.
ပာ်တ့ၢ်ဟံၣ်ဃီဒီး ပှၤလၢနအဲၣ်တဖၣ်,
ကစၢ်ယွၤကဆိၣ်ဂ့ၤက့ၤနၤ.
ခဲအံၤန့ၣ်အိၣ်ဘၣ်ဒီးဒီပုၢ်ဝဲၢ်တဖၣ်,
ဆူညါဟီၣ်ခိၣ်သီဒိးန့ၢ်ဘၣ်.
(ခိရၢာ်)
မ်ယွၤဟ့ၣ်ဆၢက့ၤနၤ လၢလၢပှဲၤပှဲၤ.
မ်နကဒိးန့ၢ်တၢ်ဆိၣ်ဂ့ၤလၢပှဲၤ.
ယဟိဝၤသူၣ်အိၣ်သးအိၣ်နၤယၤ,
ဟဲအိၣ်ကဒုလၢယွၤ အဒံးဆ့ဖီလာ်.
၂. ကတူၢ်ဘၣ်လၢဘၣ်ဖံးတၢ်မၤတၢ်အါမံၤ,
တၢ်ဝံတၢ်ယိးဃၢဝးတရံး.
အါဘျီလၢတၢ်အိၣ်မူပူၤန့ၣ်ပတူၢ်ဘၣ်
လၢပလီၤဘှံးလီၤတီၤဒိၣ်မး.
တၢ်မၤမုာ်ကစၢ် သ့ၣ်ညါနတၢ်လိၣ်ဘၣ်,
ဖဲကိးထီၣ်အီၤ ဒိကနၣ်နၤ.
လံာ်စီဆှံ, နတံၤသကိးဒီးသးစီဆှံ
ကဟ့ၣ်နၤဂံၢ်ဘါကိးမုၢ်နံၤ.
(ခိရၢာ်)
မ်ယွၤဟ့ၣ်ဆၢက့ၤနၤ လၢလၢပှဲၤပှဲၤ.
မ်နကဒိးန့ၢ်တၢ်ဆိၣ်ဂ့ၤလၢပှဲၤ.
ယဟိဝၤသူၣ်အိၣ်သးအိၣ်နၤယၤ,
ဟဲအိၣ်ကဒုလၢယွၤ အဒံးဆ့ဖီလာ်.
(ကွၢ်စ့ၢ်ကီး စံၣ်ညီၣ်. ၁၁:၃၈-၄၀; ၡါ. ၄၁:၁၀ တက့ၢ်.)